《古惑仔》送海報 推新故事「誰是游子健」

繼趙繼邦可憐地被親生老母丁瑤摺埋之後,《古惑仔》新一輯故事「誰是游子健」正式展開,今期第2089期《古惑仔》仲送多張海報以示隆重添,過癮在除咗豹子健、福健仔、台灣仔外,仲加多個新角色浩然,牛佬喺專欄話咁樣過癮啲喎,又話分分鐘游子健根本未出過場,等讀者難估啲喎云云。我就咁諗,豹子健個名太似游子健,應該唔係,浩然更加唔係,「浩然正氣」咁重皇氣Feel,應該都唔係;淨番嘅福健仔同台灣仔,我會估台灣仔,因為面相畫得普通啲,似二打六,之前出親場都無乜戲做,唔多起眼先似警方臥底嘛。牛佬,我有無估錯呢?

Read more ›