Tag: 港足

香港勁揪!撐港足x Happiplayground打氣Tee!

聽晚香港足球隊作客馬爾代夫,有直播睇呀,家陣港足排緊小組第二,得失球好重要,希望可以數到對手七個一皮喇。想睇得投入啲,嗌得興奮啲,不妨幫襯買番件「港隊 x Happiplayground打氣Tee」,有兩款圖案選擇,一,撐自己人12紅色Tee;二,Football Panda白色Tee,各成人Size $199,小童Size $159,全線MDX門市有售,聽朝去買,仲嚟得切喎老友。

Read more ›

有片:撐港足!60秒足本宣傳片Hooray!

喺電視都睇到嘅港足宣傳片只得半分鐘,呢條先係60秒足本版,法圖斯頂頭槌、陳肇麒爭頂、盧均宜怒射破網、麥基入楔走位等鏡頭齊晒。雖然有人話呢條片好老土同好維穩,但「公平競賽」同「尊重對手」不就是體育精神嗎?訊息正面,作為球迷,作為香港人,真係好應該真心支持吓──「你哋嘅支持,就係球員最大嘅動力,香港足球,你同我都可以參與,尊重對手,公平競賽,為香港足球歡呼!」家陣港足喺小組排緊第二,仲有機會出線架,Hooray!畀心機呀香港隊!

Read more ›

藝術家+漫畫家+創作人出手 撐港隊系列海報

又講港足?無計啦,今晚港隊出戰第一場世界盃外圍賽對不丹嘛,梗係望佢旗開得勝喇。為吸引更多香港球迷入場,香港足總專登搵香港藝術家、漫畫家同創作人設計四幅海報,四幅海報各有主題,包括Figure創作人Winson Ma嘅「目標要強,決心要世!」、HAPPYIPLAYGROUND原創作者司徒偉平嘅「刻苦練習,力爭向上」、KEO. W創作總監Keo Wan嘅「一起戰鬥吧!」同埋漫畫家利志達嘅「向前衝」……成壇嘢點睇?入場睇囉,港隊必勝!Yeah!

Read more ›

國足海報寸定Fun?香港足總改圖對著幹

為呼籲球迷支持中國國家隊打世界盃外圍賽,中國足協設計咗四張海報作宣傳,四張海報皆以「不輕視任何對手」為題,擺明車馬針對同組對手不丹、香港、馬爾代夫同卡塔爾,分別以超Sharp醒嘅紅黃綠紫底色,內容亦極具挑釁性,如果單計吸睛度,中國足協明顯勝了一仗。面對港足,國足用以下言詞挑機──「這支球隊的人,有黑皮膚,有黃皮膚,有白皮膚,這麼有層次的球隊,得防著點!」表面好Funny,實則寸到無朋友。為此,香港足總即刻改圖還拖,改字變成──「唔好比人睇死,我哋呢支球隊,有黑皮膚,有黃皮膚,有白皮膚,目標係要為香港出一口氣,你係香港人點都要撐!」啱吖,波係圓嘅,未落場踢過都唔知邊隊輸贏,9月3日同11月17日主客兩場賽事見真章囉。

Read more ›