Tag: 港產片

Hong Kong Movie x No Paper Studio 送港產片角色利是封

Hong Kong Movie x No Paper Studio 送港產片角色利是封

家陣利是封再唔係紅紙一張咁簡單,已升格到精品級別,就好似面書專頁「Hong Kong Movie」聯乘另一面書專頁「No Paper Studio無紙用」推出嘅利是封咁,用歷年港產片經典角色做圖案,加多兩句祝福語「祝你哈皮扭耳丫」同「我真係恭喜你呀」,咁鬼正,真係收到都未必捨得撕爛佢,未結婚嘅都想買番疊好好收藏。想要?都係讚好加玩問答遊戲再加抽獎咁喇,自己識做喇。

Read more ›

「啊羊繪記」的港產片系列WhatsApp Sticker

「啊羊繪記」的港產片系列WhatsApp Sticker

推介面書專頁「啊羊繪記」呢系列以港產片為主題嘅WhatsApp Sticker,配埋經典對白幾搞笑。梁榮忠「邊個夠我慘?」同徐錦江「我要晒!」出自邊套電影,你無理由唔知啩,常威「你陰我?」就連表情都似埋,正呀喂,值得Save起佢。

Read more ›
睇片:《江湖,再見!》 你仲撐唔撐港產片?

睇片:《江湖,再見!》 你仲撐唔撐港產片?

面書專頁「電影公社」出咗條片《再見,江湖!》,將歷代經典港產江湖片、英雄片混剪埋一齊,有時裝有古裝,左Cut一幕右Cut一句對白,成條片係有層次有頭有尾有Message嘅,之所以片長7分25秒,會唔覺唔覺睇晒,我仲睇得好投入添。陳浩南、陳永仁、韓琛、Mark哥、葉問、燕赤霞……邊睇,唔知可唔可以勾番起大家嘅美好回憶?仲記唔記得邊套戲打邊套戲?專頁有留言曰:「今日無咩講,剩係想講撐香港電影嘅,俾個Like,等香港電影工作者知道,仲有好多人撐香港電影!」港產片,你仲撐唔撐?

Read more ›
Rex Koo《七孔流血》畫展 重現港產片經典血腥畫面

Rex Koo《七孔流血》畫展 重現港產片經典血腥畫面

真係大吉利是!好改唔改,畫展改個名叫《七孔流血》喎,不過感覺幾Cult吓,我又幾Like喎。呢個係Rex Koo個展,收錄咗佢「對港產片的死亡場景和血腥場面的記錄」,用色大膽好Eye-catching,構圖好熟口熟面。如果係港產片影迷,應該一眼就睇得出佢畫緊邊套戲、邊個明星同邊一幕。有得估戲名又有得睇畫,孖重娛樂喇喂,抵撐。

Read more ›

網圖分享:Hello Wong的惡搞港產片Poster

唔知大家身邊有無一類朋友,入場睇戲永遠只睇荷李活大製作,對港產片不屑一顧呢?呢類朋友,我身邊大把。查實鍾意睇港產片絕對唔Cheap,如果你都係港產片影迷,不妨留意吓「Moko新世紀廣場全民投選電影金影獎」,投票撐港產片之餘,仲可以欣賞埋為是次Function作畫嘅Hello Wong嘅一系列惡搞海報。個人認為畫得相當唔錯,落色搶眼,構圖悅目,我幻想,如果呢系列海報可以擺喺地鐵廣告燈箱,我諗仲搶收視。

Read more ›