Tag: 港漫

港漫收藏家Kent Chu之瘋狂 易拉架照儲

港漫收藏家Kent Chu之瘋狂 易拉架照儲

港漫收藏家Kent Chu嘅瘋狂人盡皆知,估佢唔到連宣傳用易拉架都唔放過,唔理收納困難照儲可也。剛剛,佢舉辦咗一個《港漫易拉架珍藏展》,展覽喺廢置廠房舉行,即日開幕即日閉幕。自High之餘,佢大方地將《霸刀》、《幻城》、《龍虎門》、《四大名捕》、《九龍城寨》、邊荒傳說等易拉架公諸同好,觀其一字排開之澎湃氣勢,睇到人O晒嘴。服了!服了!

Read more ›

索取港漫畫家簽名畫板加海洋明信片 手快有手慢無

索取港漫畫家簽名畫板加海洋明信片 手快有手慢無

喺馬來西亞舉辦嘅Comic Fiesta 2019圓滿結束,咁關香港動漫Fans乜事?都關架,事關鄺志德、曹志豪、葉偉青、謝森龍異、梁偉家同Nekori為是次交流活動,各自畫咗一幅簽名畫板,另加海洋出版社製作嘅明信片,依家統統都可以送畀大家。很想要吧?老例都係要幫手開心Share帖子、寫低點解想得到獎品嘅原因之類大路嘢,手快有手慢無,大家識做喇。

Read more ›
李健良開成人繪畫班 12堂$3600

李健良開成人繪畫班 12堂$3600

幫手推推,因為堅值得推,李健良開班呀喂,今次唔係For小朋友,係開成人繪畫班,主要教畫森林、土地、天空、水、動物同天象等手繪上色技巧。有機會跟港漫彩繪大師學藝,係咪開心先?12月開班,12堂$3600,有興趣請PM佢。

Read more ›
漫道書展推出新港漫 張立人《奇幻集》全彩稿製作

漫道書展推出新港漫 張立人《奇幻集》全彩稿製作

早兩日報導過書展會有本新港漫推出,由張立人繪畫,初頭以為書名叫《睇相佬》,原來唔係。實情此書由久違了的「漫道」出版,叫《奇幻集》,而〈睇相佬〉不過係此書其中一個短篇故事,另外兩個故事叫〈鬼臉菩提〉同〈奪命化寶桶〉,全彩稿製作。鬼書,我Like喎,唔知又啱唔啱你口味?希望大家多多捧場喇。

Read more ›
哀!資深港漫編劇文敵辭世!

哀!資深港漫編劇文敵辭世!

今日傳來噩耗,資深港漫編劇文敵與世長辭。呢排我有留意開面書專頁「文敵小說」,知道佢就快出版《天下無敵風雲錄》小說,早兩日仲出Post話會推出另一本作品《超煩特警》,邀請到何志文幫手畫封面云云。人生無常,估唔到小說成遺作……唉,廢話都係呢句,謹記珍惜眼前人。文敵,一路好走喇。

Read more ›
期待!7月有新港漫《筆拘一格》!

期待!7月有新港漫《筆拘一格》!

瀏覽面書,得知嚟緊7月將會有本漫畫誕生,名為《筆拘一格》,暫時尚在儲稿階段,未知價錢,只知一書會有HIN創作嘅《鐵魂》、鄭康生創作嘅《Fairy Tale The Evil》等四個漫畫故事。面書專頁有留言曰:「現在我們正密鑼緊鼓去完成自己各自的漫畫稿,希望到《筆拘一格》出版嘅時候,大家會感受到我們的誠意!」Fine,多本公仔書睇始終係好事,拭目以待,希望可以做場好戲啦。

Read more ›

係時候打卡 摩天輪下的港漫角色畫板

係時候打卡 摩天輪下的港漫角色畫板

本周六,有壇政府帶頭搞嘅「我承諾行動 玩轉摩天輪同樂日」,有時間嘅唔該去香港摩天輪走一轉。屆時場地會戙起一塊畫板,唔知有幾大,構圖以香港維多利亞港附近地標為背景,上有問天、步驚雲、海虎、王小虎、郭靖等港漫角色身影,兼有N咁多個「我承諾」行動標誌。有嘢玩架,數吓Total有幾個標誌,答中就有禮物咁囉。於我呢,有無禮物好其次,朝聖打卡先係王道。

Read more ›
邱福龍請人 誠邀加入港漫大家庭

邱福龍請人 誠邀加入港漫大家庭

請人呀喂,邱福龍求才若渴,剛剛喺面書誠徵各部門高手、執稿同助理,畫得一手好畫嘅可以諗諗;唔識畫公仔都唔緊要,有腦有點子亦可,如果有好劇本好故事、精彩短中長篇勁橋,都可以同佢傾傾,合作條作面議,2019年港漫大家庭等緊你加入咁話喎。

Read more ›
袁家寶2019年做老闆 割愛40年港漫珍藏

袁家寶2019年做老闆 割愛40年港漫珍藏

無聊瀏覽面書,驚覺袁家寶2019年做咗老闆,而所謂做老闆者,開網店割愛私人港漫珍藏是也。佢留言話「自己珍藏40年海量正版港漫」,既稱「海量」,即係大把貨啦。望相,珍藏反晒光包晒膠,袁家寶話有九成新,保證原裝正版,又謂「金報生報青報漫畫王乜都有」,睇嚟真係一個等住大家發掘嘅大寶藏。有興趣嘅,可以PM佢真接Deal,祝生意興隆呀喂。

Read more ›
張小偉聖經港漫《我是王》 出書兼喺Cafe搞原畫展

張小偉聖經港漫《我是王》 出書兼喺Cafe搞原畫展

孤陋寡聞,真係唔知原來有關於聖經嘅港漫,講嘅係張小偉新作《我是王》,開宗明義話到明係聖經漫畫,售$50。為此,佢喺「Pavilion Cafe」搞咗個原畫+複製原畫展,合共展出約廿幅作品,現場既有新書亦有舊作《使徒行傳》同時發售。觀其畫風好重港漫Feel,線條幾密質質畫面幾細緻吓,真係好有興趣買番本睇睇。

Read more ›
網圖分享:Tham Kah Hwee的老港漫角色

網圖分享:Tham Kah Hwee的老港漫角色

面書朋友仔Tham Kah Hwee肯肯定係百分百港漫迷,佢筆下嘅「Old Sch Art」系列畫作,絕對有七八十年代《龍虎門》、《李小龍》Feel。東方真龍、老祖宗、王小虎、老邪神……你仲認到幾多個經典角色?掌聲鼓勵,唔好停繼續畫呀,加油。

Read more ›

Like唔Like古祖港漫? 上官小威復刻漫畫四寶

Like唔Like古祖港漫? 上官小威復刻漫畫四寶

復刻復刻又復刻,有人話一味睇復刻作品於港漫係退步,我唔係咁睇,事關總有人真係無睇過,無睇過就可以當新書咁睇。對於無睇過古祖時期港漫嘅我,上官小威復刻漫畫四寶《降頭》、《蟋蜶仔》、《瘋狂漫畫》同《歡樂漫畫》係好事。漫畫四寶分甚麼專貴版、贈品版、123專間店獨家版同普通版,最貴都不過係$208,最平$108,又杯墊又海報又乜卡物卡,真係好難唔捧場。

Read more ›
港漫x電影《悟空傳》 林祥焜創作漫畫版電影海報

港漫x電影《悟空傳》 林祥焜創作漫畫版電影海報

原來林祥焜同《悟空傳》導演郭子健好Friend,Friend到可以玩一趟港漫聯乘電影,除邀請睇戲外,郭子健更力邀林祥焜作漫畫版電影海報一幅,齊齊出席首映禮影相留念。呢幅海報係咪正先?我已經Save起咗。

Read more ›
港漫均一價$20 《西遊》113期開始加$1

港漫均一價$20 《西遊》113期開始加$1

好喇,終於都輪到《西遊》嘞,鄭健和喺今期第110期《西遊》「和仔專欄」正式宣佈同其他港漫睇齊,決定加價$1──「有一則重要消息,由113第二部開始,《西遊》將會加一蚊,成為二十元正,希望大家繼續支持喇。」樓就話買唔起啫,呢$1就絕對豪得起,加油呀和仔大人,永遠支持你呀。

Read more ›
《詭探》x港漫 原來出自梁偉家之手

《詭探》x港漫 原來出自梁偉家之手

唔知大家有無睇ViuTV《詭探》,我有,仲搵番久違了嘅追劇興致,晚晚收工都第一時間哺喺電腦前面煲劇。前晚第21集〈邪教圖騰〉,故事講到Joe同神婆向方怡解釋「第七動行動組」花朵由來──話說N年前學過茅山術嘅女幹探阿花,率領捉過過百隻鬼嘅師父同師叔、單挑撒旦嘅神父、300歲黑魔法女巫、光頭大叔入義莊捉殭屍,最後殭屍盡殲,可惜七人去一人還,只死剩阿花,「第七行動組」自此代代承傳,傳到忠Sir呢代剛好係第四代。編劇交代呢段故事,唔用真人拍攝,改用漫畫加Joe對白交代,好突破。前晚睇嗰陣,我已經Feel到漫畫滿滿港漫風,筆風仲好熟口熟面。正估緊出自邊個手筆之際,梁偉家喺面書出Post話:「自己嘅漫畫在另一領域出現,實在是一件非常高興嘅事。」真相大白了!網劇聯乘港漫,原來有得諗喎,邊個咁好橋?真真抵讚。

Read more ›