感人! 內地60歲女士照顧1300隻流浪狗 15年來風雨不改

喺中國呢個仲會食狗肉嘅地方,居然有一位年過60歲嘅女士收養咗1300隻流浪狗,每日凌晨4點開始風雨不改照顧佢哋,呢件事真係好感人!呢個「小動物愛心之家」由60歲嘅老王彦芳女士2000年喺陝西渭南成立,當年政府要整治流浪狗,佢唔忍心於是同主管部門申請接走一班無人領養嘅流浪狗,自此就每日風雨不改照顧一班流浪狗。每日凌晨4點就要起身準備食物,之後就打掃狗場、餵佢哋食嘢,由於有1300隻狗,每日要消耗400公斤嘅食物。又由於工作太龐大,佢需要請多4個人幫忙,而家嘅經費主要來自捐款。呢件事吸引咗外國CNN新聞報導,好多外國人對於佢嘅善行都覺得好感動,不過另一方面大家都提醒佢要做好幫狗狗嘅絕育工作,無論如何,呢位女士嘅行為都好值得尊重,希望佢嘅善心可以喚醒其他仲食緊狗肉嘅中國人。

Read more ›