Tag: 測試

【有片】美國細路食各地早餐 反應好奇特

【有片】美國細路食各地早餐 反應好奇特

美國小朋友食咩早餐大呢?係咪電視成日賣廣告嗰啲咩咩脆米脆片加牛奶朱古力好好味?定一話雞蛋煙肉漢堡包?如果俾佢哋試食韓國、巴西、越南等地嘅早餐,佢哋會有咩反應?

Read more ›

新片速報 30磅肥貓墮地測試 網民鬧爆

呢個肥仔好殘忍,屋企有兩隻貓,其中一隻仲要係有30磅重嘅大肥貓。大家都聽過貓嘅反應同跳躍力都好強,佢就拍片親身示範,先抱起隻貓搓兩搓肚仔等佢失去戒心,之後1、2、3,將佢由高處掉落地面,睇吓隻貓係咪可以趕得切翻轉身再用腳落地,第一隻順利降落,到第2隻重30磅嘅大肥貓,噢,臨尾半秒勉強翻身雙腳落地過關,好險!雖然地下有舖軟墊,不過咁殘忍,當然比網民鬧爆。係囉,喵星人出名小氣,你咁樣玩去,佢哋今晚一定報牛。

Read more ›

【有片】PS4 VS Xbox One 高空墮地再開機 電鋸鋸爆新主機

好浪費呀!不過為咗廣大嘅機迷,佢哋都作出咗犧牲……呢次測試唔係試性能、畫面fps,而係佢哋嘅防撞能力……佢分別將兩部主機喺唔同高度跌落地下,之後試吓仲開唔開到機,最後……我只能夠講句,如果你啲主機成日都會跌落地嘅,你唔駛諗喇,買Xbox One啦。

Read more ›

有片拆解 紅色可樂 VS Zero可樂糖份測試

飲可樂你會揀Zero定紅色可樂?呢條片唔係最新不過我啱啱先睇倒,之前睇過人煲紅色可樂,外國YouTuber maricv84做嘅呢個實驗就加埋黑色zero,分別拎個煎pan煲滾啲可樂,當水份蒸發晒後,剩底嘅就係糖分,藉此測試紅黑可樂嘅含糖量‥‥‥ 結果都幾出人意表,原來Zero真係健康好多,薄薄哋一層糖分,令人好安心,不過我以後都唔敢再飲紅色可樂‥‥‥

Read more ›

新片速報 芝士漢堡擺放30日 麥當勞完好無缺?

今朝早餐有無食老麥?外國有人將7間快餐店嘅漢堡包,分別放喺玻璃瓶內,然後放佢30日睇吓會變成咩樣。最後Burger King變咗灰包、WENDY’S包面出晒霉菌,我哋最鍾意食嘅麥當勞呢?居然接近完好無缺!驚過見到佢腐爛。

Read more ›

新片速報 200磅肥佬狂坐Note 4 唔彎唔爛

擺明抽水!之前有蘋果嘅iPhone 6被投訴會坐到彎咗,Samsung即時衝出嚟抽抽水。佢哋模擬設計咗一個超過200磅嘅男人,連續不停坐上部Galaxy Note 4度幾百次,目的都係證明部機點坐都唔會爛唔會彎。係喎勁喎。

Read more ›

新片速報 好等錢駛 地鐵月台地下開餐

打份工啫,駛唔駛咁博?話說為咗顯示BISSELL一款新嘅吸塵機有幾勁,加拿大BISSELL嘅產品經理Ravi Dalchand拎埋部機去到地下鐵月台,吸完一輪後,將盒類似薯條嘅食物一嘢倒落地下!然後再徒手執嚟食,連地下剩返嘅茄汁都要用麵包點埋,旁邊嘅乘客睇到掩晒嘴,嘔!睇嚟佢面對緊好大嘅追數壓力,陰功豬。

Read more ›

(切勿模仿) 地鐵古惑測試 扮恰眼瞓挨身挨勢

有無試過搭搭吓車,隔籬位陌生人恰眼瞓,中中吓挨咗落你膊頭?呢個時候你會點處理?外國有位無聊人Ferrandi就做咗呢個測試,再搵朋友坐喺對面用手機偷拍被襲者嘅反應。可能個測試者係女性,所以大部份人都都無推開佢或者晲爆佢,不過建議唔好亂試,尤其是喺日本,分分鐘比人當「癡漢」拉走你。

Read more ›

新片速報 測試坦克車刹車 軍人馬路中心企定定

勇氣同反智都係一絲之差。一架坦克車喺你背後衝埋嚟,近到差啲貼倒你個身先停底,你會唔會本能反應擰轉頭望或者跑開?呢班23人嘅團隊據知係荷蘭軍人,為咗測試坦克車Leopard Tank嘅刹車系統,大家就企喺馬路中心十足射罰球咁等候發落。有網友鬧爆呢個測試勁變態,萬一有閃失,大家就會變成一攤肉泥,你點睇?

Read more ›

街頭超殘酷「人體」測試 反化妝品動物測試

女士們每日使用嘅化妝品,好多都仲用緊動物做測試,究竟呢啲兔仔、老鼠受到點樣殘忍嘅對待?標榜不經動物測試嘅化妝品牌LUSH,最近喺戶外做咗一個展示,搵咗幾位女性喺櫥窗前做「人體」測試,展示動物喺接受測試時所受嘅不人道對待 ─ 包括強迫試食可能有害嘅物料、灌藥水入眼、剃毛髮等等,畫面令人極之不安,不過亦提醒女士們唔好再用經動物測試嘅化妝品牌,睇畫面勝過千言萬言。

Read more ›

新片速報 香檳金iPhone 5s遇上攪拌機 幾秒鐘爛晒

Blendtec呢間攪拌機公司,每次有新手機出都會拍片,影底整個過程宣傳自己部攪拌機有幾勁,最近佢就攪iPhone 5s同埋5c,部5s仲要係好渴市嘅香檳金版本!睇見呢部人人搶住要(嚟炒)嘅金色5s慢動作被攪爛,其實幾爽皮。至於5c佢都好揼本,一次過攪爛4隻新色,但係點解4部機加埋嘅灰,同金色5s一部機嘅灰差唔多?唔通5s重料啲?

Read more ›

新片速報 iPhone 5S極襟跌 iPhone 5C爆芒

究竟iPhone 5S同埋iPhone 5C邊部襟跌啲?外國網站Android Authority做咗個測試,將兩部機由手口位置掉落地,仲連掉三次,睇得人好痛快。結果係5S好襟跌,只係外部有少少損傷,至於5C嘛,損傷非常慘重,芒都爆埋,證明5S比5C襟跌。其實我想睇佢用部香檳金5S測試多啲。

Read more ›