Post Tagged with: "測試"

日本鴿仔堅持瞓入去 不同顏色雪糕筒測試Twitter熱傳
by / on 15/05/2019 at 7:00 am

日本鴿仔堅持瞓入去 不同顏色雪糕筒測試Twitter熱傳

噚日放左紅色嘅雪糕筒,今日改放黃色,不過都無阻隻日本鴿仔堅持瞓入去嘅決心!似乎顏色並唔係佢考慮嘅因素,個啱啱好凹咗入去嘅位先係佢鍾意嘅嘅原因,而家嘅佢心入面可能諗:「可唔可以拎走個雪糕筒?」

Read more ›

【有片】日本「速走男」飛奔下一個車站 神速測試Twitter熱傳
by / on 26/07/2018 at 7:20 am

【有片】日本「速走男」飛奔下一個車站 神速測試Twitter熱傳

之前都有日本人試過,就係喺其中一個車站落車,然後飛奔去下一個站,途中有兩個鏡頭,一個係跑者嘅主觀鏡,另一個係喺車上嘅朋友。今次呢段片有呢個速走男,最後佢啱啱好趕得切上返同一部車,不過就攰到講唔到嘢,好正!入嚟有片睇。

Read more ›
老鬼大測試 日本網民貼懷舊玩具Twitter熱傳
by / on 12/09/2017 at 7:25 am

老鬼大測試 日本網民貼懷舊玩具Twitter熱傳

又係測試年齡嘅時候嘞!有日本網民放咗呢件玩具上Twitter,叫玩過嘅老鬼一齊RT(轉發),好快轉發數字已經超過4萬人,有人留言話自己間玩具店仲賣緊呢款玩具,有人話呢款玩具已經推出超過30年,仲有其他網民貼咗啲懷舊玩具出嚟,入嚟有得睇。利申,我真係無玩過呀。

Read more ›
【新片速報】iPhone計時器神奇測試 遮住最尾數字會變慢?
by / on 02/09/2017 at 12:37 pm

【新片速報】iPhone計時器神奇測試 遮住最尾數字會變慢?

iPhone嘅計時器大家間唔中都會用到,最尾兩個數字快到無影,最近有日本網民試吓用啲嘢遮住最後一個數字,咦,點解睇落尾二個數字郁得即刻慢咗嘅?我都忍唔住拎咗部電話出嚟試吓,好神奇。好多人都俾呢個錯覺幻象呃到,有機喺手嘅可以試吓,無嘅可以入嚟睇吓片。

Read more ›
【有片】日本製巨型曱甴屋真人測試 相撲手被擒獲
by / on 28/05/2016 at 3:28 pm

【有片】日本製巨型曱甴屋真人測試 相撲手被擒獲

人會進化,曱甴都會!日本製藥公司「アース製薬」最近同漫畫改編嘅電影《火星異種》嘅呢個合作超正。有睇漫畫都知入面有分低級型同高級型嘅巨型曱甴,呢間公司就研發咗間929倍嘅超巨型曱甴屋,仲搵嚟真人做測試,段片放上網已經過百萬點擊。測試員分別有研究員、短跑手同相撲手,最後3個都貼實出唔到間曱甴屋,相撲手仲差啲連皮都甩埋。睇埋Making of見到現場職員真係要剪爛啲衫先救得返佢哋佢哋,唔好話曱甴,人都死呀!今次應該會吸到好多人買佢哋間曱甴屋返屋企嘞。

Read more ›
【新片速報】喵星人都有分「左撇子」   簡單測試方法影片熱傳
by / on 21/03/2016 at 7:11 am

【新片速報】喵星人都有分「左撇子」 簡單測試方法影片熱傳

我哋會形容用左手嘅人做「左撇子」,通常佢哋嘅藝術天分都比較高。估唔到唔只人類,原來貓都有分左撇子或者右撇子。日本好紅嘅喵星人Maru最近又有新片,今次教一班貓奴測試自己嘅喵星人習慣用左手定右手,方法好簡單,喺一隻水杯入面放粒貓餅,喵星人先用邊隻手抓貓餅,佢就係慣用嗰隻手嘞。今次仲搵嚟另一隻喵Hana一齊做測試,但係Maru原來左右撇子都唔係,而係用塊臉?根據統計,大概4成喵星人用左手,5成用右手,剩底嘅係兩隻手都會輪流用,你屋企隻喵星人係邊種?

Read more ›

【有片】超像真機械貓突然入屋   測試喵星人反應
by / on 04/01/2016 at 7:13 am

【有片】超像真機械貓突然入屋 測試喵星人反應

喵星人對自己嘅地盤好著緊,有新貓想入屋都唔容易,如果隻貓係機械貓呢?外國有人買咗呢隻像真度極高嘅白色機械貓返屋企,隻機械貓識叫識眨眼,仲識扮舔毛,一班喵星人見到即刻高度戒備,好警惕咁巡視,但又忍唔住伸手搞吓佢,見對方郁一郁即刻嚇到彈開幾呎遠。不過其中一隻喵好快伸出友誼之手,仲挨住隻機械喵舔毛,究竟佢哋知唔知呢隻係咪假貓呢?

Read more ›
幾秒測年齡 考反應急煞車
by / on 16/11/2015 at 11:45 am

幾秒測年齡 考反應急煞車

呢啲測試其實真係唔知準唔準,不過玩吓破吓紀錄都幾好玩。呢個幫人搜尋泊車位嘅網站就搵嚟2,000位18歲以上嘅人做緊急煞車實驗,之後整咗呢個遊戲,模擬行車期間突然出現煞車標誌,用Mouse Click或者Keyboard撳掣都得,我最後生試過31歲……

Read more ›
【年齡測試】上一代AV女優圖鑑 識5個以上係大叔?
by / on 20/07/2015 at 7:21 am

【年齡測試】上一代AV女優圖鑑 識5個以上係大叔?

首先,識唔一定有睇嘅,可能好似我咁因為好學或者八卦唧。日本網民呢兩日熱烈討論呢張AV女優圖鑑 ,入面有28位上一代嘅AV女優樣,題目係「認識5人以上嘅就係大叔」,有人就話只認得2-3個,有人話第2、3行嗰啲都好出名,但係都有網友話全部識晒‥‥‥網民仲貼咗張新一代AV女優圖鑑做比併,有人話新一代嘅女優靚啲,不過整容味就重啲。老老實實,你認識幾多個?新嗰批我識3個,舊嗰批一個都唔識。但隔籬位編輯錢無義,佢話舊嗰批最少識10個……尤其對小室友里有感情……咁幾準。

Read more ›
【戀愛測試】個心有無郁?日本網民測試戀愛度
by / on 12/06/2015 at 7:14 am

【戀愛測試】個心有無郁?日本網民測試戀愛度

呢張心心圖最近喺日本好多人談論,宣稱可以睇吓你係咪戀愛中,當你集中精神望住中間個心,見唔見到佢郁?見到嘅話,郁得勁唔勁?據講如果拍緊拖或者有暗戀對象嘅,就會見到個心狂郁,唔郁嘅話即係無拍拖,或者已經感情轉淡。不過有網民話:「我無拍拖但係都見到個心狂郁喎!」亦有人話:「我個心臟同圖入面嘅心一樣停止咗。」我無拍拖又無對象,睇埋呢張相個人灰爆,係呀,完全無郁呀,我諗我個心已經死咗?救命呀!

Read more ›
新片速報     整蠱名畫「專家」     IKEA平價畫有人開價二千萬!
by / on 19/03/2015 at 7:08 am

新片速報 整蠱名畫「專家」 IKEA平價畫有人開價二千萬!

利申,我對名畫一竅不通,只係認得「蒙娜麗莎的微笑」。咁平時IKEA宜家傢俬都會有啲平價畫賣,而其實名畫家同IKEA畫家嘅作品有幾大分別?外國嘅LifefHunter就做咗個測試,將一幅IKEA嘅畫放喺畫廊入面,職員仲呃啲嚟參觀嘅人話幅畫出自瑞典名家IKE Andrews手筆,叫大家鑑賞吓估吓價。有人超認真分析畫家心情,有人居然話想以250萬歐羅(超過港幣2千萬)買走幅畫!最正都係1:22嗰位留鬚嘅專家,吹到好誇張,當職員最尾話佢知幅畫來自IKEA時,佢嗰樣好尷尬‥‥‥

Read more ›

【有片】美國細路食各地早餐 反應好奇特
by / on 20/02/2015 at 10:59 am

【有片】美國細路食各地早餐 反應好奇特

美國小朋友食咩早餐大呢?係咪電視成日賣廣告嗰啲咩咩脆米脆片加牛奶朱古力好好味?定一話雞蛋煙肉漢堡包?如果俾佢哋試食韓國、巴西、越南等地嘅早餐,佢哋會有咩反應?

Read more ›
新片速報    30磅肥貓墮地測試    網民鬧爆
by / on 14/12/2014 at 1:39 pm

新片速報 30磅肥貓墮地測試 網民鬧爆

呢個肥仔好殘忍,屋企有兩隻貓,其中一隻仲要係有30磅重嘅大肥貓。大家都聽過貓嘅反應同跳躍力都好強,佢就拍片親身示範,先抱起隻貓搓兩搓肚仔等佢失去戒心,之後1、2、3,將佢由高處掉落地面,睇吓隻貓係咪可以趕得切翻轉身再用腳落地,第一隻順利降落,到第2隻重30磅嘅大肥貓,噢,臨尾半秒勉強翻身雙腳落地過關,好險!雖然地下有舖軟墊,不過咁殘忍,當然比網民鬧爆。係囉,喵星人出名小氣,你咁樣玩去,佢哋今晚一定報牛。

Read more ›
【有片】PS4 VS Xbox One 高空墮地再開機 電鋸鋸爆新主機
by / on 27/11/2014 at 1:23 pm

【有片】PS4 VS Xbox One 高空墮地再開機 電鋸鋸爆新主機

好浪費呀!不過為咗廣大嘅機迷,佢哋都作出咗犧牲……呢次測試唔係試性能、畫面fps,而係佢哋嘅防撞能力……佢分別將兩部主機喺唔同高度跌落地下,之後試吓仲開唔開到機,最後……我只能夠講句,如果你啲主機成日都會跌落地嘅,你唔駛諗喇,買Xbox One啦。

Read more ›
有片拆解 紅色可樂 VS Zero可樂糖份測試
by / on 29/10/2014 at 7:20 am

有片拆解 紅色可樂 VS Zero可樂糖份測試

飲可樂你會揀Zero定紅色可樂?呢條片唔係最新不過我啱啱先睇倒,之前睇過人煲紅色可樂,外國YouTuber maricv84做嘅呢個實驗就加埋黑色zero,分別拎個煎pan煲滾啲可樂,當水份蒸發晒後,剩底嘅就係糖分,藉此測試紅黑可樂嘅含糖量‥‥‥ 結果都幾出人意表,原來Zero真係健康好多,薄薄哋一層糖分,令人好安心,不過我以後都唔敢再飲紅色可樂‥‥‥

Read more ›