Post Tagged with: "減肥"

【有片】33磅超級肥貓    成功被收養積極減肥
by / on 26/07/2018 at 7:04 am

【有片】33磅超級肥貓 成功被收養積極減肥

呢隻外國肥貓Bronson重33磅,嚇親好多人類。只得3歲嘅佢最近俾人收養,主人仲決心幫佢減肥。佢嘅前主人過咗身,估計係老人家,俾咗好多人類嘅食物佢,所以令佢肥成咁。而家佢每日都會被控制食量,目標係一個月減一磅,另外主人會同佢玩玩具同埋做運動,仲幫佢開咗個IG帳戶,將佢嘅減肥過程放上網分享。暫時3個月已經成功減咗1.6磅,似乎仲需要繼續努力喎!

Read more ›

【時空操作】日本網民分享減肥傳單 度門點解變窄咗?
by / on 16/08/2017 at 7:14 am

【時空操作】日本網民分享減肥傳單 度門點解變窄咗?

人類總要犯同樣的錯誤,最近有日本網民行行吓街接到呢張減肥傳單,減肥前同減肥後好大對比喎!不過睇真啲,咦,點解連度門都窄咗?有網民試吓重整返張相,發現拉闊返度門之後,個model都係瘦咗,但就無之前嘅效果咁勁嘞。減17.6公斤,邊有咁易吖。

Read more ›
合味道杯麵變豆腐     超低卡路里減肥都啱
by / on 13/08/2017 at 1:46 pm

合味道杯麵變豆腐 超低卡路里減肥都啱

日清最出名係合味道杯麵,不過最近佢哋就推出標榜無麵嘅杯麵,正確啲講係杯湯先啱,麵條變咗做豆腐,有兩款味道,分別係豚骨豆腐同担担豆腐,前者有九州豬骨湯底,後者就辣辣哋夠晒開胃,最重要係超底卡路里,一杯唔夠76卡路里!用嚟當零食醫吓肚都抵。8月21日開始有得買,開價170円。唔知阿信屋會唔會返貨呢?

Read more ›
【新片速報】日本喵星人偷做運動 提腿減腩勁快放棄
by / on 09/12/2016 at 7:12 am

【新片速報】日本喵星人偷做運動 提腿減腩勁快放棄

可能最近天氣凍食多咗嘢肥咗,所以要做吓setup減吓腩,講緊嘅係呢隻日本肥貓,主人偷拍咗倒佢偷偷哋匿埋做運動,先提腿,之後搖吓腳。段片放上Twitter後好受網民歡迎,不過同你同我一樣,做兩做就決定放棄,係咪好有共鳴呢?

Read more ›
韓國情侶齊健身 5個月大變身
by / on 23/09/2015 at 1:22 pm

韓國情侶齊健身 5個月大變身

見到好多身邊人,搵到男女朋友之後就越嚟越肥,所以我為咗保持一身橫練肌肉……咳唔。不過拍拖都唔一定肥嘅,又或者肥咗可以齊齊減,好似呢對韓國情侶咁,本來大家都係肥底,但就用咗5個月,每星期做兩次1.5小時嘅負重訓練,每日3小時帶氧運動,只係食雞胸、蛋、甜薯等食物,5個月就有咁嘅成績,男嘅「Song Jin Yoo」由83kg減到71kg,女嘅「Shin Ji Hoo」就由63kg減到52.8kg,不過磅數唔係重點,重點係佢哋嘅脂肪比例由32%去到18.5%……

Read more ›
洗衣機結合單車機      慳電又健康
by / on 01/05/2015 at 7:31 am

洗衣機結合單車機 慳電又健康

呢個發明有驚喜!香港女仔好鍾意踩單車機減肥,去親健身室都會見坐滿人。呢個發明就係將單車機同洗衣機結合,當踩單車时會帶動中間嘅衣物滾動,原理同洗衣機轉動一樣,而多出嚟嘅動力仲可以用嚟做螢幕顯示或者儲起將來用。睇落唔錯仲幾環保,唔知第時去健身踩單車機可唔可以賺埋洗?不過呢個北京市中央民族大學嘅學生發明仲係概念階段,未知幾時生產得。

Read more ›

日本減肥飯勺     食幾多卡路里一睇就知
by / on 30/04/2015 at 7:16 am

日本減肥飯勺 食幾多卡路里一睇就知

夏天露出嘅肉多咗,好易就有錯覺自己肥咗,日本女士好注重體型,夏天減肥第一件事就係食少啲澱粉質,食飯?有幾多卡路里架?日本最近又有新發明,呢個飯勺可以即時量度到勺上嘅飯有幾多卡路里,未放入碗已經知道將會食幾多卡路里,預防勝於治療,仲邊敢裝咁多飯?不過咁搞法人生好灰暗喎!

Read more ›
投訴地鐵減肥廣告     燈箱全部要拆走
by / on 29/04/2015 at 7:15 am

投訴地鐵減肥廣告 燈箱全部要拆走

一到夏天香港周街就有好多減肥廣告,外國女士對呢個話題好敏感,最近減肥藥廠Protein World喺英國嘅戶外廣告就比人狂插,廣告上有個索爆嘅比堅尼靚女,旁邊寫住:「Are you beach body ready?」廣告好快被大肆被破壞甚至改圖,話鼓吹「瘦即是美」嘅錯誤思想。有人著埋泳衣去踩場,有男人扮廣告入面嘅模特兒自拍,網上亦有超過5萬人聯署要求廣告下架。最新消息係倫敦地鐵站已經投降,拆走晒所有相關廣告。所以話,減肥呢個話題真係唔好隨便亂提,尤其是喺女人面前。

Read more ›
癡肥狗狗成功減磅     戒食漢堡Pizza勁減44磅
by / on 17/03/2015 at 7:08 am

癡肥狗狗成功減磅 戒食漢堡Pizza勁減44磅

好誇張!呢隻叫Dennis嘅狗狗,高峰期嘅體重達到56磅!肥到連下巴都無埋,四隻腳同個身連成一體,癡肥全因為平時主人都係餵佢食pizza同埋漢堡包!咁食法,唔好話狗狗,人都會癡肥。好彩最後有新主人Brooke Burton收養,仲決心幫佢減磅,最終由56磅減到而家嘅12磅,足足減咗佢嘅四分之三體重,以後Dennis唔駛再頂住個大肚腩做人,健康咗又精神咗,學醫生話齋,餵佢哋食嘢唔等於愛佢哋,凡事都要適可而止呀!

Read more ›
有片 減肥實錄皮已鬆     360磅肥仔無私分享
by / on 17/11/2014 at 7:04 am

有片 減肥實錄皮已鬆 360磅肥仔無私分享

好震憾!雖然都聽聞過減肥後嘅皮膚可能會鬆弛,但係睇到真人展示嘅時候,依然覺得好震憾。呢位之前重360磅嘅男仔阿John最近成功減走160磅靚仔晒,仲拍埋片示範,不過唔係表演舉重,而係除晒衫拉自己啲皮比大家睇吓減肥後啲皮有幾鬆!網民大讚佢夠勇敢,而家佢好勤力做gym,短短3個月啲皮已經緊返好多,加油呀!

Read more ›
勁!淨食麥當勞    90日減走37磅出書分享
by / on 10/03/2014 at 7:15 am

勁!淨食麥當勞 90日減走37磅出書分享

食麥當勞都可以減肥?我都好想試吓!呢位中學教師John Cisna,減肥唔係節食戒麥當勞,而係戒晒其他嘢,日日早午晚三餐齋隊麥當勞,最後竟然喺90日成功減走56磅肥肉!仲出埋書《My McDonald’s Diet》分享心得,堅!佢而家仲進行緊呢個「地獄式」減肥法,直至3月15日先正式完結,對於只可以食麥記,佢話都唔易,因為其實佢最鐘意食海鮮,辛苦晒。不過講返轉頭,最開心應該係麥記,成日比人彈唔健康食得多會癡肥,今次有人出頭,本書係咪你有份贊助o架!

Read more ›

男人裝假狗   結實胸肌tee即著即大隻
by / on 18/10/2013 at 11:44 am

男人裝假狗 結實胸肌tee即著即大隻

港星杜汶澤日日喺facebook晒肌肉,搞到男士們重燃希望,好彩網上搵倒條捷徑,有外國公司出咗件大隻仔tee,呢件Funky Bod著上身自動現出結實胸肌,面層套返件普通tee就神不知鬼不覺。最正係質感軟軟哋有啲似真肌肉,唔覺意比人篤兩吓都過到骨。價錢方面,賣港幣600蚊左右,底衫嚟計係貴咗少少,但係慳返做gym錢同買奶粉錢,有賺喎。

Read more ›
新片速報    Kinect減肥新招    踩單車派報紙玩虛擬實景
by / on 03/08/2013 at 2:36 pm

新片速報 Kinect減肥新招 踩單車派報紙玩虛擬實景

我知好應該做多啲運動減肥,但係每次最終都係坐咗喺梳化打機食薯片。外國有個肥肥哋嘅機迷為咗令自已減磅,利用Kinect設計咗一款叫「PaperDude VR」嘅虛擬實景遊戲,戴住眼罩Oculus睇住遊戲畫面,雙腳就喺部真單車上面踩呀踩,對手都好唔得閒,要將報紙飛去兩邊住宅,要過關就要踩快啲拋準啲,畫面麻麻,但感應度夠強,的確係一個好方法推動自己踩單車做運動,不過大前提喺你屋企夠位擺部單車,同埋要足夠距離擺埋個Kinetc,唔,我都係落街跑步算嘞。

Read more ›