Tag: 減價

行貨PS VR減價 9月1日起平5嚿

行貨PS VR減價 9月1日起平5嚿

    諗住呢兩日出機嘅,hold一hold先!因為官方啱啱發新聞稿,由9月1日開始,PS VR兩款套裝都會減價,平接近$500,另外至到9月26日,買PS4仲送手掣,留意詳情,開學梗係買新玩具啦黐線!    

Read more ›

日本益力多大減價 1000円50支網民狂掃

日本益力多大減價 1000円50支網民狂掃

我都好鍾意飲益力多,不過就未試過一次過買50支咁誇張!日本有網民話最近博多站附近嘅ヤクルト做緊特價,50支賣1000円,除返開即係20円一支,抵喎!佢即時掃咗大量貨,仲喺Twitter分享呼籲大家去買,夜晚有網民見到已經貼咗紙出嚟話賣晒。唔緊要,聽日再去。BTW,睇完又有啲想買返排飲吓,夏天雪到佢結冰仲正!

Read more ›
變相減價?美國PS4主機500GB價錢買1TB版

變相減價?美國PS4主機500GB價錢買1TB版

雖然好多想出機嘅,o依家都係望實PS4 Pro幾時夠貨,不過會唔會都有輕玩家想買番部Slim版PS4嚟玩?如果係可能可以睇定少少。因為美國官方新消息係以500GB主機價錢299.99美元,o依家可以買到1TB版,香港未有公佈,但都可能會跟住有。參考番係官方售價500GB主機賣2,380港幣,而1TB主機就賣緊2,680港幣。

Read more ›

【TGS】減價呀喂!PS4主機10月1日起34,980円

又終於,今次係俾未買機嘅機迷嘅好消息,就係PS4減價。由本身39,980円未連稅減到34,980円未連稅,幾嚿都係錢吖。o依家講緊呢個價嘅係「CUH-1200AB01」500GB主機,日本由10月1日起減價,香港行貨呢?睇埋聽日亞洲區嘅發佈會啦。

Read more ›

感動!日本大學合作社入錯貨 學生齊心買Pocky百力滋

今日11月11日,日本係Pocky之日,好多人嚟朱古力棒嚟玩。如果呢個時節嘅前夕,有舖頭同你講佢入多咗餅乾棒嘅貨,叫大家幫忙買多啲,你信唔信?如果出現喺香港連銷店,梗係啋佢都瘋狂,但發生喺北九州市立大學嘅合作社,各位同學就好幫手喇!話說舖頭話自己入錯貨,比平時嘅貨量多咗10倍,有3200盒,之後就大大隻字叫同學:「HELP!」幫幫手,同學們好齊心用LINE散播呢個消息,之後短短4日就賣出咗1700盒,比平時多100倍咁濟喎,咦?平時生意有冇咁差呀?最後,入嚟可以回帶新垣結衣嘅Pocky廣告,爽!

Read more ›

日本商店誠實減價牌系列:「入咗2000盒,上個月賣得70盒。」

減價唔出奇,但一般都係話幾抵呀,平過原價幾多呀,要好似呢間喺日本女子大學嘅合作社咁誠實咁多花款,真係好少有。首先被網民瘋傳嘅係一個:「2,000盒朱古力波!只係俾你參考一下:上個月,我哋只係賣出70盒。」之後一個星期後,佢就話:「因為嗰2,000盒朱古力波已經賣晒,為咗慶祝,呢款拉麵只售198円。」仲有好多,例如寫出佢同老闆嘅深情對話,有時仲會擺明車馬……加埋啲動漫人物對話,好難唔撐佢幫佢買番盒。

Read more ›