Post Tagged with: "渋谷"

《星之卡比》渋谷Pop-up store   聯乘Converse配件超吸引
by / on 16/12/2019 at 7:36 am

《星之卡比》渋谷Pop-up store 聯乘Converse配件超吸引

星之卡比好可愛,啲產品仲好吸引。佢哋最近同Converse合作,仲有間Pop-Up Store由今日開始至12月26日喺渋谷Laforet開幕,有大量T恤、Tote Bag、電話殼同埋鎖匙扣發售,設計好靚,入嚟有多啲相睇。

Read more ›

【有片】東京渋谷Burger King被佔領 喪屍入侵食華堡
by / on 24/10/2019 at 7:12 pm

【有片】東京渋谷Burger King被佔領 喪屍入侵食華堡

萬聖節喺日本好大件事,尤其渋谷,年年都有大型慶祝活動。咁Burger King今年就玩喪屍,入面仲寫住「No Whopper After Life」呢啲字,亦有有白色嘅Ghost Whopper!呢排去開東京玩就去睇睇喇。不過,香港今年萬聖節都應該好熱鬧,留喺香港化個妝戴個面具出街都唔錯!

Read more ›
日本超貴樓王Twitter熱傳 渋谷區售價9億8500萬円
by / on 16/07/2019 at 8:54 am

日本超貴樓王Twitter熱傳 渋谷區售價9億8500萬円

9億8500萬円嘅樓究竟會係點?日本有網民分享咗,位於渋谷區嘅「青山パークタワー」,喺2003年落成,由渋谷站步行5分站就到,34層總戶數314戶,細單位閒閒哋都2、3億円,最貴單位售價去到9億8500萬円,即係港幣7千萬左右,3房1廳,浴室有落地玻璃窗好正,面積234.58平米(70.96坪),入嚟有多啲相睇。

Read more ›
【有片】日本YouTuber玩大咗 渋谷馬路瞓大床警方介入
by / on 14/04/2019 at 1:00 pm

【有片】日本YouTuber玩大咗 渋谷馬路瞓大床警方介入

YouTuber經常拍攝具爭議性嘅影片,就算係出名守規矩嘅日本都一樣。最近日本YouTuber頻道「ジョーブログ」嘅片就俾人狂鬧,YouTuber Joe同佢3個朋友喺渋谷最旺嘅十字路口做Crazy Challenge,綠燈時成張床托出去馬路,瞓一陣之後趁轉紅燈前,火速將張床搬返去路邊,點知其中一個人托唔穩失重心,將呀Joe成個人跌咗落張床‥‥‥段片而家喺YouTube有過百萬views,但就有極多負評,大家鬧佢唔用腦好危險,又會影響到其他道路使用者,而東京都警方都已經介入研究緊件事,佢哋有可能觸犯咗當地法律,都係嗰句,玩還玩要用吓腦。入嚟有得睇返段片。

Read more ›
【有片】超靚日本「渋谷」工地圍版
by / on 24/03/2019 at 5:45 pm

【有片】超靚日本「渋谷」工地圍版

日本工地嘅圍板,成日都整到好靚,好似早前嘅《亞基拉》啦。今次係「渋谷」嘅工地,沿途都有唔同嘅圖畫,包括名物八千公像,又有狗狗唔小心撞柱,好可愛,又好有情懷。

Read more ›
【新片速報】日本「去死去死團」渋谷遊行 高呼:「粉碎情人節!」
by / on 12/02/2019 at 7:29 am

【新片速報】日本「去死去死團」渋谷遊行 高呼:「粉碎情人節!」

情人節就到,又係「去死去死團」出動嘅時候。啱啱星期六日本團體「革命的非モテ同盟」(即係不受社會歡迎人士嘅聯盟)就去咗渋谷遊行抗議,佢哋拎住「情人節粉碎!」嘅標語橫額浩浩蕩蕩遊行,當中仲有一位係女士嚟嘅。佢哋高呼打倒資本主義下嘅浪漫、唔好俾糖果製造商控制、唔好因為情人節無收朱古力而判斷他人嘅價值!好有型!當日寒流侵襲得零度,但係一班人就好熱血,唔好放棄革命呀!入嚟有片睇。

Read more ›

【有片】奇妙的Twitter 日本「渋谷」醉酒大集合
by / on 03/02/2019 at 3:03 pm

【有片】奇妙的Twitter 日本「渋谷」醉酒大集合

日本人飲酒真係飲得好盡,去日本旅行,如果你夜返酒店,可能都喺街上面遇過。日本有一個Twitter就集合咗重災區「渋谷」嘅醉酒人相、片,咦仲有醉貓。

Read more ›
【有片】萬聖節渋谷街頭出意外    行人阻車前進被摔落地
by / on 01/11/2018 at 7:03 am

【有片】萬聖節渋谷街頭出意外 行人阻車前進被摔落地

萬聖節日本超多人變裝cosplay出街玩,其中渋谷就超熱鬧嘞。不過人多嘅地方特別易有意外,有網民喺Twitter分享咗段片,有個女人喺人哋架車上面有踩又跳,之後車上有人衝出嚟,然後一嘢將個女人摔落地‥‥‥睇片都覺得痛,點都好,都唔應該出手傷害人,如果頭落地嘅話真係好危險。所以大家玩之餘都要注意,唔好樂極生悲。

Read more ›
日本渋谷任食炸雞 100円放題Twitter熱傳
by / on 21/05/2018 at 7:44 am

日本渋谷任食炸雞 100円放題Twitter熱傳

覺唔覺得日本嘅炸雞特別好食?呢間渋谷嘅居酒屋「宵の空」最近喺Twitter好多人RT,因為佢推出咗100円任食炸雞放題!仲平過Family Mart塊雞扒!可以喺8款炸雞入面任選兩款,仲有特別醬汁點,睇見都肚餓。不過有網民留言話嗌咗要等好耐先到,應該係防止大家食到佢執笠。

Read more ›
日本「渋谷」狗銅像又有貓蹤 大喵細喵瞓晏覺
by / on 16/11/2017 at 7:55 am

日本「渋谷」狗銅像又有貓蹤 大喵細喵瞓晏覺

一睇見呢對銅腳就知道係日本「渋谷」車站出面好有名嘅ハチ公狗狗銅像嘞。呢個銅像下面經常有喵星人出沒,最近又有網民放咗呢兩張相上網,一大一細喵星人瞓晏覺好可愛,仲吸引到好多人RT。咁其實點解ハチ公像經常有貓出沒呢?據講係有位日本嘅退休男士養咗好多貓,經常都會帶佢哋去唔同景點俾人影吓相,希望治癒吓人心,出沒地點除咗「渋谷」車站ハチ公之外,仲有銀座、井之頭公園等等,當然都有啲愛貓之人認為咁做打擾咗啲喵喵,所以每次都會引起少少爭論。

Read more ›
萬聖節過後 澀谷街頭垃圾崗
by / on 01/11/2017 at 2:39 pm

萬聖節過後 澀谷街頭垃圾崗

好誇張,萬聖節唔恐怖,過咗萬聖節之後嘅朝早先恐怖。講緊係年年都大量日本人、遊客集結嘅「渋谷」,有網民就影咗第二朝嘅情況,當然唔少得係年年亦都有義工出動執垃圾,今年亦有畫師喺網上畫咗幅畫諷刺啲鬼。

Read more ›

【新片速報】日本《我的英雄學院》超強擺設 渋谷Tokyu Hands展出
by / on 09/10/2017 at 7:41 am

【新片速報】日本《我的英雄學院》超強擺設 渋谷Tokyu Hands展出

有無睇漫畫《我的英雄學院》?呢個擺設好勁,表面睇係英雄角色All Might,不過行前兩步轉個角度就會變咗主角緑谷出久,好特別!有網民話喺渋谷嘅Tokyu Hands有得睇,去開日本又鍾意呢套漫畫嘅記性去睇睇嘞。話時話,查番資料,之前都有《名偵探柯南》嘅「柯南」變成《逆轉裁判》嘅「成步堂龍一」,都係咁玩法,喺上年嘅Anime Japan 2016出現過。

Read more ›
荷蘭攝影師「東京寫真」 捕捉渋谷街頭靚景
by / on 17/07/2017 at 7:14 am

荷蘭攝影師「東京寫真」 捕捉渋谷街頭靚景

東京大家去過好多次,亦都影過好多靚相,不過出自專業攝影師雙手又完全唔同。荷蘭攝影師Patrick Ebu-Mordi最近去咗東京旅行,仲影咗好多靚相,每張無論色調以至構圖都好有特色,同我手機入面儲落嗰啲好唔同,入嚟有回帶。

Read more ›
【蛋糕喺邊?】日本生忌廉專門店「ミルク」 期間限定超吸引
by / on 04/07/2017 at 7:02 am

【蛋糕喺邊?】日本生忌廉專門店「ミルク」 期間限定超吸引

鍾意食cream嘅朋友見到呢幾張相應該已經控制唔到自己,日本渋谷最新開設嘅第一間生忌廉專門店「ミルク(MILK)」,期間限定Pop up store,主打有呢款忌廉蛋糕(Chiffon Cake),你問個蛋糕喺邊?因為已經完完全全俾啲cream遮住晒嘞!鍾意食嘅就會明佢有幾吸引!另外杯芭菲同杯軟雪糕都勁吸引!日本Twitter已經有好多人RT,以日本人鐘意排隊嘅特性,要食應該又要排長龍嘞。

Read more ›
波蘭家族遊日本渋谷     搶眼「親子T恤」Twitter熱傳
by / on 27/05/2017 at 10:25 am

波蘭家族遊日本渋谷 搶眼「親子T恤」Twitter熱傳

噚日去日本渋谷有無見到呢個咁搶眼嘅家族?佢哋嚟自波蘭,一家四口遊日本,呀爸著住個「父」字嘅T恤,其餘分別係「長男」、「次男」同「三男」,好搶眼!勁在唔識中文嘅佢哋都無著錯,定還是著錯咗都唔知?好多日本人留言話見到佢哋,去到餐廳門口又有人影佢哋放上網,勁受歡迎。BTW,有網民留言問佢哋呀媽究竟去咗邊,唔通去咗行藥房?

Read more ›