Tag: 清潔

日本網民好物推介 清潔麂皮新嘅一樣

日本網民好物推介 清潔麂皮新嘅一樣

麂皮好易污糟,污糟咗仲好難洗。日本網民最近推介咗呢款好物,Shiseido嘅Sponge Cleaner,本身係用嚟洗化妝海棉同化妝掃,不過網民發現原來洗麂皮都好有用,價錢唔貴,大約750円左右,amazon同樂天都有得買,聽講香港都有,有興趣可以搵吓。

Read more ›

日本超強清潔Keyboard技術 網民發現Window鍵唔同咗

日本TBS電視台節目《マツコの知らない世界 》經常發掘新奇刺激嘅嘢,最近呢集講清潔Keyboard,不過就吸引好多網民討論。其中最主要嘅原因係before and after張相,除咗成個keybaord乾淨晒好似新嘅一樣之外,竟然連粒Window鍵都唔同咗!有人話一定係清潔時順便換埋,再睇真啲,Alt由甩色到還原都好神奇。果然係一個未知嘅世界。

Read more ›

【好Dirty】日本女生集體清潔男廁 網民:「點解唔戴手套?」

小朋友一齊集體清潔廁所本來無乜特別,不過呢幾張圖最近喺日本就引起熱烈討論。相中一班小學女生走咗入男廁清潔尿兜,標題話「自細就俾佢哋感受到男女平等」,不過網民就發現佢哋無戴膠手套,又無用長柄刷,就咁徒手清潔,而且有啲仲連鞋都無著‥‥‥只可以話:「少年,你太年輕了」,男廁有幾污糟?只月喺入面去個廁所嘅先會明。

Read more ›

4種手機清潔方法 唔用衫角用白醋

你會唔會帶埋部手機入廁所?手機污糟你同我都知,不過通常都係好污糟先係咁意用件衫抹吓。外國網Mashable就介紹咗4款抹手機嘅方法,第一樣係用眼鏡布;第二樣係用棉花棒,因為可以抹到啲死角位;第三樣就係用外用酒精沾棉花,好處係可以抹走螢幕表面嘅油污(面油);唔想用酒精仲有最後一種方法 ─ 水加白醋,一半水加一半白醋,因為白醋含酸性可以輕易除污。睇完快啲抹吓你部手機,尤其是影相位,唔好再舖啲白曚曚嘅相上網喇。

Read more ›
日本出品   螢幕指紋油污一轆即走

日本出品 螢幕指紋油污一轆即走

初頭睇呢個轆,以為同我屋企用嚟轆貓毛嗰個,原來今次呢個係日本廠出品,用嚟轆走平板電腦螢幕面嘅污垢。名為iKoroKoro,10月4日發售,聲稱用咗特別科技,可以令螢幕表面嘅指模同埋油污一轆即走,睇片見倒效果都幾明顯,不過廣告嘅嘢,信兩成啦。售價$1260円,黑、白、粉紅三色任揀。

Read more ›

手機Tablet大掃除 日本智能機械人幫倒手

新年屋企要大掃除,咁你最常用嘅tablet同埋手機呢?呢個日本出品,叫AutoMee S嘅迷你屏幕清潔器,識得自動清潔屏幕,因為有智能感應,唔會抹抹吓掉落地,用一粒AA電池就可以運行,佢入面裝咗一塊清潔紙,應該可以去除一般指紋污積,不過就唔擔保會唔會刮花你個屏幕,日本下個月有得賣,售價港幣$150左右,仲有橙、藍、白、粉紅四色任揀。

Read more ›

獵奇發明 狗仔抺地四腳拖

天下間最殘忍嘅事莫過於此,不嬲狗仔都唔鍾意著鞋,但係主人要帶你出街怕你整污糟,唯有硬食啦。點知而家喺屋企都要著鞋,點解?因為可以幫手抹地囉!呢款叫Pet Sweep嘅設計,老實講我覺得好有創意亦好實用,賣美金$8真係好抵,但係隻狗仔真係好可憐。下次賴尿?自己抹返囉!

Read more ›