Tag: 淚袋

指原莉乃最新咁嘅樣 「淚袋」引話題

指原莉乃最新咁嘅樣 「淚袋」引話題

27歲嘅指原莉乃,同以前比係咪靚咗?還是覺得以前AKB年代靚啲?啱啱呢張新圖就引起網民討論,而討論點就係佢嘅「淚袋」。

Read more ›

【多圖】P走橋本環奈淚袋 日本網民話好醜樣

之前都試過P走橋本環奈嘅淚袋,的確相差好大。今次又有日本網民出圖,仲居然話P走咗淚袋嘅橋本環奈好醜樣!老實,睇落有淚袋係靚啲,但無咗都絕對唔醜啦。之後網民玩得好開心,不停幫其他藝人去淚袋,除咗靚女系列嘅石原里美、板野友美、山本美月之外,仲有男星二宮和也都有,最後連蒙娜麗莎都玩埋,乜蒙娜麗莎有眼袋咩?所以效果係無乜分別嘅。

Read more ›

日本「淚袋」貼 男網民:「好噁心唔貼好過貼!」

呢個「淚袋」貼其實出咗好耐,為免香港男仔好似日本2ch嘅男網友一樣大驚小怪,我哋決定介紹吓先。日本女仔近年好興「淚袋」,呢,即係眼下面好似眼袋嘅卧蠶位,之前橋本環奈比人PS執走咗,睇落即刻老咗10年,咁天生無淚袋唯有靠後天化妝或者整容,而日本就有呢個淚袋貼嘞,一張透明膠紙,貼喺眼下面就做到淚袋效果,原理同雙眼皮膠紙一樣,一包60塊賣1260円。呢個產品其實出咗一段時間,不過最近有人貼上日本2ch網,好多男網友都覺得好驚訝仲熱烈討論,話睇落效果好唔自然好噁心,仲話用得多皮膚實會下垂,唔貼好過貼。其實你身邊嘅女性朋友用咗好耐,不過你而家先知咋‥‥‥

Read more ›
橋本環奈被PS      執走卧蠶位老咗10年?

橋本環奈被PS 執走卧蠶位老咗10年?

被日本網民稱為「千年僅有一人」嘅橋本環奈只得16歲,平時都無乜留意佢嘅卧蠶位,呢,即係眼下面好似眼袋嘅淚眼位,咁日本有網民就試吓PS整走佢嘅卧蠶位,點知發現效果有啲驚嚇,有網民話睇落好似老咗10年,亦有人話對眼睇落細咗好多,仲有人話佢無咗卧蠶之後個樣好似AKB48成員小嶋陽菜,總之就係唔多妥。似乎卧蠶對靚女嚟講都幾重要,唔怪得之成日有女仔飛去整容加建卧蠶位。不過卧蠶又唔同眼袋,係咪好暈?唔明入嚟有圖解釋。

Read more ›

AKB48宮崎美穗 韓國旅行整出「淚袋」?

「淚袋」,即係台灣人講嘅「臥蠶」,即係我哋講嘅眼袋。同虎牙一樣,都算係板野友美帶起,近排喺日本就興起咗有「淚袋」化妝,有唔少產品都可以幫你化個淚袋出嚟,靚唔靚就見仁見智,不過好似仲可以招桃花喎……AKB48宮崎美穗喺上個月去咗韓國旅行,有日本網民就發現佢去完呢個整形大國之後,返嚟多兩個淚袋,入嚟有演變圖睇,冇好似靚啲喎。

Read more ›