Tag: 浸浴

日本「錢湯」迷你懷舊玩具    沖涼必備花王番梘

日本「錢湯」迷你懷舊玩具 沖涼必備花王番梘

日本嘅「錢湯」即係澡堂文化好深厚,冬天去浸個浴諗起都好爽,只可惜大家暫時都無得去旅行‥‥‥日本玩具公司「ケンエレファント」最近推出咗呢套「錢湯」迷你玩具,除咗有錢湯連富士山掛畫、大黑湯澡堂、按摩椅、體重計之外,仲有埋一堆沖涼小道具,例如沖涼嘅膠椅、水盤、花王番梘沖涼液等,全部都好迷你好懷舊,鍾意澡堂文化嘅一定好想儲。

Read more ›

日本可愛「動物浸浴」扭蛋 柴犬海豹表情超治癒

日本可愛「動物浸浴」扭蛋 柴犬海豹表情超治癒

日本人好重視浸浴,所以推出呢個動物扭蛋「ただいま入浴中でございます」都合理,有齊5款不同大細嘅動物,每隻浸嘅容器都唔同,仲有埋「入浴中」、「露天風呂」等嘅紙看板,設計上好有誠意。我最鍾意柴犬同埋海豹呢兩款,佢哋個樣好嘆,好想儲齊一套!11月推出,記住留意嘞。

Read more ›
日本媽媽母親節收「浸浴紅玫瑰」 試用發現超恐怖

日本媽媽母親節收「浸浴紅玫瑰」 試用發現超恐怖

日本呢位媽媽今年母親節收到仔仔一份禮物,係一朵用嚟浸浴嘅紅玫瑰,再加一朵粉紅色嘅真玫瑰,好溫馨吖!日前佢就嘗試用呢粒紅玫瑰嘞,點知發現出嚟嘅效果好似血海一樣咁恐怖,佢都仔仔都忍唔住笑死,仲影埋相放上Twitter,吸引超多人RT,佢影埋個盒放上網,想買嚟送俾人嘅可以入嚟參考吓。

Read more ›
【有片】日本喵星人好識嘆 偷浸浴瞇晒眼

【有片】日本喵星人好識嘆 偷浸浴瞇晒眼

日本人好鍾意浸浴,估唔到貓都係。呢隻喵星人俾主人影到佢偷浸浴,全個身浸晒落去,淨係露出個頭呼吸,浸浸吓舒服得滯仲瞇埋雙眼。睇返佢之前嘅Twitter,其實佢一向好鍾意浸浴,仲會偷飲浴缸啲水!入嚟有片睇,仲有多啲佢嘅爛瞓相。

Read more ›
日本人氣喵星人 浴缸邊浸貓尾Twitter熱傳

日本人氣喵星人 浴缸邊浸貓尾Twitter熱傳

咦咩事呢咩事呢?呢隻日本喵星人喺Twitter好高人氣,啱啱佢嘅主人就放咗新相,見佢坐喺浴缸邊背向住人似乎思考緊人生。不過睇真啲,咦,原來佢條尾浸緊浴,呢種浸浴法好新穎。究竟佢係唔知定專登嘅呢?有網民聯想起浸住湯嘅獅子狗卷,有人懷疑隻喵誤會自己用條尾釣緊魚,入嚟有回帶。

Read more ›

【生活態度】日本網民改裝家用風機 自製溫泉按摩浴池

日本啲屋就算好細都多數有浴缸,雖然都大把溫泉入浴劑可以加,不過就未必又氣泡又好似按摩浴池咁啦。唔緊要嘅,事在人為,好似呢位網民咁,搵個家庭用風機再用啲膠喉改裝……

Read more ›

日本Tokyu Hands推出浸浴血包 萬聖節必買手信

日本人好鍾意浸浴,就算浴室好細都會擺個浴缸,所以去親日本都會買吓浴鹽,其中一個好地方就係Tokyu Hands嘞,最近臨近萬聖節,佢哋出咗呢款浸浴專用的血包,倒落浴缸就會變成一池血水,好正。有紅、綠、紫三種顏色,紅色係人類嘅血、綠色係異形嘅血,紫色就係死人嘅血,識玩一定係揀血色啦!池袋Tokyu Hands嘅7樓有得買,1180円,買嚟做手信一流。

Read more ›

有片:500磅啤酒浸浴!話飲就飲夠Cool!

此之謂現代版酒池肉林也,池係啤酒池,肉係小鮮肉,用600磅啤酒浸浴究竟係乜嘢感覺呢?我英文一般過一般,如果無錯的話,隱約聽到片中人話:「It’s cold, it’s awesome!」但見佢口啖啖仲即攞個杯兜起啲啤酒飲,爽!不過如果真係有機會浸啤酒浴的話,我諗我會搵埋Partner一齊浸,咁當然係搵個靚女喇。

Read more ›

【又玩食物】網民邊浸浴邊淥麵 連環圖Twitter熱傳

究竟呢種係咩玩法?浸浴啲水通常都幾熱,最近有網民就諗到一邊浸浴一邊淥公仔麵!輯連環圖放上Twitter後好多人RT。睇相見佢個麵都浸得幾淋幾散,我好好奇想知佢最後有無食到個麵。因為睇返佢個Twitter,屋企個浴缸經常拎嚟玩,又浸書包又經常試用特別浴鹽‥‥‥

Read more ›

日本Winnie The Pooh扮《賤熊》 浸浴圖Twitter熱傳

電影《賤熊》浸浴傾電話嘅場景深入民心,日本都有人有樣學樣,最近Twitter有人放咗張圖,話返到屋企走入浴室,就見到咁嘅場面─ Winnie The Pooh好開心咁浸緊泡泡浴!連環圖放上Twitter已經接近3萬RT,不過善後工夫應該好大鑊‥‥‥

Read more ›

浸500磅Putty浴!黐實格肋底毛!

之前已經睇過有人浸水泥浴,水泥乾咗想企番起身都難,今次浸Putty浴,以為無咁辛苦喇,點知原來一樣咁大鑊。總共500磅Putty,黐立立,浸入去難,想企番起身一樣難,乾咗之後開始連呼吸都有困難,最陰功係黐住啲毛,嘩,諗起都驚呀。

Read more ›

【18禁】刺猬仔四腳朝天浸浴 好識嘆Twitter熱傳

刺猬仔真係好得意,個樣蠢蠢哋又懶懶哋,仲好識嘆識得學人浸浴!最近有日本網友將佢隻刺猬仔喺屋企風呂嘅相放上Twitter,睇相見隻刺猬仔浮喺水面,四腳朝天無遮無掩勁寫意!主人話因為刺猬仔體溫低,所以會浮喺水面,不過有人就話應該係因為啲刺同刺之間有虛位所以會浮,不過點都好,輯相真係超治癒,入嚟有多啲佢嘅日常生活照,原來平時都係cute爆。

Read more ›

有片:100罐潤膚霜浸浴 黐立立水洗難清

無意間瞄到YouTube頻道「はじめしゃちょー」,睇完我想問一句:「點解要咁做呢?」用100罐Nivea潤膚霜沖涼,片中人真係爆拆得咁犀利?照計潤膚霜係用嚟搽,而唔係用嚟濕水浸浴,浸完浴皮膚真係滋潤咗?一定會喇,何止滋潤呀,直頭黐立立到唔知要用幾多時間同水沖番乾淨個身。為呃Like,原來真係可以去到咁盡。唓!咁你又睇?又係喎!

Read more ›

消失的水謎底揭開 熊人愛浸浴四腳朝天

呢單新聞好得意,話說美國佛羅里達州有一家人,發現門外嘅儲水盆啲水經常喺早上無咁一大半,於是佢哋決定裝個鏡頭睇吓究竟發生咩事。無幾耐,有一隻熊人入鏡,慢慢走埋個水盆度,仲飲咗兩啖,唔通佢可以飲半桶水咁多?好戲在後頭,原來隻熊人成隻跳入水玩浸浴,仲浸到四腳朝天,好識嘆。但話晒係熊人,相信無人夠膽走去驅趕佢,都係收埋個盆安全啲。

Read more ›