Tag: 海賊

新片速報 中文版《One Piece 海賊無雙3》5月21日熱血掃敵

中文版遊戲對香港機迷梗係吸引啲,嚟緊要玩嘅有《人中之龍0》啦,仲有《勇者鬥惡龍 英雄集結》啦,5月21日仲有呢隻PS4/PS3/PS Vita《One Piece 海賊無雙3》。中文版睇故事任務更加清楚,而且親切啲,啱啱有新片,想多啲中文版遊戲,要撐呀,艾斯!

Read more ›

新片速報《One Piece海賊無雙3》超必5片連發

「ガープ」、「赤犬」、「マルコ」、「黄猿」、「白ひげ」,噚日出完第3彈PV之後,今日官方就有5條角色片發佈,個個爆氣出超必!3月26日推出,PS4/PS3/PS Vita《One Piece海賊無雙3》最新消息仲有「赤髪のシャンクス」將會以可操控角色嘅身份登場!

Read more ›

新片速報 官方27分鐘影片《One Piece》動畫15周年名場面

  15年,《Naruto》連載15年完結,原來《One Piece》都有15周年,不過就係動畫。自1999年播放開始到今年已經15年喇,官方出咗一條宣傳影片,就係集合15個動畫嘅名場面同名言剪輯而成,都係想你買碟儲啫。不過,呢條片免費,可以入嚟回味吓!

Read more ›

聽日開訂 繁體中文《One Piece海賊無雙 2》送PS Vita機貼

中文版《One Piece海賊無雙 2》5月9日推出,如果你係等緊嘅話,咁就唔爭在順便去藍店訂咗先,因為由聽日(26日)開始至5月8日,只要喺全線PlayStation®Platinum Shops訂遊戲,就會送限定版PS Vita螢幕保護貼一張及桌布(需自行下載),主題機,型喎!

Read more ›

今日報價 《One Piece海賊無雙 2》行貨到!

我知,日版早幾日已經出咗喇嘛?但個價咁高,如果唔求早買早享受,都應該會等行貨先出手。今日行貨就到齊晒喇,深水埗G Point報價PS3普通版$538,限定版有機貼$890;PS Vita版就開$428,不過貨源緊張,想買嘅打個電話落去確認有冇貨先穩陣。

Read more ›

新片速報 《One Piece 海賊無雙 2》PS Vita版試玩片

之前日本版都已經偷跑咗喇,不過就好似仲未見好神秘嘅PS Vita版本,就算之前嘅宣傳片都唔多,到底呢個手提機版無雙係點呢?係咪同PS3版一樣呢?有冇用到輕觸功能呢?日本就有網友放咗呢段實機試玩片上網,眼見畫面好似麻麻,但係留意右下角,係有用到簡單嘅輕觸功能,我本來諗住買PS Vita版試吓,睇完段片,我都係買番PS3版穩陣。

Read more ›

新片四連發《One Piece 海賊無雙 2》發售倒數

仲有幾日(3月20日)就推出嘅PS3/PS Vita《One Piece 海賊無雙 2》,試玩過嘅機迷普偏口碑都唔錯,冇計,路飛多Fans過林峰。今日官方有新圖發佈加埋條新片睇,就係赤犬、黄猿等人出超必,堅係型!

Read more ›

新片兩連發 《One Piece海賊無雙 2》雙機齊發TVCM

唔提提我,我差啲唔記咗《One Piece海賊無雙 2》有PS Vita版。仲有一個星期唔夠(3月20日)就推出,最新第3彈同第4彈電視廣告齊齊發佈,見到有新畫面同經典感人名場面外,仲有PS Vita版登場(其實只係加咗個機框),睇個勢,今次PS Vita冇玩輕觸嗰啲喎?即係同PS3版一模一樣?

Read more ›

《One Piece》G-Shock (2013 Ver.) 現貨賣$2380

到貨!《One Piece》同G-Shock合作推出、全球限量3,000隻嘅「Strawhat Crew」G-Shock有得賣,發光之後背景有骷髏頭,表帶有各主角同千陽號剪影,仲有個金屬盒先至靚得交關。之前冇訂到,o依家嚟後悔?仲有最後一個機會,寫呢篇稿時G Point仲有一隻現貨,賣$2,380,日本原價18,500円,但限量3,000隻,我諗o依家冇可能原價買到,所以,價啱就要手快。

Read more ›

新圖發佈《One Piece海賊無雙 2》海軍大將 王下七武海殺落海

噚日報導過,香港PSN都已經有得下載體驗版,下載同時仲包埋One Piece主題送俾你,爽!今晚星期五玩呢個試玩就梗係好節目,不過未放學未放工就可以睇睇新圖先。今次有赤犬、黃猿嘅大圖同埋遊戲畫面截圖,仲有王下七武海等人嘅參戰,其實呢隻遊戲真係幾好煲。

Read more ›

新片速報 今日下載!《One Piece 海賊無雙 2》體驗版登陸PSN!

提提大家,放工放學返屋企有嘢玩,就係下載定《One Piece 海賊無雙 2》體驗版玩。今日體驗版已經登陸日本PSN(只限PS3),有外國玩家已經下載咗玩埋拍埋片,冇諗住試玩嘅可以入去睇睇,睇完片就發現第一段章節應該係同之前亞洲遊戲展嗰段開頭一樣,不過當時得5分鐘試玩,o依家就可以喺屋企慢慢玩!

Read more ›

免費體驗版3月7日推出 《One Piece 海賊無雙 2》連機買送機貼

  3月20日推出嘅PS3/PS Vita《One Piece 海賊無雙 2》仲有3日,3月7日就會喺日本PSN開放免費試玩版!根據之前北斗無雙經驗,體驗版應該冇鎖區,開個日本acc就玩到,到時可以用路飛同羅之外,有下載體驗版嘅仲可以得到遊戲嘅主題板面。另外,買PS VIta主機連遊戲,仲會有機貼送,不過暫時未知行版有冇。

Read more ›

新片速報《One Piece 海賊無雙 2》PV第3彈 紅眼海賊大內訌

距離3月20日推出日仲有唔夠一個月,PS3/PS Vita隻《One Piece 海賊無雙 2》又有新片發佈,PV第3彈,今次係全新嘅故事篇!今次見到故事模式中登場嘅某個段落,路飛要對抗嘅,就係被操控嘅海賊們……另外亦有初回封入特典新情報,社群手機遊戲嘢,香港玩家應該都冇乜興趣。

Read more ›

新片四連發 《One Piece 海賊無雙 2》角色戰鬥影片發佈

3月20日發售,PS3/PS Vita《One Piece 海賊無雙 2》官方就發佈咗四條新片,包括有路飛、索柏、奈美等人出大技。

Read more ›

雜誌情報 《One Piece海賊無雙 2》艾斯、白鬍子可操控 體驗版近日配信!

嚟喇,3月出Game浪潮嚟喇!雷電都未玩完,超時空又啱啱入手,嚟緊就係《God of War》,之後就有呢隻PS3/PS Vita《One Piece海賊無雙 2》,仲有月尾《機戰UX》……今期雜誌情報就有型爆嘅艾斯、白鬍子同不死鳥參戰決定,仲係可操控角色,另外體驗版亦都會喺近日配信!

Read more ›