Tag: 海港城

小克海港城開畫展 聖誕節睇《Affordable Art Like》

小克海港城開畫展 聖誕節睇《Affordable Art Like》

小克開畫展呀,地點係海港城呀,仲要聖誕檔期呀,啱晒影完聖誕燈飾去掟番個Round打個靚卡呀。小克個展名為《Affordable Art Like》,佢喺面書簡介云:「應該係顏色最豐富的一次偽科學鑑證,有聾貓有維港巨星有BitBit……全在畫布上重現。」鍾意嘅,睇完仲可以買,有原畫、「中央」及「阿豐」懷舊膠錢罌同大吟釀「聾伍」限量出售。

Read more ›

ACG TOYS 1:6石黑龍人偶 LCX先睹為快

如果你係石黑龍躉,咁就絕對有必要去老尖海港城LCX走番轉,事關LCX正展出ACG TOYS出品嘅1:6石黑龍人偶,人偶可以換手腕,唔使擺花巧Pose,齋戙企已經好型棍,Nike眉、金毛、刀疤、綠色蠍子背心、雙截棍,中晒我心目中嘅元祖級「柔道小魔童」神髓。想據為己有?我都係,不過暫時未知價錢,淨係知2015 ToySoul亞洲玩具展正式發售,等吓啦。

Read more ›

12米高蜘蛛俠 打爆海港城

  仲記得上月中悟空路飛殺落涉谷, 玩《J-Stars Victory VS》10米 X 8米宣傳情景嘛! 嗰刻我喺度諗, 如果香港都有……今日海港城都玩咗類似嘅嘢! 而且仲話要玩大啲! 係12米高嘅蜘蛛俠! 好明顯係為咗宣傳嚟緊5月上嘅《蜘蛛俠2: 決戰電魔》啦! 爛地感覺幾正、幾真, 仲好認真搵咗架美國Yellow Cab畀蜘蛛俠用網拉住救人……咪先! 人哋講嘅10米X8米, 係成個情景, 所以感覺都係幾1:1吓, 不過香港呢個12米, 係成隻嘢高12米, 感覺少少OVER SIZE囉大佬!

Read more ›

WeChat短訊上大電視 海港城中心呼喚愛

  贏喇! 終於都贏返次喇! 老實! 自從時代廣場個高達展之後, 老牌嘅海港城感覺好似老咗! 不過今個情人節, 情況有啲大逆轉! 喺今晚同聽晚, 海港城會同WeChat合作, 推出「海港城x WeChat情人WALL」, 簡單講只要你Add咗「海港城WeChat官方帳號」, 你打上去嘅甜蜜合照又或者冧女Message, 就會馬上喺海港城戶外大電視打出嚟……雖然喺「海港城中心呼喚愛」, 意境只係一般一般, 但搞得掂都ok啦! 其實WeChat真係相對少人用, 喂! 時代! 諗吓LINE同Whatsapp啦!

Read more ›

海港城Candy Factory 七呎糖果罌愛心回收

呢單News我係真心幫佢Promo嘅! 海港城啱啱搞咗個「萬聖節 Candy Factory」, 口號係「你捐粒糖 我開間廠」, 由即日起, 佢會喺海港城海運大廈地下kidX放咗個7呎高嘅回收糖果罌, 如果大家喺萬勝節期間, 收到啲食唔晒嘅糖果, 就可以俾佢哋做回收, 之後佢哋就會轉贈至「聖雅各福群會眾膳坊」食物銀行, 再轉送至低收入家庭小朋友手中

Read more ›

海港城極地動物LEGO展 睇1:1樂高海豚

今晚打風, 有冇諗過落老尖睇浪先? 去開就啱喇! 海港城啱啱搞咗個LEGO展—樂高冰極小天地, 由即日起至10月6號, 海運大廈地下kidX整咗一個「冰極小天地」, 裏面會展出樂高極地動物模型,包括企鵝、北極熊、雪橇犬、海獅同信天翁呀咁! 有關方面仲話, 希望透過可愛嘅樂高模型, 教小朋友認識環境保育資訊。不過講到最勁, 係展品裏面仲有一隻1:1實物原大嘅樂高海豚, 會首次於香港展出。

Read more ›

海港城梵高展 走入立體名畫

今次呢件事, 藝術成份真係有十幾層樓高! 由即日起, 海港城得阿姆斯特丹梵高博物館破天荒全力支持, 舉辦咗個「活現RELIEVO」系列, 簡單講就係將梵高嘅藝術品帶入商場, 老實! 你叫我睇畫就冇乜興趣喇(仲要係重畫非真品)! 不過其中有Part叫「走進梵高的藝術世界」, 佢會將梵高名作《臥室》(Vincent’s Bedroom in Arles, 1887) 同《黃色房子》(The Yellow House, 1888), 製作成立體裝置, 俾你走入去影相, 真係幾開心, 起碼開心過離九里遠影鴨仔先吖! 將自己融入名畫大作之中, 我忽然覺得自己都有啲似藝清, 不過海港城張公關相就有啲過份咗啲, 唔通Model真係咁難請, 抑或佢以為係唐三彩藝術展呀!?

Read more ›

抽水mode 真鴨bb恰眼瞓超得意

係,我認我係抽水。不過尖沙咀隻係睇到有啲厭,呢隻真鴨反而有驚喜,所以雖然唔係新片都想share。呢隻鴨身型嬌小得多,因為佢係BB鴨嚟,最搞笑係佢唔會好似巨鴨咁,24小時都咁精神,影片睇倒呢隻BB鴨會恰眼瞓,中吓中吓,真係好得意,一樣有治癒效果。

Read more ›