Post Tagged with: "海洋堂"

海洋堂《屍殺片場》Figure原型 一套六個自由著色組裝
by / on 04/03/2019 at 9:30 pm

海洋堂《屍殺片場》Figure原型 一套六個自由著色組裝

《屍殺片場》周邊產品推介,有呢套「海洋堂」出品嘅Figure原型,高50mm,留意番,係要自己組裝兼未著色嘅,即係話,你髹到個Figure成面血都得,悉隨尊便。全套六款,包括肉緊導演日暮隆之、俾喪屍追到氣咳嘅松本逢花、鍾意演戲又唔認但一演就七情上面嘅導演老婆​​​日暮晴美、戇居居助導山之内洋、一飲水就肚痛嘅助手山越俊助同個樣極其趣怪嘅電視製作人笹原芳子,每個$1500日圓,抵玩。

Read more ›

日本超正「立體貓襟章」扭蛋     超實用貓奴要買
by / on 08/11/2018 at 7:44 am

日本超正「立體貓襟章」扭蛋 超實用貓奴要買

日本海洋堂今次推出嘅呢款貓襟章幾吸引。有齊5個貓頭,白貓黑貓以至三色貓都有份,全部都係大大個頭嘅立體襟章,扣喺tote bag或者頂帽上面都好睇,貓奴要買。

Read more ›
海洋堂超正可動式兵仔 綠兵藍兵一齊出動
by / on 23/06/2018 at 12:16 pm

海洋堂超正可動式兵仔 綠兵藍兵一齊出動

有無人同我一樣,好鍾意呢啲綠色兵仔?海洋堂今個月推出呢款1/35可動式兵仔,一式六款,除咗有經典嘅綠色,仲有幾靚嘅海軍藍色,全部都係揸槍射擊動作,有企同埋瞓底嘅動作,由於可動式,可以將隻兵仔變成中槍姿勢,好正。官方仲有大量實物圖參考,入嚟有得睇。

Read more ›
日本插畫大師「招財喵」扭蛋 超可愛12月推出
by / on 07/09/2017 at 7:45 am

日本插畫大師「招財喵」扭蛋 超可愛12月推出

日本插畫大師佐藤邦雄擅長畫動物,特別係喵星人,之前同海洋堂出過招財貓扭蛋系列,最近公佈推出第二彈,今次照舊有5隻喵星人,表情都係咁天真可愛,最重要係有肉球,反轉就會望到嘞!另外留意最右邊嗰隻白貓,個樣好倔強好可愛,每扭一次400円,預計今年12月推出,貓奴記住留意嘞。

Read more ›
《進擊之巨人》扭蛋第2彈   超絕望4角色
by / on 23/01/2014 at 4:10 pm

《進擊之巨人》扭蛋第2彈 超絕望4角色

3月推出嘅《進擊之巨人》扭蛋又有官方新圖,由海洋堂CAPSULE Q推出嘅「絶望と反攻のヴィネット2」系列,第2彈有四款角色,包括 リヴァイ兵長、二大巨人の戦い、人を喰らう巨人II 同埋エレンの戦術的価値を説く,每款都好有絕望感,400円一隻,有興趣到時可以去玩具舖問吓,或者上日本樂天訂,1600円全4種。

Read more ›
《進撃の巨人》扭蛋第二彈     絶望反攻玩食人
by / on 24/11/2013 at 2:16 pm

《進撃の巨人》扭蛋第二彈 絶望反攻玩食人

J2噚日首播《進擊的巨人》你有無睇?之前段好有隱喻嘅宣傳片居然成功喺TVB呢個維穩台播放,搞到網民們好興奮。講返正題,海洋堂之前出過嘅進擊扭蛋,啱啱宣佈將會推出第二彈,賣點係絕望、恐佈、戰慄,咁食人呢啲嘢梗係少不免,一共有四款,下年3月發售,400円扭一扭,香港進擊迷可以等玩具舖入貨。

Read more ›

12生肖骷髏手機吊飾    馬年擋煞
by / on 26/10/2013 at 5:13 pm

12生肖骷髏手機吊飾 馬年擋煞

玩具嚟講,我覺得呢款幾有創意,仲好啱中國人o忝。日本海洋堂又有新扭蛋出,今次玩12生肖,不過係骷髏頭骨版,睇落像真度高,又幾醜樣,每個仲有條繩跟比你當手機吊飾用,預計今年底推出,聽聞遲啲仲會推出金色、銀色嘅隱藏版,好認真。如果下年馬年犯太歲,買隻骷髏吊飾掛身擋擋煞都唔錯,不過唔知阿媽會唔會發脾氣呢。

Read more ›
海洋堂30周年展 免費入場2,000個Figure任影
by / on 03/08/2013 at 2:41 pm

海洋堂30周年展 免費入場2,000個Figure任影

由8月1日開始至到8月6日,海洋堂都會喺池袋東武百貨舉行呢個Figure展,免費入場之餘仲可以影相,當中有30年嚟海洋堂嘅產品,而且仲有身高185cm嘅《北斗之拳》拳四郎!呢幾日如果喺日本,一定要去啦!呢幾日喺屋企嘅,就可以入嚟睇吓。

Read more ›
《Toy Story》翠絲出figure  拍埋胡迪有圖睇
by / on 31/07/2013 at 7:51 am

《Toy Story》翠絲出figure 拍埋胡迪有圖睇

繼賣斷市再發行嘅山口式咸濕胡迪後,終於輪到女角Jessie翠絲!喺啱啱舉行嘅Wonder Festival 2013(夏)展出,睇倒翠絲都係著返經典牛仔裝,不過有兩個面模可以換樣,其中一個皺晒眉嘅囧樣睇落好有潛力,預計今年12月有得賣,到時拍埋胡迪肯定有好多正相睇,我買定花生呀。

Read more ›
牛仔很忙 胡迪再版爆笑圖集 網上熱烈share
by / on 21/07/2013 at 5:04 pm

牛仔很忙 胡迪再版爆笑圖集 網上熱烈share

海洋堂山口式胡迪再版,又挑起之前已經買咗呢隻嘢嘅玩具攝影迷條筋……呢隻胡迪由於可以轉換表情動作,而且對眼極之淫邪,極富潛力,所以經常被玩具迷惡搞影相,再版消息傳出後,網上又出現大量圖片,本住開心share嘅精神,我哋集合咗大量胡迪寫真比大家星期日慢慢重溫,我一邊舖相一邊忍唔住笑到肚痛!

Read more ›