fbpx

Post Tagged with: "海洋公園"

【新片速報】北海道超可愛海豹 兩隻手舉舉吓學溜冰
by / on 31/12/2016 at 1:21 pm

【新片速報】北海道超可愛海豹 兩隻手舉舉吓學溜冰

前排暴風雪嘅北海道長期係港人最愛旅遊地點,如果去開北海道,記住探埋呢隻住喺紋別市海洋公園2嘅海豹仔,除咗個樣好cute之外,舉止動作都勁可愛。最近官方Twitter放咗段片,拍攝到佢喺雪地上溜冰,仲兩隻手舉舉吓,睇見都想同佢玩。呢個公園住咗兩隻海豹「あぐ」(28歲)同「日和」(2歲) ,每日有3個餵食時段,遊客仲有機會近距離餵食海豹,好吸引!

Read more ›

有片:真‧驚嚇慎入 海洋公園哈囉喂宣傳片 滴蠟+針線縫人肉
by / on 31/08/2016 at 9:30 am

有片:真‧驚嚇慎入 海洋公園哈囉喂宣傳片 滴蠟+針線縫人肉

九月未到,海洋公園已經推出哈囉喂全日祭廣告短片,仲寫到明「驚嚇慎入」,而事實上又真係幾驚嚇,不再柴娃娃,唔見龍婆亦唔見夏蕙BB,反而用瘋狂滴蠟加針線縫人肉做主打,另加呻吟聲、喘氣聲同呼喊聲,埋尾再閃出「炙痛心慄驚刺血誘」幾隻大字,嚟宣傳「16禁感官禁室」,明明一滴血都唔見,但感覺又好重血腥味,Edit到好似驚慄片Trailer咁,夜媽媽一個人睇,真係有少少毛管戙。

Read more ›
新片速報:海洋公園哈囉喂最新《驚慌中》MV 羅家英扮羅文
by / on 05/10/2015 at 9:00 pm

新片速報:海洋公園哈囉喂最新《驚慌中》MV 羅家英扮羅文

海洋公園宣傳哈囉喂全日祭15年都幾落本,又聯乘《The Walking Dead》,又搵夏蕙BB、羅蘭拍片,廣告一條接一條出。最新有哈囉喂主題曲《驚慌中》MV,睇歌名都知係二次創作羅文首《激光中》,喺紅紅綠綠迷幻燈光下,羅家英扮羅文又真係幾激似,仲有羅蘭客串出番兩個Shot添,至於歌詞?都OK有啖笑咁喇。

Read more ›
【有片】今年海洋公園哈囉喂 X《The Walking Dead》 血腥廣告逃出陰屍路
by / on 12/09/2015 at 2:00 pm

【有片】今年海洋公園哈囉喂 X《The Walking Dead》 血腥廣告逃出陰屍路

  嘩!海洋公園哈囉喂廣告真係越嚟越血腥,今次玩埋喪屍食活人內臟,紅彤彤大腸小腸盲腸十二指腸咇晒出嚟,畫面極似《The Walking Dead》老伯Dale俾喪屍開膛咬死一幕,之後出字幕,真係同官方FOX《The Walking Dead》合作喎!其中一間鬼屋就係叫「逃出陰屍路」!唔知呢個合作到底點玩,不過增加咗喪屍迷入場嘅興趣啦?之後影片見到一腳踢斷頸喪噴血、電梯撞紅衣女鬼等等,好恐怖吓。搞咁多,無非想話你知今年係海洋公園哈囉喂15周年,特別整咗「逃出陰屍路」、「十五年驚異回魂」、「血咒哥特古宅」、「異種突襲大屠亡」、「魔偶凶靈工坊」等八間鬼屋,誓要嚇死人無命賠咁話。

Read more ›
新片速報:海洋公園「H15」鬼屋 夏蕙BB咬雞髀入雪櫃
by / on 28/08/2015 at 2:30 pm

新片速報:海洋公園「H15」鬼屋 夏蕙BB咬雞髀入雪櫃

望吓日曆,九月都未到喎,月餅都未食,乜咁快又講到Halloween拿?繼上年限制級鬼屋「H14」大受歡迎,今年海洋公園整多個2.0版本「H15」,話搵忤工帶你單對單遊鬼屋,中途幾驚都唔准走,全程10分鐘,體驗一場頭七之旅咁話喎。海洋公園仲破天荒推出「屍」家極樂之旅,6人組團$8888玩足4粒鐘,想驗「H15」有幾驚嚇,要預先係9月4日同9月10日Click入去攞籌。唔怕大吉利是,最緊要玩得同睇得開心,暫時睇住夏蕙BB嘅宣傳廣告片先,都幾Funny架,尤其佢咬住雞髀推入藏屍大雪櫃嗰幕,我笑到Gap Gap聲。

Read more ›
訂檯係時候 海洋公園情人節套餐
by / on 29/01/2015 at 3:00 pm

訂檯係時候 海洋公園情人節套餐

仲有兩個禮拜就情人節,諗好去邊度食燭光晚餐未呢?依家訂檯係時候咯喎。而海洋公園情人節套餐係咪特別好食?唔知,但好貴,卻係不爭事實。If呀,我講如果呀,荷包鬆動的話,不妨考慮吓海洋公園「浪漫禮遇」套票,包兩張入場門票、海龍王餐廳情人節二人晚餐同使用貴賓禮遇通道,可以優先進入八個熱門景點,盛惠$2,088。又If多次,我都係講如果呀,如果荷包再鬆動啲話,可以買「浪漫情人節親親動物」限定套票,盛惠$5,000,係,真係五張金牛,雖然諗唔明情人節同動物有乜關係,但我估呢個套票應該都好快Full。

Read more ›

有片:海洋公園裡的燈飾版海洋公園
by / on 07/12/2014 at 8:00 pm

有片:海洋公園裡的燈飾版海洋公園

食字食得好老土吓,叫甚麼《Light爆Christmas!海洋公園閃爍聖誕!》喎,對於呢個號稱全港最大型室內聖誕燈飾展,你又Like唔Light呢?咁話晒主題係將公園各大中小景點化成燈飾,點都有睇頭嘅。至於呢條宣傳片,我就覺得好「北望神州」吓,唔知點解,雖然有聽慣聽熟嘅叮噹配音,但硬係覺得好似專登拍畀大陸人睇咁嘅,唔知大家有無呢個覺感呢?

Read more ›
Tick一Tick 送海洋公園門票+套餐
by / on 26/11/2014 at 10:45 pm

Tick一Tick 送海洋公園門票+套餐

無本生利嘅嘢,我就最鍾意做架嘞,就快聖誕節,海洋公園為谷宣傳送門票兼請你食餐飯。點無本生利法?上Facebook,幫手Share個Post,再Tick一Tick即可參加抽獎。如果你咁多嫌煩的話,咁就無嘢好講嘞。

Read more ›
有片:羅蘭姐x夏蕙姨x盧海鵬 喊驚哈囉喂
by / on 19/09/2014 at 10:00 am

有片:羅蘭姐x夏蕙姨x盧海鵬 喊驚哈囉喂

羅蘭姐已經成為海洋公園拍Halloween全日祭宣傳廣告Icon,今年加碼搵埋夏蕙姨同盧海鵬一齊參演,廣告主旨係「一啖Cutie,一啖嚇死」,Cutie就一般般啦,但講到嚇死咯喎,就真係俾夏蕙BB個死人妝嚇死。

Read more ›
新片速報 海洋公園「哈囉喂」 盧海鵬爆粗 盛智文現身
by / on 26/08/2014 at 4:34 pm

新片速報 海洋公園「哈囉喂」 盧海鵬爆粗 盛智文現身

今年冇羅蘭,雖然有啲唔開心,不過有盧海鵬都好啦。呢條片就係宣傳海洋公園一年一度「哈囉喂」活動,今次玩《恐懼鬥室》feel嘅鬼屋「H14」,8月29日開始有得網上登記,見到鵬鵬嚇到爆Do之餘,仲有盛智文現身,咦?鬼故喎。

Read more ›
新片速報 哈囉喂羅蘭姐又嚟料 貞子3D過籠被踩
by / on 29/08/2013 at 12:00 pm

新片速報 哈囉喂羅蘭姐又嚟料 貞子3D過籠被踩

唔知幾時開始,海洋公園哈囉喂已經同羅蘭姐劃上等號,家陣九月都未到,龍婆已經喺Youtube幫手賣廣告,鬼聲鬼氣依然,但今次焦點卻喺貞子身上。

Read more ›

新片速報 羅蘭姐型爆哈佬喂
by / on 11/09/2012 at 9:40 am

新片速報 羅蘭姐型爆哈佬喂

雖然我唔知點解香港年青人偏向慶祝西人鬼節,而唔喺中國鬼節七月十四扮鬼扮馬出街玩;而呢條片亦都唔關動漫遊戲事,而且仲已經post咗三日,不過我都想為好似我咁唔多睇電視嘅人著想,推介吓呢條最新海洋公園哈佬喂廣告。有Wyman都過癮,我即時諗起佢套《五個嚇鬼的少年》扮驅魔人,最正係羅蘭黑超黑西裝現身,仲有個朵叫聖羅蘭,實在係型爆,唔睇就笨。

Read more ›