fbpx

Tag: 浪客劍心

【有片】6月上映 《浪客劍心 最終章 The Beginning》特報解禁

【有片】6月上映 《浪客劍心 最終章 The Beginning》特報解禁

講到漫畫改編真人版最高質三甲,應該點都有《浪客劍心》份啩?過兩日4月23日就有最終章「The Final」上映,之後6月4日就輪到《るろうに剣心 最終章 The Beginning》,啱啱有特報睇!

Read more ›

《浪客劍心》真人版「最終章」 有村架純演「雪代巴」

《浪客劍心》真人版「最終章」 有村架純演「雪代巴」

正呀,佐藤健演嘅真人電影仲有《るろうに剣心 最終章 The Final/The Beginning》,分別會喺7月3日同8月7日喺日本上映。繼2012、2014年陸續推出了第一集、京都大火篇、傳說的最終篇之後,今年兩套就會分別講雪代緣決戰同劍心十字疤痕嘅故事,而當中「雪代巴」就會由有村架純演出,好呀!

Read more ›
好過佐藤健?《浪客劍心》舞台劇版小池徹平主演

好過佐藤健?《浪客劍心》舞台劇版小池徹平主演

其實我自己就覺得現年30歲嘅佐藤健之前演出嘅《るろうに剣心》真人電影系列已經演得好好,不過,啱啱舞台劇版公開咗主演人選係34歲小池徹平之後,就有唔少人話好過佐藤健。舞台劇《るろうに剣心 京都編》預定今年秋季喺東京「IHIステージアラウンド東京」公演,點睇?

Read more ›
【突發】佐藤健回歸參演 《浪客劍心》新作2020年兩部連續公開

【突發】佐藤健回歸參演 《浪客劍心》新作2020年兩部連續公開

2012年8月上映第一作,之後去到2014年仲有「京都大火編」、「伝説の最期編」,估唔到5年之後仲有得玩!講緊係和月伸宏原作嘅《るろうに剣心》真人版電影。官方宣佈會開拍最終章,喺2020年夏天連續上映。主演當然繼續係佐藤健,監督係大友啓史,主題係「十字傷の謎」,追憶篇、人誅篇。

Read more ›
劍心回歸 《浪客劍心 北海道篇》6月4日連載再開

劍心回歸 《浪客劍心 北海道篇》6月4日連載再開

之前因為藏有兒童色情物而被捕嘅《浪客劍心》作者和月伸宏,最終被判罰20萬円。咁件事都過去咗,係時候重新出發。啱啱集英社就公佈《るろうに剣心-北海道編-》將會喺6月4日連載再開。

Read more ›
真正絕版 《浪客劍心》精品未推出已踩停

真正絕版 《浪客劍心》精品未推出已踩停

《浪客劍心》作者和月伸宏,上月因為藏有兒童色情物而被捕,《るろうに剣心-明治剣客浪漫譚・北海道編-》已即時停載,而集英社亦宣佈,喺12月16、17日舉行嘅「ジャンプフェスタ2018」中,本來會發售嘅《浪客劍心》精品都會停售。睇嚟,應該好難再見到劍心嘅新嘢喇?

Read more ›

下月連載開始 《浪客劍心》新章「北海道篇」預告圖

下月連載開始 《浪客劍心》新章「北海道篇」預告圖

之前話春天,原來下個月就有得睇喇。9月4日開始喺《ジャンプSQ.》就會連載《るろうに剣心 明治剣客浪漫譚》嘅北海道篇,fans留意番。

Read more ›
劍心回歸!《浪客劍心》傳說新章「北海道篇」春天連載

劍心回歸!《浪客劍心》傳說新章「北海道篇」春天連載

嘩正呀!喺《ジャンプSQ.》特別連載嘅《-るろうに剣心・異聞- 明日郎 前科アリ》,講嘅就係「緋村剣心」同時代嘅少年「明日郎(あしたろう)」啦,不過唔係呢件事,而係預告中會有《るろうに剣心》傳說中嘅新章!正傳呀!北海道篇!嚟緊嘅春天就會連載!

Read more ›
福山雅治參演!《浪客劍心 京都大火編/伝説の最期編》比古清十郎登場

福山雅治參演!《浪客劍心 京都大火編/伝説の最期編》比古清十郎登場

嗚!正!本身都已經期待,本來覺得最有型係江口洋介嘅斎藤一最有型,但o依家有對手喇!官方Twitter公佈咗嚟緊8月1日同9月13日喺日本上映嘅真人版《るろうに剣心》第2、3部「京都大火編」、「伝説の最期編」。會有福山雅治參演,而佢做嘅就係劍心個師父比古清十郎!

Read more ›
新片速報《浪客劍心 京都大火編/伝説の最期編》預告

新片速報《浪客劍心 京都大火編/伝説の最期編》預告

真人版《るろうに剣心》第2、3部「京都大火編」、「伝説の最期編」日本分別會喺8月1日同9月13日上映,啱啱又有新預告登場。今次打志志雄真實,仲有4人圍攻片段,聽埋ONE OK ROCK嘅主題曲,最尾就梗係宣傳前賣券,特典「くまモンver.剣心」同「くまモンver.志々雄」,Kumamon真係好正!

Read more ›
前賣特典公開《浪客劍心 京都大火編》劍心/志志雄熊本熊吊飾

前賣特典公開《浪客劍心 京都大火編》劍心/志志雄熊本熊吊飾

真人版《るろうに剣心》第2、3部「京都大火編」、「伝説の最期編」日本分別會喺8月1日同9月13日上映,早前愚人節官方仲整咗張熊本熊Kumamon版嘅劍心海報,仲有之前熊本熊都去片場探過班……你以為佢玩吓?嚟緊第2部嘅前賣券特典都係呢隻熊呀!分別有「くまモンver.剣心」同「くまモンver.志々雄」……呢次仲唔係「九頭熊閃」,殺盡男女fans?

Read more ›

4月1日惡搞劍心 熊本熊參演《浪客劍心》

4月1日惡搞劍心 熊本熊參演《浪客劍心》

《浪客劍心》第2、3集都會喺今年內上映,早排熊本吉祥物Kumamon都去咗拍攝現場探班。今日愚人節,官方網站就搵嚟Kumamon參演劍心一角!新海報解禁!

Read more ›
新片速報 真人版《浪客劍心》新預告 角色大集合

新片速報 真人版《浪客劍心》新預告 角色大集合

和月伸宏原作嘅《浪客劍心》真人版,第2、3部「京都大火編」、「伝説の最期編」將會喺8月1日同9月13日上映。早前官方又有新預告篇發佈咗,有大量角色現身,志志雄真實個造型都冇得話唔似咯,不過個人都係鍾意江口洋介演嘅齋藤一,極MAN。

Read more ›
真人版《浪客劍心》駒形由美演員確定

真人版《浪客劍心》駒形由美演員確定

和月伸宏原作嘅《浪客劍心》真人版,第2、3部「京都大火編」、「伝説の最期編」將會喺8月1日同9月13日上映。劍客電影男人行先,繼志志雄真實、十本刀等角色出場後,最新有志志雄真實嘅愛人駒形由美出場,由「高橋メアリージュン」演出,呢個就係佢嘅造型喇。

Read more ›
《浪客劍心》真人版續篇 藤原龍也演志志雄真實

《浪客劍心》真人版續篇 藤原龍也演志志雄真實

前兩日都報導咗,和月伸宏原作嘅《浪客劍心》真人版會喺下年夏季一連推出第2集「京都大火篇」同第3集「傳說之最後篇」。如果係劍心漫畫迷,見到京都篇都會諗起超難纏嘅志志雄真實,最新消息就係會由做過《死亡筆記》夜神月嘅藤龍也飾演,幻想吓,都似嘅,橫掂包晒崩帶……而另外嘅演員都會歸位,包括演神谷薰嘅武井咲、演齊藤一嘅江口洋介等,導演一職將會繼續由大友啓史擔任。

Read more ›