Post Tagged with: "浣熊"

《銀河守護隊》Rocket原型浣熊離世 享年10歲
by / on 08/02/2019 at 11:14 am

《銀河守護隊》Rocket原型浣熊離世 享年10歲

好鍾意《銀河守護隊》入面串串貢嘅浣熊Rocket,可惜現實生活中,佢嘅模特兒Oreo不幸地噚日朝早離世,享年10歲。呢隻可愛嘅浣熊,係電影入面Rocket外型、動作嘅參考原型,仲曾經陪伴導演James Gunn行過紅地毯,出席電影首次喺荷李活上映嘅活動。主人Quinta Layla喺Facebook公佈咗呢個消息,RIP可愛嘅Oreo。

Read more ›

超正《銀河守護隊》浣熊、樹人1/4雕像 兇狠造型即日預訂
by / on 17/11/2018 at 3:36 pm

超正《銀河守護隊》浣熊、樹人1/4雕像 兇狠造型即日預訂

呢隻新加坡XM Studios出嘅《銀河守護隊》浣熊「火箭」Rocket同樹人Groost雕像的確幾正。特別係火箭懶係惡嘅兇狠樣,配埋重裝備武器,好正!1/4比例,賣新加坡幣1399,即係大概港幣8千蚊港幣左右,都幾貴,有興趣可以去返官網,噚晚開始開放預訂嘞。

Read more ›
【有片】外國Twitter大熱「爬牆浣熊」 死裡逃生網民狂改圖
by / on 16/06/2018 at 4:11 pm

【有片】外國Twitter大熱「爬牆浣熊」 死裡逃生網民狂改圖

最近幾日外國Twitter最熱門話題一定係呢隻浣熊,去Twitter搵#MPRRaccoon就會搵到大量內容。話說佢俾人發現爬咗上美國St.Paul嘅UBS Tower,停咗喺13樓似乎唔知點算好,估計佢係由地下開始爬起。有人報導之後大家都放低手頭工作睇實佢,網民好擔心佢會攰得濟唔夠力抓唔住跌落街,消防員嘗試救佢,不過個玻璃窗又打唔開,唯有靠隻浣熊自己爬上頂。連《Guardians of the Galazy》嘅導演James Gunn都忍唔任喺Twitter話願意捐1千蚊美金俾非慈善團體救返隻浣熊落嚟。隻浣熊爬到攰攰哋忍唔住喺窗台瞓咗陣,入夜之後先係戲肉,隻浣熊向上爬吓又向返下爬,似乎進退兩難,網民就唔瞓都要睇住佢嘅安危,好彩最終喺凌晨3點佢終於爬咗上頂安全落地!不過件事仲未完,大量二次創作喺網上流傳,例如將佢key咗落巨石強森套新片度,又推出Tee,仲有專屬嘅fans page,似乎隻浣熊仲會有排紅。入嚟有回帶可以睇返呢個驚險歷程。

Read more ›
俄羅斯超可愛浣熊醫生   專責平靜狗狗情緒
by / on 05/05/2018 at 9:18 am

俄羅斯超可愛浣熊醫生 專責平靜狗狗情緒

自從電影《Guardians of the Galaxy》同埋《Avenger 3》之後就鍾意咗浣熊呢種動物嘞!俄羅斯呢位獸醫Aleksei Krotov都養咗隻浣熊叫Yasha,最特別之處係隻浣熊同時係動物醫生,因為佢哋發現Yasha嘅出現可以令到情緒緊張嘅狗狗變得平靜,不過只限於狗狗,佢同喵星人就相處唔到嘞。

Read more ›
【連環圖】日本浣熊仔收玩具 攬到實超可愛Twitter熱傳
by / on 27/06/2017 at 7:09 am

【連環圖】日本浣熊仔收玩具 攬到實超可愛Twitter熱傳

自從睇完電影《銀河守護隊》之後就對浣熊呢種動物產生咗好感,日本有網民屋企就養咗隻浣熊嘞,最近為咗氹佢開心仲買咗個浣熊玩具公仔俾佢。估唔到浣熊見到隻公仔之後勁鐘意,仲即時攬到實一實,個樣好冧好真,超可愛!張連環圖喺Twitter好多人分享,大家都讚佢可愛,唔知佢係咪誤會咗呢個係佢嘅仔仔呢?

Read more ›
日本狸貓串串貢    撩交打衰樣Twitter熱傳
by / on 05/03/2017 at 12:41 pm

日本狸貓串串貢 撩交打衰樣Twitter熱傳

日本周圍都係可愛嘅吉祥物,不過凡事總有例外,好似呢隻頭戴草帽嘅狸貓,網民就發覺佢個樣zoom近啲睇原來惡形惡相,岳高頭好似撩交打咁。之後網民熱烈出圖回應,原來佢同好多人撞樣,仲有人整埋wallpaper‥‥‥

Read more ›

【新片速報】日本浣熊影片Twitter熱傳 舉手要嘢食超可愛
by / on 11/07/2016 at 7:13 am

【新片速報】日本浣熊影片Twitter熱傳 舉手要嘢食超可愛

呢段影片喺日本Twitter好多人瘋狂轉發,片中嘅浣熊仔好有禮貌,見有人掉嘢食過嚟,就不停舉手,好似同人講:「呢邊呀,我喺呢邊呀!」可惜雖然佢有禮貌,但都無得食,因為掉嘢食嘅人掉得唔準,經常都落入佢其他企得前啲嘅兄弟度。唉,都話有時有禮貌係無用架,會有人打尖架。

Read more ›
【有片】進擊的浣熊超煩膠    喵星人無奈越退越後
by / on 06/07/2016 at 7:12 am

【有片】進擊的浣熊超煩膠 喵星人無奈越退越後

喵星人最怕就係呢啲太肉緊嘅動物。最近呢段片喺Twitter熱傳,片中嘅浣熊喺床邊好「積極」咁想同床上嘅喵星人玩,但對方似乎唔多想接受。睇片見隻浣態表現極之進擊,單手抓唔到索性用齊雙手,抓呀抓,喵星人就越退越後,呢刻佢心裡面應該諗緊:「好彩佢跳唔到上嚟,如果唔係煩死!」

Read more ›
【新片速報】浣熊有義氣 合力爬牆影片YouTube熱播
by / on 24/06/2016 at 7:13 am

【新片速報】浣熊有義氣 合力爬牆影片YouTube熱播

相比起行行吓跌幾隻兄弟落坑渠都唔理嘅鴨仔,浣熊似乎有義氣好多喎。呢段影片喺YouTube熱播,拍到夜晚路邊有隻浣熊媽媽同兩隻浣熊BB,由於牆身好高,企喺最上面嘅媽媽要扶兩隻B上嚟,不過佢哋開頭唔係幾順利,最底嘅BB仲跌埋落地,但兄弟無放棄佢,最後成功一家團眾,展現出偉大嘅團隊精神!

Read more ›
上面有工具列,善用工具過關啦。
by / on 10/06/2012 at 12:00 pm

手機新Game:底褲熊闖關

呢劑真係玩Game學英文,遊戲名字「Underpants Raccoon」,「Raccoon」解浣熊,等我仲以為遊戲主角係我們偉大的祖國國寶添, 「Underpants」解底褲,拼埋一齊即係……偷底褲的浣熊?不過造型又勁似忍者喎,究竟想點?諗唔通,不過唔理,只要個Game好玩就得嘞。

Read more ›