Tag: 流浪漢

【感人】外國流浪漢不孤獨 4隻狗狗醫院外守候

【感人】外國流浪漢不孤獨 4隻狗狗醫院外守候

最近外國熱傳呢件事,巴西一位流浪漢César喺凌晨3點去咗醫院接受治療,姑娘好快發現原來佢唔係得一個人,因為門口竟然有4隻狗狗好乖咁坐喺度等緊佢,個樣仲好緊張咁望住佢接受治療。後來姑娘發現原來流浪漢一直照顧住呢班狗狗,平時就算自己唔夠嘢食,都會顧咗班狗朋友先。之後醫院職員買咗嘢俾César食,佢仲分俾班狗狗一齊食。件事放上網後好多人討論,大家都話好感動,有人話通常擁有最少嘅人願意付出最多,亦有人叫大家多啲體恤露宿者,可以嘅話就買啲食物、送張毛毯俾佢哋,唔好趕佢哋走。冬天嚟緊,大家見到街上嘅露宿者,都可以多一份體諒,可以嘅話就幫助吓佢哋啦。

Read more ›

【感人】無私流浪漢拎全副身家幫人 好心有好報改變人生

【感人】無私流浪漢拎全副身家幫人 好心有好報改變人生

係愛呀,呢件真人真事好感人,話說27歲嘅Kate McClure某日由新澤西揸車去費城,途中架車無晒油,四圍又無人,呢個時候佢遇到流浪漢Johnny。Johnny叫佢坐返喺車鎖埋門,因為附近好危險,幾分鐘後,Johnny帶咗啲汽油返嚟,原來佢將自己全副身家$20用嚟幫助呢位女士,確保Kate可以安全返屋企。之後Kate返去還錢俾Johnny,仲不時拎啲日常品俾佢,佢得知Johnny曾經做過彈藥技術員、消防員同埋救護人員,不過中途遇到挫折,令到佢成為流浪漢。Kate將呢個故事放咗上籌款網站GoFundMe,希望為Johnny籌一啲基本生活費,令佢可以租屋同埋搵工,重新做人。本來目標籌款10萬美金,由於好多人俾佢哋兩個嘅無私行為感動,而家已經籌到美金36萬。最新消息係Amazon嘅warehouse已經聯絡咗Johnny,提供一份倉務工作俾佢,而Johnny亦會將剩餘嘅善款捐俾慈善機構。其實每個人嘅人生都會遇到挫折,只要有人願意伸出援手,就可能令到對方嘅人生改寫。所以大家有能力嘅時候,記住幫助吓身邊有需要嘅人。

Read more ›

【洋蔥】流浪漢與流浪狗圖集 相依為命超感人

外國好多流浪漢都會養流浪狗,可能只有狗狗會咁忠心,不論主人窮或富都不離不棄。對於無依無靠嘅流浪漢嚟講,狗狗就係自己最好嘅朋友。外國網站搜羅咗好多流浪漢同佢哋嘅狗狗相依無命嘅生活照,好感人,尤其是諗起流浪漢自己未必食得飽,但都會分啲嘢食比佢身邊呢位好朋友‥‥‥其中一個流浪漢喺影相時,將自己個頭埋喺狗狗背後,原來佢覺得俾攝影師見到佢流眼淚好尷尬‥‥‥搞到我都眼濕濕。最近天寒地凍,大家都記緊多啲關心無家可歸嘅人同埋小動物。

Read more ›

有片:通街派錢,你會拎幾多?

測人心,最好用錢,喺萬惡金錢面前,人性最表露無遺,就好似呢個社會實驗咁──全身黐滿花綠綠紙幣遊街,舉牌向途人甲乙丙講明「Take What You Need」,派錢喎,途人反應係點?有西裝友一拎就十幾張紙幣,原因係有錢無派理由唔拎;有跑步友無交代原因拎完錢即閃;有OL明言等錢使所以狂拎錢──佢哋個個都無睇清楚「Take What You Need」嘅真正意義,真正意義在「What」,即你真正需要甚麼,除咗一個流浪漢,佢好窮,但佢只拎兩張紙幣,仲話夠用嚟買食物已經心滿意足,應該畀留番啲錢畀其他真正有需要人士云云。睇到呢一幕,雖未致眼有淚光,但著實有啲感動…..

Read more ›

【感人】有片 攝影師拍攝流浪漢 發現失散多年爸爸

每個人背後都有一個感人故事,女攝影師Diana Kim由2003年開始拍攝街頭露宿者,3年前佢影影吓相時,居然發現其中一個被攝者係佢失散多年嘅爸爸!好似電影橋段,Dianna Kim細細個父母離異,佢只係記得爸爸係一個攝影師,之後佢愛上攝影,仲喺2003年開始咗一個拍攝街頭露宿者嘅計劃,估唔到最終令佢同親人團聚。可惜當佢發現爸爸時,對方患咗精神病又唔肯睇醫生,佢唯有每日帶食物探爸爸,直至上年10月爸爸患上心臟病,終於肯去睇醫生,佢亦將好多影過嘅相比爸爸睇,喚起佢嘅回憶同意志。而家佢爸爸已經好返好多,兩父女有傾有講,爸爸仲計劃同阿囡一齊返南韓探吓家人,好感人!

Read more ›

超型流浪漢相集「Underexposed」 有心思真心推介

流浪漢都可以好型,呢個就係顯露攝影技巧嘅時候。外國攝影師Aaron Draper呢輯專影美國加州流浪漢嘅「Underexposed」系列好出色,喺佢鏡頭下嘅流浪漢每個都好有型,我最欣賞佢嘅燈光效果,令每個被攝對象都有一種好神聖嘅感覺。而佢輯相叫Underexposed,中文即係曝光不足,通常用喺攝影上,佢認為呢班流浪漢就係社會上被遺忘嘅一群,所以佢每張相都有好充足嘅光,希望多啲人關注呢班流浪漢,有心思有技巧,好難唔推。

Read more ›

有片:浪流漢與西裝友PK 途人兩極反應

寧願少喫餐,時裝錢咪慳,許冠傑N年前已經有唱《先敬羅衣後敬人》,其實衣裝豈只代表到身份地位,仲會直接影響到「生命」。點解咁講?睇完呢條Social experiment短片,你就會明白世態有幾炎涼,大家都係人,大家都係揸拐杖,大家都係PK,身光頸靚西裝友仆街咩,大把人上前扶佢起身;污糟巡遢流浪漢仆街咩,就算跌到攤攤腰死咁滯,路人甲乙丙都係掂行掂過,眼不見為乾淨。問心,遇到流浪漢PK,你又會唔會上前扶番佢起身?問心喎,唔好講大話喎……

Read more ›

有片:100蚊的社會實驗 流浪漢的尊嚴

Hidden cam下一個流浪漢的真事故事,成個實驗好簡單,畀100蚊一個素未謀面嘅流浪漢,一句多謝加一個熊抱之後,跟蹤偷拍正式開始。鏡頭裡面,流浪漢收咗錢就走入一間賣酒專門店,買完嘢就走入公園,正當眾人以為佢買酒大醉,佢卻將剛買番嚟嘅一袋二袋分畀其他無瓦遮頭一族,原來佢唔係買酒,係買食物同日用必需品。呢種有福同享嘅行徑,深深感動眾人。啱架,窮則獨善其身,達則兼善天下,人窮絕對唔緊要,人最緊要有愛心、肯分享,人就有尊嚴。

Read more ›

新片速報 流浪漢病發狗仔馬路狂追 120萬點擊熱播

好感人!影片一開始影住隻狗仔不停追呀追,跑得快過神犬拉西,追咗幾個路口,車入面嘅人終於開車門比佢上車,原來,架車係救護車,車上面載住嘅係狗仔嘅主人,據講主人因為癲癇發作要緊急送院,狗狗最後陪埋佢入院,而呢位主人,係巴西一個流浪漢。件事感動咗好多人,大家都讚狗狗有義氣,條片放上YouTube幾日已經有超過120萬點擊,好彩呢位流浪漢最終大步檻過,快啲帶埋狗狗去慶祝啦!

Read more ›

有片:如何對待偷吃的流浪漢?

呢類Social experiment短片,我好鍾意睇,因為好反映到人性陰暗面,透過偷拍鏡頭,將人最底裡嘅一面表現出嚟。今次呢條《Would You Help A Homeless In Need?》亦唔例外,遇著一個無家可歸又餓到咕咕聲嘅流浪漢,佢喺你面前偷嘢食,你會唔會制止?

Read more ›

有片:乞一口飯 仗義每多流浪漢

幾鍾意呢條Social experiment短片,真實反映出人越富有越孤寒,人越貧窮反而越捨得分享。代入角色,假設你餓咗三日,你會唔會向流浪漢乞一口飯吃?唔會?正常!因為你會咁諗:「流浪漢本身都咁慘,就算有飯食,都唔會捨得分享?」

Read more ›

流浪漢與流浪狗 感人相集

流浪漢係俾社會遺忘嘅一班邊緣人士,不過佢哋唔一定寂寞,因為仲有人類最好嘅朋友 ─ 狗仔陪佢哋。狗仔好忠心,無論你窮定有錢,住大屋還是瞓街,佢都一樣跟住主人,不離不棄。外國網搜羅咗大量流浪漢同狗狗嘅溫馨相片,睇完個心暖一暖,好感動。

Read more ›

有片:拗手瓜拗出偉大情操

又係Social experiment一類嘅短片,今次道具更簡單,幾張花綠綠銀紙就搞掂。做乜實驗呢?測試吓人究竟睇個錢字有幾大,錢喎,我諗無人會唔鍾意啩?

Read more ›

男人set頭賣萌 流浪漢變型男?

身邊總有一兩個男性朋友鐘意留長頭髮,而好多時佢哋一係就披頭散髮,一係就求其紥條馬尾,外國網站The Bold Italic決定玩大佢,幫一眾型男set個女神頭,結果係點?好現實,靚仔嘅,set乜嘢頭都係咁瀟洒,本身似流浪漢嘅,set完之後只係變咗個騎呢兼姣姣哋嘅流浪漢。其實原理同女仔set頭一樣,呢方面,男女一視同仁,好公平。

Read more ›