fbpx

Tag: 流川

皇牌流川楓開箱 狐狸眼侷你儲

皇牌流川楓開箱 狐狸眼侷你儲

      冇計o格,買咗櫻木、宮城,又等緊三井壽,就算佢出隻有尾嘅狐狸我都會買。今日呢隻「The spirit collection of Inoue Takehiko」第4彈(第1彈係宮本武藏,第2彈櫻木花道,第3彈宮城良田)皇牌流川楓到貨,即時去攞,個盒厚過前兩隻,開箱,老實,有少少失望,但拼埋個球場木地板,又有番少少感動……把你擊敗,我就去美國。

Read more ›

多圖發佈 8月推出 湘北皇牌流川楓對辨!

多圖發佈 8月推出 湘北皇牌流川楓對辨!

之前都已經有一張圖咁大把,呢隻「The spirit collection of Inoue Takehiko」第4彈(第1彈係宮本武藏,第2彈櫻木花道,第3彈宮城良田)皇牌流川楓,啱啱官方就有更多圖片發佈。睇完大相呢張圖,我個人即刻定晒,冇晒之前蛇頭鼠眼嘅感覺,似番原著好多!而且佢個拉護碗動作其實都幾型棍,本來佢成點我都會買,o依家咁嘅情況,就要訂喇。

Read more ›
儲齊一隊第3步 流川楓彩色辨曝光 8月推出6,600円

儲齊一隊第3步 流川楓彩色辨曝光 8月推出6,600円

櫻木、宮城之後,「The spirit collection of Inoue Takehiko」第4彈(第1彈係宮本武藏)就係皇牌流川楓。之前都有半身白模睇過,但唔知佢做咩動作,見佢雙手向前唔會係攬住個波咁唔型棍啩?好喇,啱啱「SLAM DUNK – 4814 DAYS AFTER」facebook群組share咗幅彩色圖出嚟,原來係整緊隻護碗!售價6,600円,推出日期都定咗喺8月喇,佢幅圖話高約23cm,但實際資料就係連地台高250mm,所以應該係同櫻木差唔多。至於個樣……唔係話醜,但唔計髮型,我反而覺得有啲似《Real》個高橋久信。不過點都好啦,儲齊一隊走唔甩,照咁嘅走勢,應該係炎之男三井壽壓軸喇。

Read more ›
流川楓今夏推出 湘北皇牌狐狸夠傳神

流川楓今夏推出 湘北皇牌狐狸夠傳神

出完櫻木同宮城之後,「The spirit collection of Inoue Takehiko」第四彈係邊個?係流川楓吖嘛,之前講咗啦。有樣睇未?之前都有個白模,不過今次呢張相就再清楚啲。售價6,600円,唔知點解平過宮城300幾円,照睇面相就認真唔錯,有一陣狐狸味道喺度,果然係由井上雄彥監修,鈴木剛做原型製作。預定今年夏天出,唔知佢係做咩動作呢?睇佢兩隻手都向手擺,唔通就咁攬住個波喺前面咁dry?

Read more ›