宜家傢俬呢隻鯊魚仔Blåhaj越嚟越紅，最近官方仲搞咗個尋寶遊戲，將Blåhaj放喺場內不同位置，叫大家一齊搵佢哋出嚟，外國好多人已經將佢哋搵到嘅Blåhaj放上Twitter分享，Blåhaj出現嘅位置層出不窮，造型仲好多變化，入嚟有得睇。

光頭嘅造型真係千變萬化，好似最近布斯韋利士出席日本一個活動，咁啱企咗喺一個位置，又咁啱鏡頭影到呢個趣怪嘅場面，有網民放咗上Twitter後熱傳，仲有人改埋圖，入嚟有得睇。

日本網民最近好鍾意玩蜘蛛，最近Twitter熱傳呢段片，大量遙控車喺跑道上比賽，但係突然間從後殺出一隻巨型蜘蛛，對眼仲識發光，好驚！入嚟有片睇，喺Twitter搵#あひる夏の陣 會見到大量相同片。

日本嘅龍友好出名，佢哋影裙底嘅時候完全漠視其他人嘅目光，而且唔單止參加成人嘅cosplayer活動，小朋友活動都照去。最近有日本網民回帶放咗幾張小朋友藝人出席見面會甚至抱抱會嘅相，全部怪叔叔現晒形，樓主話好難明白點解啲父母會俾佢哋嘅小朋友參與，有人話性嚐好係個人秘密，唔明點解而家嘅人會將佢公開、有人話應該立法禁止呢類活動、有人話父母最大責任，不過呢個係日本深層嘅社會問題，相信唔係短時間可以解決嘅事。

唔止香港，日本嘅盜版漫畫問題都好嚴重，最近多間出版社同漫畫家合作，搞咗個叫「STOP!海賊版」嘅宣傳，呼籲日本民眾唔好再睇盜版漫畫。首先由「少年JUMP編集部」喺Twitter分佈新圖，仲有四格漫畫，講盜版令作家無飯開、新人夢想滅絕、書店經營困難，最後導致讀者無漫畫好睇。另外因為盜版問題，估計單係日本捐失已經達500億円，即係40億港元左右！希望大家多啲支持正版，直接買漫畫或者去有版權嘅漫畫網站睇。

好耐無見羽生結弦嘞，最近Twitter熱傳佢呢幾張相，啱啱返到家鄉仙台市出席勝利大巡遊嘅佢，被形容為好似王子一樣，舉手投足都成為鏡頭嘅焦點，仲吸引咗超過10萬人捧場，號召力超強！入嚟有多啲相睇，拍攝水準好高，靚到好似寫真集咁。

之前講咗好耐，鬆弛熊15週年×京急120週年紀念終於正式開始嘞，由今日開始至到5月13日，連車站名都改埋，由原本嘅「京急久里浜駅」變成「京急リラッ久里浜駅」，仲有大大隻偷懶嘅鬆弛熊車長。唔單止京急電車，京急旗下嘅巴士同埋觀光船都會聯乘，去到邊都見到鬆弛熊！仲有大量精品同埋紀念乘車券，fans係時候出發嘞。

唔講唔覺，蛋黃哥原來已經5周年嘞。除咗今年喺大阪有主題餐廳慶祝之外，嚟緊3月31日一連兩日會喺橫濱嘅紅磚倉庫舉行活動。今次蛋黃哥變咗水手，有大量精品推出，仲有好多主題食物，其中個冬甩同埋白飯都好搞笑，fans而家開始計劃都未遲，不過留意返記住網上預訂入場券。

如果有個鍾意影相又識後期製作嘅爹哋，的確好幸福。外國爹哋Yesie McEwan就幫6歲嘅仔仔Tony完成咗心願，為佢整咗輯Minecraft相，仔仔由歲半開始已經好鍾意Minecraft，今次扮Steve嘅角色再key入唔同嘅場景，睇落效果好正，呀仔又可以將啲相放上網比同學仔羨慕吓，呢類型嘅親子活動其實好有意義吖。

幾時都話behind the scene係最好睇嘅，好似啱啱喺日本幕張舉行咗嘅「Fate/Grand Order Fes. 2017」兩週年紀念活動，女主人公「ぐだ子」嘅大型吉祥物出場前一幕就好好睇嘞。首先佢返入後台打側跳跳吓已經好得意，之後唔覺意由後台衝咗出嚟，俾工作人員撳佢額頭迫佢退後嗰幕都好好笑，入嚟有片睇。

眨吓眼Final Fantasy系列已經推出咗30年，30周年記念咁大件事，Square Enix當然要大肆慶祝。佢哋今次同東京鐵塔合作，噚晚舉行咗「CRYSTAL TOKYO TOWER」亮燈儀式，成座東京鐵塔由紅色變成藍色，呼應返FF3開始嘅水晶塔，FF迷見到應該會好感動，好多網民都喺Twitter分享咗，入嚟有相有片睇。另外由今日至5月7日喺東京鐵塔仲會有「4D Battle Projection」，可以喺2樓嘅大瞭望台睇到配埋東京夜景嘅經典打boss場面，不過有限時段，睇完有明信片送，有興趣嘅記住入嚟睇埋先。最後梗係唔少得買嘢，呢段時間喺東京鐵塔會有期間限定嘅Premium Shop賣精品，買滿2000円仲有個30周年購物袋送，FF迷係時候計劃吓遊返轉東京嘞。  

好耐無見嘅上戶彩最近剪短咗個短髮，仲成為日本網民嘅討論對象，今年31歲嘅佢已經做咗媽媽，有人話佢瘦咗成熟咗，不過依然好可愛，仲有好多人覺得剪短咗頭髮嘅佢好似藝人剛力彩芽，亦有人話佢似美少年，之後有人放咗佢N年前出道嘅短髮圖，好可愛！BTW，個人最鐘意都係《ATTENTION PLEASE》時候做空姐嘅佢，短髮都係襯佢啲。

東京電視台嘅女主播好多都好可愛，仲儲落唔少fans，最近有網民放咗包括鷲見玲奈在內，合共3位女主播出席公開活動嘅合照上2ch討論，不過焦點唔係3位靚女主播，而係身後面班男fans們。有人留言話：「全部都係禿頭同戴眼鏡」、「心情覺得有啲悲傷」、「見到多啦A夢同ピコ太郎」、「咁多人之中都無一個靚仔」。BTW，粉紅色衫嗰位大叔嘅大肚腩，就好似漆黑中嘅螢火蟲一樣，另外中間點解有個叔叔瞓著咗？

秋元康創立嘅日本女子組合「欅坂46」越嚟越受歡迎，最近網上仲熱傳呢段影片，一班粉絲等緊出席「欅坂46」嘅活動，本來喺圍欄入面嘅佢哋，唔知點解突然向前衝，前面嘅保安員擋都擋唔住。段片放上日本2ch討論區後好多人談論，有人話佢哋好似想逃走嘅豬群、有人話諗起電影《World War Z》，不過最慘應該係班工作人員‥‥‥

上星期五PS4隻中文版《勇者鬥惡龍》推出，台灣有製作人堀井雄二同配音嘅中川翔子出席活動，香港呢邊就有幾隻怪物軍團登陸香港。喺全港巴士站搵倒佢哋再上載去PlayStation HK嘅Facebook專頁，就可以得到「幸福的地圖」DLC，今日開始仲有個小遊戲玩，測試你命運中嘅戰鬥夥伴，有機會得到神秘禮物，我都好想知係咩嚟喎。最後今個星期三PS4線上動作角色扮演遊戲《The Elder Scrolls Online: Tamriel Unlimited》會喺PS Store推出，售價HK$465。