Tag: 洛克人

洛克人女朋友睡衣 連頭盔大炮賣5500円

洛克人女朋友睡衣 連頭盔大炮賣5500円

日本品牌Sazac專出遊戲角色睡衣,最近洛克人30週年就有呢款連身睡衣,仲專登加咗頂連帽頭盔,睇落暖笠笠唔怕凍親頭頂。不過最正都係支可拆卸嘅炮,可以拆出嚟當枕頭瞓,全套賣5,500円,10月6日推出,無女朋友又生得細粒啲嘅男仔都可以買嚟冬天著保暖。

Read more ›

有片 15款經典紅白機遊戲封面 情懷滿瀉

仲記唔記得80年代嘅經典任天堂紅白機遊戲?外國網geektyrant喺床下底搵返15款80年代嘅經典紅白機game封面,最經典一定唔少得《雙截龍》、《Ninja Gaiden》同埋《洛克人》。原來當年嘅洛克人咁成熟,另外佢仲好有心機,搵晒每隻遊戲嘅影片,睇完啲情懷湧晒上嚟。

Read more ›

$5平玩cosplay Iron Man雷神崩壞

想平平哋cosplay有咩選擇?外國有4個鐘意玩cosplay嘅朋友,決定接受一項挑戰 ─ $5美金玩cosplay!佢哋拎住呢筆錢走入激安店搵材料,最後各自扮咗心水人物,有Iron Man、雷神、Rockman,最觸目驚心係Iron Man,身上面嗰幾隻膠碟hea得嚟好有笑點,仲有雷神隻鐵槌‥‥‥不過咁講,cosplay旨在開心好玩,呢方面肯定佢哋已經達成,至於邊個冠軍?唔,真係好難揀。

Read more ›

遊戲角色大兜亂 比卡超cosplay洛克人

真人cosplay睇得多,遊戲角色cosplay有無見過?設計師Jorge Vargas最近將經典遊戲角色大兜亂,炸彈人著咗街霸阿龍套衫玩波動拳、比卡超cosplay洛克人嘅Rush、瑪利奧Peach公主換咗街霸Sakura套衫露長腿。製作好認真,有幾幅我都諗咗陣先知佢cosplay緊乜嘢角色。睇落有難度。

Read more ›

懷舊3D遊戲紙製插畫 魂斗羅/薩爾達經典重現

Metroid、魂斗羅、薩爾達、洛克人,呢啲遊戲你細個有無玩過?馬德里設計師Steph Caskenette都係80後機迷,整咗呢個「NE$talgi」系列,將懷舊遊戲嘅場面用紙模型再加數碼後期加工造成呢幾張圖,其實以前啲game真係好玩啲。

Read more ›

乜太教煮餸 今晚教整免治洛克人

  今晚食乜餸好呢!? 可惜方太已經再冇教, 所以世界上再無整X定呢回事……唔緊要! 有位Nasicournus網友提供人間美味菜譜, 分別係洛克人免治牛, 同埋鉸剪怪免治豬; 不過想買食材會有啲煩, 因為要去到美國西雅圖一間叫UWAJIMAYA嘅超級市場, 翻查資料, 竟然係一間華人超市嚟架! 果然有品味, 套MR.屈一句口頭禪:「西餐人食嘅咩!?」今日我明喇!

Read more ›

Skittles圖集 8 Bit瑪利奧/薩爾達/洛古人/FF

老實,我好憎香港Skittles嗰個「食彩虹、嗒彩虹」廣告,每次聽倒都想熄機。要宣傳,其實用Skittles嚟整嘅呢個瑪利奧、薩爾達、洛克人同埋Final Fantasy我覺得仲好效果。睇落好似8-bit遊戲咁lo-tech,由外國藝術家Matt McManis親手砌成,如果比我整,林克同埋瑪利奥都會無咗塊面,因為佢用咗我最鐘意食嘅黃色Skittles。最厲害係有埋洛克人同埋瑪利奧嘅Skittles GIF動畫,好好睇。

Read more ›

Rockman衛衣 咬唇發炮

妖!你想點先?首先件Rockman洛克人衛衣已經夠寸,仲包埋個手套位扮發炮!但係你睇吓個model做咩?佢咬唇呀!男人老狗為咩咬唇呀?呢件原裝正版衛衣喺Capcom’s online store有得買,除咗原版藍色外,仲有灰色,分大中細加大碼,賣14,700日元。

Read more ›