Post Tagged with: "洋蔥"

【有片】日本《多啦A夢》電影海報有洋蔥   月亮配感動標語超高質
by / on 26/02/2019 at 7:57 am

【有片】日本《多啦A夢》電影海報有洋蔥 月亮配感動標語超高質

仲有唔夠一個星期,日本就會上映動畫電影《多啦A夢 大雄的月球探測記》,官方最新公佈咗6張概念海報,全部都超高質,每張都見到有個月亮,因為今集嘅主題將會講大雄喺月亮背面創造咗個王國,最終引致同朋友分離嘅悲劇。每張海報嘅標語都好正,入嚟有解釋。另外早前發佈咗嘅幾張海報都好正,入嚟有回帶,同埋有電影trailer睇。

Read more ›

【洋蔥】慈父戴手畫比卡超領呔 出席仔仔高中畢業禮
by / on 06/06/2017 at 7:34 am

【洋蔥】慈父戴手畫比卡超領呔 出席仔仔高中畢業禮

係好感人嘅!外國呢位仔仔Dylan Olivo喺11年前畫咗條比卡超領呔,送咗俾爸爸做父親節禮物,估唔到嘅係,爸爸居然喺11年後出席佢嘅高中畢業典禮時戴返呢條呔!呀仔當然又驚喜又感動,件事放上Twitter後感動咗無數網民,吸引到超過40萬個like。話時話就嚟父親節,大家有無準備吓呢?

Read more ›
【洋蔥】長情喵星人長伴主人墓地 一年嚟瞓墓地拒絕收養
by / on 06/11/2016 at 7:58 am

【洋蔥】長情喵星人長伴主人墓地 一年嚟瞓墓地拒絕收養

好多人以為只有狗狗先會咁長情,其實外表cool爆嘅喵星人都有深情嘅一面。呢隻喵星人主人雖然過咗身,但佢一年嚟每晚都堅持瞓喺主人墓地,就算有人試圖收養佢,佢都會偷走,去返主人個墓地長伴。好彩咁耐以嚟一直有人去定期餵吓佢,而佢間中會去主人子女嘅屋企度食吓嘢。據動物專家講,如果有呢個情況,其實可以帶喵星人去睇獸醫,開一啲抗焦慮嘅療程俾佢。不過作為貓奴,睇見呢件真人真事應該會好心酸,記住對屋企嘅喵星人好啲呀!

Read more ›
日本「洋蔥泣美人」選舉 網民力谷75歲老婆婆攞冠軍
by / on 21/09/2016 at 7:15 am

日本「洋蔥泣美人」選舉 網民力谷75歲老婆婆攞冠軍

網民嘅力量真係強大!話說最近日本又有個美人選舉,今次個題目好奇特,係「洋蔥泣美人」選舉,影啲選手切洋蔥然後流眼淚嘅特寫,咁總共有6個參賽者,其中仲有個6號選手 – 75歲嘅老婆婆濱口文子。不過3號嘅配票能力似乎好強,而1號又好多人讚靚女,所以婆婆票數方面一直係陪跑狀況。件事放咗上2ch討論區之後,網民紛紛話要撐婆婆,啱啱上網站睇,婆婆已經以16279嘅高票數,遙遙領先排第二嘅6410票!睇返婆婆嘅職業係「農業」,大家都話婆婆種咗一世洋蔥,應該要撐佢,留名等睇佢得獎呀!

Read more ›
【有洋蔥】80歲老人家cosplay《太陽的後裔》 影婚紗照超浪漫
by / on 16/04/2016 at 12:25 pm

【有洋蔥】80歲老人家cosplay《太陽的後裔》 影婚紗照超浪漫

堅sweet!呢對來自廣州嘅老夫婦最近cosplay影咗輯結婚照,除咗扮王子公主,仲化身埋近排好hit嘅韓劇《太陽的後裔》男女主角,輯相喺網上瘋傳。呢位老伯伯叫張永勝,來自廣州,今年已經81歲,估唔到佢哋仲咁浪漫,而且咁潮,可以天長地久,仲浪漫過劇中嘅男女主角,睇到都覺得感動!老伯伯仲話嚟緊有個心願,希望可以同老伴參加一場夢幻婚禮,祝佢哋嘅願望早日達成!

Read more ›
【新片速報】日本Amazon廣告有洋蔥   狗與BB點樣共存?
by / on 24/03/2016 at 7:13 am

【新片速報】日本Amazon廣告有洋蔥 狗與BB點樣共存?

呢個日本Amazon嘅廣告幾感人,特別係屋企有狗又有小朋友嘅,好易睇到眼濕濕。呢個廣告有日本人喺Twitter分享後好多人RT。片中嘅夫婦生咗個BB,但係BB唔係幾鍾意屋企隻狗狗,只係肯同隻獅子毛公仔玩。於是爸爸諗到一個方法,睇到最尾我有啲感動。的確,有小朋友並唔係放棄屋企嘅寵物嘅理由,要令佢哋融洽相處,其實無想像中咁難。

Read more ›

【洋蔥便當】日本媽媽一年無間斷整 Twitter熱傳網民笑醜樣
by / on 02/02/2016 at 7:15 am

【洋蔥便當】日本媽媽一年無間斷整 Twitter熱傳網民笑醜樣

日本媽咪好多都會整便當比仔女帶返學校食,噚日報導有位媽咪整高中最後一個便當俾囝囝,仲留咗張感人字條,好多洋蔥。今日又見到另一個感人事例,有位日本媽媽因為阿女唔鍾意返學,所以一年嚟不斷整唔同嘅卡通便當比佢帶返學校食,呢位高三女高生將媽媽一年嚟整嘅便當放上Twitter,即刻俾網民瘋傳,不過2ch嘅網民就笑啲便當只得紫菜,仲話帶呢啲便當返學有壓力,反而令阿女更加唔想返學‥‥‥正衰仔嚟嘅,我就覺得最重要係份心意,真係隔住個芒都感受到。

Read more ›
【洋蔥慎入】 狗狗催淚廣告 泰國銀行廣告片網上熱播
by / on 29/01/2016 at 7:11 am

【洋蔥慎入】 狗狗催淚廣告 泰國銀行廣告片網上熱播

泰國啲廣告經常有大量洋蔥,我認眼淺,今次睇咗一半已經眼濕濕,因為有我嘅死穴 ─ 小動物。影片喺YouTube已經有170萬點擊,一開始講個女仔做咗獸醫,原來以前嘅佢好怕狗,因為每朝早經過鄰居門口都會比佢隻狗吠,後來狗狗嘅主人過咗身,狗狗開始不吃不喝,最終女主角感動咗隻狗狗,令佢重燃生存意志。不過好景不常,最後狗狗遭遇意外‥‥‥照舊睇到尾先知係賣乜嘢廣告,今次係為銀行Krungthai Bank賣嘅廣告,話銀行可以幫小朋友實現佢哋嘅夢想,就好似呢位女仔想做獸醫嘅夢想最終會實現。雖然有啲迂迴曲折,不過6分鐘睇一套高質微電影式嘅廣告,一啲都唔會嘥。

Read more ›
有片:內有洋蔥!Extra超感人廣告!
by / on 16/10/2015 at 10:30 am

有片:內有洋蔥!Extra超感人廣告!

好嘢!服晒!唔靠洗腦口號,唔使明星代言,唔使豪花幾多個零,只要有Story,原來香口膠廣告都可以拍得咁感人,雖然睇完未致於眼濕濕,但真係可以令人留下深刻印象。廣告好簡單,一男一女由做同學開始,到拍拖做情侶再到做夫妻,美滿姻緣全靠Extra維繫,窩心位盡在每次約會過後,男仔都會喺香口膠包裝紙上面畫低約會經過,隨住年月過去,包裝紙越畫越多,男仔用相架將之裝幀成一幅幅甜蜜回憶,最後仲成功求婚……

Read more ›