【係咪人扮?】台灣黑熊站立姿勢太有型 網上火速爆紅

台灣高雄壽山動物園呢隻黑熊最近喺網絡火速爆紅,原因係有人影到佢喺動物園內好似人咁長期站立。由於佢嘅站姿太似人,好多網民懷疑佢其實係半工讀生假扮嘅,官方就急急喺FB發帖澄清,話佢係如假包換嘅真熊,叫波比,今年10歲,仲話佢間中就會企2-3分鐘,工作人員亦會乘機觀察吓佢嘅身體狀況,例如膝頭有無受傷之類。連高雄市長陳菊都喺FB回應,話高雄唔會准許唔安全嘅打工,仲叫大家親身去壽山動物園驗證。下次去開高雄,記住探吓波比哥嘞。

Read more ›