Post Tagged with: "法國"

o靚仔飲大咗偷駱馬    FB專頁84萬粉絲
by / on 10/11/2013 at 11:57 am

o靚仔飲大咗偷駱馬 FB專頁84萬粉絲

法國上星期有五個o靚仔飲大咗,學電影《醉爆伴郎團》偷動物,今次唔係偷老虎,而係夜晚晚闖入馬戲團偷走咗隻駱馬!件事驚動警方之餘,亦令佢哋同埋隻駱馬喺網上爆紅,有花生友為呢件事成立咗個facebook專頁,追踪駱馬最新動向,直至今日個專頁已經有84萬人like,極之瘋狂。好彩,搞咗一輪,可愛嘅駱馬終於可以返屋企,場主亦決定唔追究,因為件事曝光後多咗人入場參觀,至於我就學識咗乜嘢叫駱馬,佢個樣同草泥馬好似,係南美洲嘅特產,傻更更超可愛。

Read more ›

法國省級公園   戶外浴缸鴨仔陪你嘆
by / on 06/11/2013 at 7:55 am

法國省級公園 戶外浴缸鴨仔陪你嘆

雖然今日只係星期二,我已經開始收拾心情迎接星期六嘅假期,例如我會上網探討吓外國人嘅悠閒生活。好似法國嘅省級公園Domaine de Chamarande,最近整咗個特別裝置比國民同埋遊客休息用,設計好正,係一個個浴缸!唔止有咕臣,仲有黃色鴨仔!負責嘅設計師Bruit du Frigo話想比大家感受吓藝術同人嘅連繫,我淨係感受倒法國人真係好識嘆。

Read more ›
超靚大自然相集     安坐家中欣賞世界靚景
by / on 19/10/2013 at 12:35 pm

超靚大自然相集 安坐家中欣賞世界靚景

大自然有幾靚? 阿媽話你日日對住部電腦知鬼咩? 我又唔係咁諗。上網見倒法國攝影師Yann Arthurs-Bertrand嘅相集,我會用靚到爆燈嚟形容。喺佢嘅鏡頭下,所有風景都好似一幅畫咁靚,難怪佢仲創立埋新聞社Altitude Agency,專門提供大自然靚相比世界各地嘅傳媒使用,只此一間。入嚟仲有得欣賞我哋精選嘅大自然圖集,睇完係時候計劃吓聽日出街親親大自然喇。

Read more ›
新片速報   Paul Smith底底廣告     阿爾卑斯山玩命
by / on 05/10/2013 at 7:47 am

新片速報 Paul Smith底底廣告 阿爾卑斯山玩命

好少廣告我會咁認真睇,仲要連making of嘅汁都撈埋,時裝品牌Paul Smith最近幫佢哋嘅底底拍攝廣告,今次勁,地點係法國阿爾卑斯山,model赤膊上陣睇見都震,更震係喺山峯之間行鋼線,步步驚心。making of仲見倒佢玩花式,又倒立又邊行邊除衫,不過我掛住望佢隻腳掌,差啲忽略咗佢條底底,好彩底底貫徹Paul Smith風格,花lee碌碌,cap圖時好出色。

Read more ›
相集   魚大哥的秘密生活    滑潺潺重口味
by / on 06/08/2013 at 7:45 am

相集 魚大哥的秘密生活 滑潺潺重口味

唔知你有無同感,其實魚嘅外形真係有啲醜,就算我鐘意食魚生都係咁話。偏偏法國攝影師Anne-Catherine Becker-Echivard 對魚大哥有特別偏好,設計咗一輯「魚大哥的秘密生活」相集,入面嘅魚全部著晒衫,側面睇仲有啲似老鼠o忝!佢哋有啲有份正職喺肉檔返工,有啲就淪落到坐監,所有相入面嘅魚,都係攝影師喺魚市場買返嚟,影完再煮嚟食。不過近睇我依然覺得好不安,尤其見倒佢哋滑潺潺嘅表面,毛管都楝起晒。

Read more ›
聯乘遊戲Tee    龍珠變Lego黑武士變《壞蛋獎門人》
by / on 25/07/2013 at 7:34 am

聯乘遊戲Tee 龍珠變Lego黑武士變《壞蛋獎門人》

之前介紹過嘅法國插畫師Donnie好鐘意將遊戲內容放入設計內,係我好鐘意睇嘅插畫師之一。繼之前介紹過嘅孖寶乘捉鬼敢死隊後,今次再encore佢其他作品,包括外國好流行嘅《壞蛋獎門人》,不過就變咗孖寶兄弟同埋黑武士,仲有龍珠版lego、咸豐年代嘅小魔怪扮龍貓等等,鐘意嘅話可以上佢嘅官網將圖案印成T恤著上身,價錢$220左右,20隻色、6個碼任揀,連罕見嘅3XL加加加大碼都有,最重要係唔怕撞款嘛。

Read more ›

3D畫破世界紀錄     法國地下車城超像真
by / on 21/07/2013 at 3:50 pm

3D畫破世界紀錄 法國地下車城超像真

3D畫見得多,但如果你揸揸吓車見倒旁邊有個地下車城,會唔會嚇一跳即刻急停?呢幅3D圖由車廠Renault Trucks同法國藝術家Francois Abelanet合作,像真度超高,十足超巨型地下車城,人同車行埋去都嚇到腳震。佔地4071平方米,大到啱啱破咗健力士世界紀錄,成為全世界最大幅嘅3D街景畫。而家喺法國里昂嘅Place Bellcourt有得睇,旁邊嗰架新推出嘅Renault Trucks貨車順手成為景點。

Read more ›
法國可樂紅酒   年青瘦女啱飲
by / on 17/07/2013 at 7:16 am

法國可樂紅酒 年青瘦女啱飲

飲酒同飲可樂都傷身,不過我哋通常都只係聽倒人講:「飲少啲酒啦!」,反而好少有人話飲少啲可樂,咁如果呢款可樂溝酒呢?法國酒廠為咗令多啲年青人特別係成日要瘦嘅女士轉飲紅酒,最近推出名為Rouge Sucette嘅可樂味紅酒,75%酒加25%糖、水、梳打,下個月開始喺法國有得飲,老實,我覺得唔荒好飲,酒就酒,可樂就可樂,你估瀨尿牛丸咩?

Read more ›
1:1恐龍T-Rex藝術品騎住巴黎鐵塔
by / on 10/07/2013 at 7:40 am

1:1恐龍T-Rex藝術品騎住巴黎鐵塔

香港最近嘅藝術品有海港城鴨仔同埋西九嗰舊屎,至於法國呢,就有呢件3米乘6米嘅恐龍骸骨藝術品,由法國藝術家Philippe Pasqua設計,而家喺塞納河旁邊展出,霎眼睇以為恐龍騎住個巴黎鐵塔,超霸氣。大大個雕塑品放正喺河畔,黃昏時間睇埋河面倒影,真係好震憾好靚。唔知香港有無人願意模仿呢…到時一定成為中外遊客景點,不過會唔會又好似早排隻鴨仔,咁比人踩到污糟晒?

Read more ›
一次大戰珍貴影像3D重現   大量GIF圖超立體
by / on 05/07/2013 at 7:15 am

一次大戰珍貴影像3D重現 大量GIF圖超立體

一次大戰我只係喺歷史書睇過,最近多倫多一間攝影工作室購入咗一部叫Verascope 嘅古董法國立體相機,部相機係當年大戰時一位法國軍人所擁有,入面仲有好多珍貴影像。為咗令世界各地網友可以欣賞倒3D影像,網主專登整咗多幅GIF圖比大家感受當時環境氣氛,雖然睇到有啲頭暈,但又真係幾立體喎。

Read more ›
法國街頭藝術    2D變3D幾可亂真
by / on 29/05/2013 at 8:38 am

法國街頭藝術 2D變3D幾可亂真

法國街頭藝術家Levalet,強項係將以紙張剪裁而成嘅2D人像或場景,猶入街頭風景入面,佢仲好鐘意加上真實嘅3D實物令效果幾可亂真,例如女人扮開門、劍擊人模擬用紅色遮攻擊途人等等。我覺得每個畫面都好靚有詩意,仲幾有幽默感O忝!

Read more ›

孖寶鬼屋戴綠帽   Ghostbrother鬼上身
by / on 25/05/2013 at 8:52 am

孖寶鬼屋戴綠帽 Ghostbrother鬼上身

綠帽大叔有隻3DS鬼屋遊戲,於是呢個法國插畫家Donnie創作咗呢系列Tee,而且當中仲有個充滿捉鬼敢死隊風格嘅LOGO。講到捉鬼專家,主角梗係唔係Mario而係Luigi,話明捉鬼,點少得孖寶兄弟入面我最憎嘅鬼鬼? 今次創作仲出埋tee賺你一筆,男女裝同時推出,女仔仲有背心仔款式,好清涼。

Read more ›
新片速報    改裝單車時速263km破紀錄
by / on 23/05/2013 at 7:56 am

新片速報 改裝單車時速263km破紀錄

一架單車可以行到263km/h,真係好勁,有片睇,難怪可以破倒世界紀錄。事發地點喺法國,由法國人Francois Gissy揸嘅呢架「單車」,有瑞士公司Exotic Thermo Engineering幫手改裝,利用過氧化氫推進,單車上仲裝有GPS偵測車速,同片中嘅房車速度比真係快過火箭,不過無裝安全帶,睇落好牙煙。

Read more ›
法國街頭爆炸頭   物盡其用
by / on 09/03/2013 at 11:31 am

法國街頭爆炸頭 物盡其用

以街頭藝術嚟講,呢個設計真係又實用又有創意。由街頭藝術家Nuxuno Xan創作,將法國Martinique街頭粉飾成呢幅塗鴉。最欣賞佢可以用返原本棵樹變成男主角嘅爆炸頭,仲醒目地以黑白做主角,突出呢棵亂草,高手。佢之前仲畫過幅蝙蝠俠牆,入嚟有回帶。

Read more ›
超級阿嫲     91歲扮超人94歲扮母雞
by / on 07/03/2013 at 4:23 pm

超級阿嫲 91歲扮超人94歲扮母雞

3年前,法國攝影師Sacha Goldberger將佢91歲嘅嫲嫲化身為女超人,影咗輯好得意嘅圖集。濶别3年,最近嫲嫲收養咗隻叫Bob嘅公雞做寵物,同隻雞一齊跳繩做運動,仲cosplay埋做母雞o忝!老實,攝影師無論概念、構圖、拍攝技巧以至後期加工都係高高手級數,最重要係嗰份孝心,我好欣賞。入嚟有得回帶睇嫲嫲超人相集,真心推介。

Read more ›