Post Tagged with: "法國"

【新片速報】森林裝大鏡做實驗    2日過500萬點擊
by / on 04/06/2015 at 7:19 am

【新片速報】森林裝大鏡做實驗 2日過500萬點擊

呢條片好勁,兩日已經過咗500萬點擊,主角係一班住喺非洲加彭森林嘅動物,道具係一塊超大型嘅鏡,法國攝影師Xavier Hubert Brierre喺森林入面裝咗塊鏡,等一班從來未見過自己個樣嘅動物體驗吓新事物。大部份動物都比自己個樣嚇一跳,有啲仲自己襲擊自己,不過失敗。臨尾仲見到有自戀系動物,喺鏡前擺晒甫士,我諗佢嘅性別應該係雌性。其實呢個攝影師喺2012年都做過類似實驗,不過當時塊鏡無咁大,亦無set咁多個鏡頭,不過都有動物中招,入嚟有回帶。

Read more ›

【堅靚】法國LEGO大師攝影集     Superman揭坑渠蓋
by / on 19/05/2015 at 7:27 am

【堅靚】法國LEGO大師攝影集 Superman揭坑渠蓋

呢輯LEGO相集好值得睇,法國攝影師Samsofy (全名: Sofiane Samlal)將LEGO人仔放喺不同場景,配合埋特別嘅擺法同甫士,創作咗好多好得意嘅構圖,例如Superman揭起街邊嘅坑渠蓋、Bart Simpson隨街踩滑板、R2-D2等火車,每張都堅正,真心推介。

Read more ›
新片速報      電影版《小王子》10月上畫     依然好感動
by / on 24/04/2015 at 7:13 am

新片速報 電影版《小王子》10月上畫 依然好感動

《小王子》呢本經典童話,好多唔想長大嘅成年人都好鍾意,出版70年,全球銷量5億冊,僅次於《聖經》,未睇過嘅而家可以考慮開始睇返,事關官方之前公佈過將會改編成動畫,最新官方又有全新長篇預告trailer發佈,睇見小王子出場一幕依然覺得好感動,仲有朵玫瑰呀!不過今次電影版會加入一個受家長擺佈嘅小女孩角色,法國暫定10月7日上畫,唔知香港幾時上呢?

Read more ›
神級插畫師PEZ     玩完迪士尼玩可樂/黑武士
by / on 10/03/2015 at 7:09 am

神級插畫師PEZ 玩完迪士尼玩可樂/黑武士

好鍾意法國插畫家PEZ嘅作品,之前都介紹過佢嘅惡搞迪士尼Distroy系列,好多人都話like,未睇過入嚟有回帶。今次想介紹埋佢另一個系列,全部都係用鉛筆繪畫,晒到佢嘅手對之餘,好多都係以而家嘅流行元素做題材,例如有可口可樂啦、星戰嘅黑武士啦、LEGO啦等等,全部畫功超靚,而且睇真啲全部有寓意,推介。

Read more ›
JPEG被挑機     BPG圖檔細足一倍
by / on 17/12/2014 at 7:14 am

JPEG被挑機 BPG圖檔細足一倍

首先問吓,JPEG同JPG有乜嘢分別?JPEG嘅全名又係乜?平時上網成日見倒人講:「你的摩察力很強.jpg」又點解?有興趣嘅入嚟先慢慢介紹。今次其實係想講繼JPEG後,近來法國嘅Fabrice Bellard發明咗個新嘅圖像壓縮格式BPG (Better Portable Graphics),壓縮後嘅相片質素同JPGE一樣,不過size細足一倍!有圖比較,左邊嘅BPG似乎仲細緻過右邊嘅JPG,不過要令佢普及,最重要係瀏覽器支援呢種格式,有無可能呢?

Read more ›
新片速報   揸電單車玩過山車    玩命無極限
by / on 11/12/2014 at 7:25 am

新片速報 揸電單車玩過山車 玩命無極限

好勁!對於平時坐過山車都腳震嘅人嚟講,睇呢條片可能會嚇到手心標汗。Red Bull最近搵咗法國電單車手Julien Dupont跳戰極限,去咗墨西哥嘅主題樂園玩過山車,不過係揸住架電單車喺過山車道上面駕駛!無安全帶全程真人搵命搏上陣,全條片仲要用第一身主觀鏡拍,每次睇到佢落斜我個心都離一離,難怪佢本人都話起跑前勁緊張,放心,呢條過山車賽道無O型圈嘅。

Read more ›

法國插畫家融入生活    雷神shopping買槌仔
by / on 10/12/2014 at 7:04 am

法國插畫家融入生活 雷神shopping買槌仔

日日行同一條路返同一份工,老實講都幾懨悶,想開心啲,好應該學吓外國人,用唔同嘅角度去欣賞平時見倒嘅事物。呢位法國插畫家Troqman,最叻將自己喺畫薄上嘅插畫放喺現實不同嘅環境入面,做出特殊有寓意嘅效果。例如雷神去咗槌仔舖shopping,大力仔一嘢劈開咗塊磗頭,仲有好多奇形怪狀好搞笑嘅相,入嚟慢慢欣賞。

Read more ›
比卡超被遺棄    神級巨型3D藝術品
by / on 28/11/2014 at 7:26 am

比卡超被遺棄 神級巨型3D藝術品

舊咗嘅玩具、tablet、玻璃樽同埋一大堆垃圾可以點用?法國藝術家Bernard Pras好勁,將佢哋重新組合,變成一件件立體藝術品,件件都超巨型,最正係有啲要喺適當角度睇先見到3D立體效果,我仲喺入面見倒比卡超,估唔倒佢已經變咗被棄置嘅玩具‥‥‥

Read more ›
過萬部古董相機     法國收藏網站晒冷
by / on 27/11/2014 at 7:10 am

過萬部古董相機 法國收藏網站晒冷

勁喎!鐘意影相嘅應該可以喺呢個網站玩好耐。入面搜羅咗過萬部古董相機,個網由法國收藏家Sylvain Halgand喺1999年創立,淨係佢自己都有1800部珍藏,入到網站第一頁就會見到由過萬部相機組成嘅相機大圖,click入每部機機,可以睇倒每款機嘅詳細資料,好詳盡好有heart!

Read more ›
超級英雄玩復古 Iron Man含羞Hulk柔情
by / on 18/11/2014 at 7:11 am

超級英雄玩復古 Iron Man含羞Hulk柔情

從來無諗過Marvel班超級英雄可以咁古典優雅,Iron Man含羞答答,變形俠醫鐵漢柔情。呢輯由法國攝影師Sacha Goldberger設計嘅Super Flemish系列,Batman、蜘蛛俠、美國隊長全部變晒文藝復興時期嘅造型,連星戰嘅白兵同黑武士都玩埋一份。唔止個頸圈,全身造型都好考究。BTW,攝影師之前搵過自己嘅嫲嫲扮女超人,輯相超正,入嚟有回帶。

Read more ›
大師級錯覺藝術畫    玩室外景神乎其技
by / on 09/11/2014 at 1:46 pm

大師級錯覺藝術畫 玩室外景神乎其技

由細到大都唔識畫立體圖,簡單到畫一個正方形盒都會唔啱比例,所以特別佩服識得畫呢啲錯覺藝術畫(Optical Illusion)嘅藝術家。今次呢pair來自法國嘅藝術家Ella同埋Pitr,作品一定要喺特別嘅角度先睇倒唔會變形,之前玩完室內景,今次就挑戰難度去到室外玩,每幅作品都好正,絕對係大師級。慢慢欣賞。入嚟有回帶可以睇埋舊作。

Read more ›

日本流浪貓相集   法國攝影師寫真紀錄
by / on 24/10/2014 at 7:10 am

日本流浪貓相集 法國攝影師寫真紀錄

日本好多流浪貓,而且普遍日本人對流浪貓都好友善,例如便利店會比貓入去巡邏瞓覺、日本東京電視台節目有新聞貓,日本宮城縣嘅田代島仲有過半隻街貓生活。法國攝影師 Alexandre Bonnefoy都係半個貓奴,仲喺日本影影埋埋好多街貓寫真,最近出咗本叫《Nekoland, une vie de chat au Japon》嘅相集,amazon有得賣,貓奴不妨支持吓。

Read more ›
治癒我們的心 法國人眼中的日本貓
by / on 29/09/2014 at 11:50 am

治癒我們的心 法國人眼中的日本貓

活喺日本嘅小動物,好似比較幸福。就好似日本街頭見到唔少貓咪,都冇乜人趕佢哋。法國攝影師Alexandre Bonnefoy就出咗本相集《A cat’s life in Japan》,影咗好多可愛嘅貓貓俾我哋睇,治癒大家疲憊嘅身心。

Read more ›
南韓吉卜力展覽   1:1 龍貓/哈爾移動城堡
by / on 22/09/2014 at 7:33 am

南韓吉卜力展覽 1:1 龍貓/哈爾移動城堡

之前報導過法國有吉卜力展覽,另一邊廂,香港人好鍾意去嘅南韓原來都有一個,由而家直至下年3月,大把時間去,現場展出大量1比1等身高嘅角色,千與千尋、龍貓、哈爾移動城堡、幽靈公主統統都有份,齋影相都好忙,下次陪女朋友去開南韓shopping都多個好去處。

Read more ›
Instagram法國浪漫插畫家    漫畫人物融入現實
by / on 15/09/2014 at 7:05 am

Instagram法國浪漫插畫家 漫畫人物融入現實

玩Instagram其中一個原因係啲相特別靚,潮人藝術家特別多,今日介紹一個近來好欣賞嘅插畫家troqman,呢位法國人今年30歲,經常拎起本sketchbook周圍畫,畫完嘅公仔會放喺現實環境入面再影相,營造出特別效果。例如喺河邊出現美人魚插畫、草叢邊有個漫畫人小便‥‥‥效果好特別,畫功都好出色,值得follow吓。

Read more ›