Post Tagged with: "法國"

【新片速報】熊本熊出trip遊法國馬賽  好守規矩無搞事
by / on 13/07/2017 at 7:26 am

【新片速報】熊本熊出trip遊法國馬賽 好守規矩無搞事

好耐無見嘅熊本熊前排原來出咗Trip,最近朝日新聞社發佈咗佢嘅旅行短片,原來佢去咗法國好出名嘅港口城市馬賽。咁難得出trip梗係玩盡佢,去完名勝景點之後同鬼妹握握手,之後又坐免費觀光巴,仲發現司機位居然夠佢坐,勁開心。另外又去埋「地中海文明博物館」,之後再去漁市場參觀。可能人生路不熟,熊本熊今次唔敢太放肆,全程都好守規矩無搞事,入嚟有片睇!

Read more ›

【型到咁】法國塞納河船上做gym     靠運動力運行船隻
by / on 31/12/2016 at 2:45 pm

【型到咁】法國塞納河船上做gym 靠運動力運行船隻

有無諗過呢幾日假做吓運動?老實講我無,但係都覺得法國巴黎呢架健身船幾特別。由意大公司Carlo Ratti Associati研發,可以載45人,重點係利用船上做gym嘅動力運行架船,咁問題嚟嘞,如果唔夠人做gym,架船咪開唔郁?原來佢哋都有後備電力應付呢種情況。可以沿住塞納河一邊望住巴黎鐵塔一邊做運動,諗起都浪漫。而家計劃仲係構思階段,預計18個月後正式推出。

Read more ›
【禪即是萌】日本網民公審法國留學生    留學日本因為修禪?
by / on 12/04/2016 at 7:15 am

【禪即是萌】日本網民公審法國留學生 留學日本因為修禪?

其實鍾意動漫無乜問題吖,尤其是外國好多年青人都係因為崇尚日本文化所以去留學,不過今次呢位法國男仔就因為唔老實,所以俾日本網民公審。話說日本電視台訪問時問佢點解會嚟日本留學,著住動漫tee嘅佢答話因為想學習襌心所以嚟。日本網民就留言問:「係咪禪中有萌、萌中有禪?」、「係咪坐喺電腦前修練?」,亦有人留言話:「一眼就睇穿佢講大話」、「禪嘅世界真係好深奧」。其實鍾意咪鍾意,呢個大話係偏離咗主題少少嘅。

Read more ›
【玩命】同鯊魚一齊瞓 Airbnb又有新主題房
by / on 01/04/2016 at 7:13 am

【玩命】同鯊魚一齊瞓 Airbnb又有新主題房

Airbnb經常有啲奇特嘅房租住,之前有阿爾卑斯山嘅纜車或者梵高名畫主題房,最近就有法國水族館呢間海底主題房,可以同35條鯊魚一齊瞓,睇相都覺得刺激。間房入面得張雙人床,唔算大,旨在睇吓景。另外鯊魚教練Fred Buyle仲會教住客鯊魚知識,Airbnb而家搞緊個活動,贏咗就可以喺4月11日至13日晚免費喺呢間房住,不過住喺入面真係瞓得著覺?

Read more ›
【相集】日本福島被撤離者重臨舊地   法國攝影師相集足本睇
by / on 24/03/2016 at 7:14 am

【相集】日本福島被撤離者重臨舊地 法國攝影師相集足本睇

唔經唔覺,日本福島核災已經發生咗5年,時間過得好快,但對於當日被迫撤離家園嘅人嚟講,呢幾年過得好漫長。法國攝影師Carlos Ayesta及Guillaume Bression呢輯相集「Retrace our steps …」好有意思,佢哋搵嚟當日撤離嘅居民重返福島災區,做返日常嘅動作表情,就好似所有事從未發生過一樣,出嚟嘅效果好震憾,重返嘅現場包括超級市場、洗衣場、辦公室、彈珠遊樂場,睇完令人好感慨,可惜唔係所有嘢都可以重頭嚟過‥‥‥

Read more ›
【真‧貓奴】失明喵星人感人故事 愛心主人無慮收養
by / on 11/03/2016 at 7:18 am

【真‧貓奴】失明喵星人感人故事 愛心主人無慮收養

好感人嘅故事,呢隻叫Jasmine嘅喵星人塊面有啲似鍾無豔,但一對眼仔碌碌好可愛,可惜佢雙眼係失明嘅。主人Sandra Coudray喺法國動物收容所嘅facebook第一眼見到呢隻喵已經決定收養佢,因為佢之前養過一隻貓,年老時都失明,所以佢有信心可以照顧好呢隻可愛嘅喵星人。而家失明喵星人由當初好怕人,變到而家勁鍾意親近主人,睇相都感覺到佢好幸福。各住貓奴,有能力嘅話記住幫多啲需要照顧嘅喵星人呀。

Read more ›

【型到呢】法國消防員半裸出年曆 Supermodel級數時裝攝影大師出手
by / on 12/12/2015 at 12:34 pm

【型到呢】法國消防員半裸出年曆 Supermodel級數時裝攝影大師出手

  駛唔駛咁型呀?法國消防員最近出嘅2016年曆,入面班消息員全部chok晒樣仲專登整污糟塊面,加埋啲宇宙最強嘅健身pose,仲要個個都model身型又靚仔半裸演出 (有個仲全裸沖涼),囡囡睇見實尖叫。輯相由法國影開fashion嘅大師Fred Goudon出手,用咗1年時間攝製,收益會撥捐去慈善機構Pompiers Sans Frontières,入嚟有埋拍攝花絮片睇,好多肉。

Read more ›
【不安慎入】超現實藝術家玩「變臉」 視覺效果勁震憾
by / on 02/12/2015 at 7:13 am

【不安慎入】超現實藝術家玩「變臉」 視覺效果勁震憾

喂呀想嚇死人咩?不過藝術嘅嘢,係要有啲超乎想像先至精彩。呢個超現實法國藝術家Matthieu Bourel嘅作品,最啱星期二返工恰眼瞓嘅時候睇,睇完即時精神晒。佢嘅強項係玩變臉,就算睇唔明都會覺得視覺效果好震憾,除咗改圖,佢仲有玩GIF,睇到眼花,有啲不安,但係勁嘅。都係嗰句,有密集恐懼症嘅慎入。

Read more ›
【不要玩食物】法國設計師瘋狂玩漢堡 變《回到未來》手錶超型
by / on 04/11/2015 at 7:13 am

【不要玩食物】法國設計師瘋狂玩漢堡 變《回到未來》手錶超型

鍾意食漢堡包嘅,呢個網一定要入去睇吓。由法國平面設計師Thomas同Quenti開嘅網站Fat & Furious Burger,入面設計咗大量特式漢堡,而且每次都食正潮流,最近電影《回到未來》大熱,佢哋都整咗個手錶漢堡,錶面係10月21日,之前整過嘅主題仲有《魔戒》、占士邦、UFO、《侏羅紀公園》,全部都好正,雖然睇得唔食得,但買得,鐘意嘅可以賣走佢嘅印刷品或者Tee支持吓。

Read more ›
【謎之動作】攝影師自拍軟骨功神技 世界各地取景
by / on 02/10/2015 at 7:12 am

【謎之動作】攝影師自拍軟骨功神技 世界各地取景

肢體動作可以去到幾盡?第一次睇呢輯相真係嚇一跳,手同腳嘅位置超越想像,睇到我都好亂,衞蘭都要行埋一邊。呢位法國攝影師Arthur Cadre自己幫自己拍攝咗呢輯結合大自然與奇妙肢體動作嘅相集「Wonderland Creatures」,喺世界各地取景,將自己同大自然融為一體,好突破。佢本身除咗係攝影師,仲係舞蹈家、建築師同雜技演員,我其實又何嘗唔想做一個舞蹈家,點解而家喺電腦前打稿架?

Read more ›
【香港人繼續葡萄】法國街頭藝術家Invader入侵意大利
by / on 28/09/2015 at 1:37 pm

【香港人繼續葡萄】法國街頭藝術家Invader入侵意大利

仲記唔記得法國街頭藝術家Invader?比香港政府9秒9摌走佢喺天后嘅食鬼塗鴉嗰位呢?最近佢就走咗去意大利嘅Revenna玩,畫咗好多幅pixel art,最正係喺碼頭邊嘅美人魚,其餘路邊、建築物頂都有大量佢嘅創作,好正,照舊都係唔知佢點樣可以畫倒。只係知如果發生喺香港,第二朝已經全部塗鴉被消失了。作為香港人,唯有睇吓其他地方嘅作品葡萄吓啦。

Read more ›

【法國佬的浪漫】相機電腦種植物 爆發生命力
by / on 21/09/2015 at 7:15 am

【法國佬的浪漫】相機電腦種植物 爆發生命力

法國人可能天性浪漫,所以創造力都比較驚人,我指藝術方面。藝術家Michel Blazy最近就公開咗幾款新作品,喺一堆日常用品入面種植物!寄生體包括有波鞋、頸巾、舊款相機、Printer、電腦等等,全部啲生命力都爆發晒出嚟!嚟緊會佢哋會喺La Sucrière度展出,有無陽光架?

Read more ›
《Star Wars》高品味生活    法國藝術展覽粒粒巨星
by / on 21/09/2015 at 7:14 am

《Star Wars》高品味生活 法國藝術展覽粒粒巨星

星戰迷今年真係好唔得閒,又電影又game,仲有無限量嘅精品同展覽,如果荷包寬鬆嘅,可以喺10月10日起去法國走返轉,因為當地藝術館Galerie Sakura會搞過《Star Wars》展覽,搵咗35位出名嘅藝術家每人設計一件《Star Wars》藝術品,粒粒巨星,Combo、Sacha Goldberger、Vesa Lehtimäki都會出手玩,暫時睇相都覺得正,例如有加咗對天使翼嘅尤達大師、宮廷look嘅C-3PO、希臘雕塑咁款嘅白兵,仲有比路邊壆位kick跌嘅R2-D2,全部都勁正。另外佢哋仲搵咗13位設計師重新設計白兵嘅頭盔,之前大家都見唔少,個展覽直至下年1月15日,有錢歐遊嘅星戰迷記住去睇睇。

Read more ›
新片速報 《Star Wars》法國雀巢咖啡 一式五款唔同味
by / on 20/09/2015 at 2:40 pm

新片速報 《Star Wars》法國雀巢咖啡 一式五款唔同味

《Star Wars》真係商機無限,上年Nestle Cafe喺日本出過黑武士同白兵嘅咖啡機,堅靚,兩間公司friend底,所以啱啱見倒呢5款法國限量版嘅雀巢咖啡都覺得好合理,今次有齊R2-D2、C-3PO、黑武士、Boba Fett同Chewbacca,角色嚟講最想要黑武士,但味道呢,似乎C-3PO款Hazelnut最啱我口味,不過算啦,香港應該無得買。入嚟可以睇埋條片,每款都整咗啲特效,幾有心機,不過就小學雞啲。

Read more ›
【大師級】法國LEGO攝影師新作 白兵騎士 / 蝙蝠俠地洞工作
by / on 22/08/2015 at 1:17 pm

【大師級】法國LEGO攝影師新作 白兵騎士 / 蝙蝠俠地洞工作

呢位法國攝影師法國攝影師Samsofy (全名: Sofiane Samlal)之前都介紹過,好鐘意將LEGO人仔放喺不同場景,配合埋特別嘅擺法同甫士,創作咗好多好得意嘅構圖,繼上集鑽地、檢查坑渠之後,最近呢輯新作都繼續影外景玩LEGO大歷險,今次有白兵、狼人,仲有蜘蛛俠整晚餐,每張相都有個主題,仲加多幾分幽默感,好正!趁放假拎啲玩具同部相機出嚟玩吓啦。

Read more ›