Tag: 沙灘

好想去沙灘 日本炸蝦水泡相Twitter熱傳

好想去沙灘 日本炸蝦水泡相Twitter熱傳

最近成日好想食炸蝦,因為喺屋企比較難整到食到。講返正題,有網民將我想要嘅兩樣嘢放埋一齊,就入炸蝦水泡,一條著咗水泡上身嘅炸蝦,遙望藍天白雲,正如大家好想趁夏天同朋友去沙灘玩一樣,好有詩意,難怪輯相喺Twitter火速熱傳。

Read more ›

日本沖縄超靚「彩虹沙灘」 紫粉紅沙配藍天白雲

日本沖縄超靚「彩虹沙灘」 紫粉紅沙配藍天白雲

心情跌到落谷底嘅時候,都要俾自己放鬆一下,去唔到旅行可以睇吓相當去咗。日本有網民放咗呢個彩虹沙灘嘅相片出嚟,位於沖縄嘅波照間島,紫粉紅色嘅沙、湖水綠嘅海,再配埋藍天白雲,好靚。入嚟有多啲小島日與夜嘅相回帶。

Read more ›
日本超靚沙灘煙花相 拍攝技巧Twitter熱傳

日本超靚沙灘煙花相 拍攝技巧Twitter熱傳

呢輯相超靚,難怪喺Twitter熱傳。日本攝影師@TauonQ最近喺Twitter分享咗呢輯沙灘煙花相,黃昏背景加上好靚嘅煙花效果,佢話用咗單焦點鏡頭,再加Adobe Photoshop Lightroom Classic嘅軟件執相,佢仲好大方咁寫咗篇blog介紹手法,入嚟有link。

Read more ›
日本粉絲自製   Miffy甜品「白玉團子」超可愛

日本粉絲自製 Miffy甜品「白玉團子」超可愛

靚成咁真係唔捨得放入口,日本呢位Twitter用戶@panpun529好鍾意Miffy,成日將Miffy變成不同食品,最近作品有呢款沙灘丸子,好似Miffy喺沙灘曬緊日光浴,但其實係花生碎同埋丸子,好可愛,入嚟有得睇埋佢其他Miffy食品,全部都好高質。

Read more ›
日本網民沙灘發現「勇者之盾」 似RPG遊戲劇情Twitter熱傳

日本網民沙灘發現「勇者之盾」 似RPG遊戲劇情Twitter熱傳

喺沙灘岸邊見到一個勇者之盾,的確會令人有無限聯想。最近有日本網民喺Twitter分享咗呢輯相,當時佢喺屋企附近嘅沙灘散步時發現個盾,佢好想知個「勇者」係咪已經出咗海冒險。唔少網民留言回覆話諗起RPG冒險遊戲,有網民仲分享咗史萊姆沙灘版,入嚟有回帶。

Read more ›
【相集】日本刺猬仔迎接夏日 沙灘玩樂心情超爽

【相集】日本刺猬仔迎接夏日 沙灘玩樂心情超爽

天氣開始熱,又係時候去沙灘玩嘞。日本呢隻刺猬仔都有得去沙灘,睇佢個樣開心到震,喺沙灘上奔奔跳跳超可愛!我都好想放假去沙灘玩呀。

Read more ›

日本超靚沙灘遍地「寶石」 網民朝聖熱點

日本超靚沙灘遍地「寶石」 網民朝聖熱點

如果去開日本嘅長崎縣,最近日本網民有個推介景點,就係位於長崎機場附近嘅森園公園,特別之處係嗰度嘅海灘上面嘅沙唔係普通嘅沙,而係一粒粒「寶石」!其實佢哋係循環再造嘅玻璃,不過切割成圓邊,所以就算行上去都唔會割傷腳板。而之所以有呢個玻璃海灘,全因為夏天時份啲藻類分解,會令到出現好臭嘅味道,所以官方就整咗呢啲玻璃沙防止藻類增生,而家仲令到沙灘變得好靚,成為遊客嘅秘密勝地,入嚟有多啲相睇。

Read more ›
沙灘專用「貓腳印拖鞋」 日本設計貓奴要買

沙灘專用「貓腳印拖鞋」 日本設計貓奴要買

就嚟夏天,去沙灘梗係要有對沙灘拖啦,呢對貓奴睇完實好想買。鞋底有個突起嘅喵腳印,喺沙灘上行走就會留低一隻隻貓腳印嘞,超正!啱啱今個月開始發售,有XS、S、M同L總共4個呎吋,由小朋友到大人都啱著,賣1500円起,除咗貓腳印之外仲有出其他動物款,例如馬騮、貓頭鷹同埋壁虎(!),入嚟有得睇。

Read more ›
【新片速報】法國沙灘木屋變《龍珠》神龍 街頭藝術家超強創作

【新片速報】法國沙灘木屋變《龍珠》神龍 街頭藝術家超強創作

作為《龍珠》fans應該會好想親身去吓!法國街頭藝術家duo Blesea同Baby K自細好鍾意《龍珠》,最近佢哋將法國Réville沙灘嘅一間廢棄木屋重新噴過,變成《龍珠》入面嘅神龍!夠晒巨型仲要喺正岸邊,效果超型!入嚟有埋製作花絮片睇。

Read more ›
【連環圖】日本網民沙灘砌巨屎 海水沖廁好震憾

【連環圖】日本網民沙灘砌巨屎 海水沖廁好震憾

又係去沙灘玩嘅季節,堆沙大家都有玩過,不過要堆嚿咁大嘅屎就唔容易嘞。有日本網民放咗張完成品上Twitter,吸引好多人留言,之後有海水沖埋嚟,就好似平時沖廁咁,感覺上係有少少核突嘅。之後仲有大量網民出圖出片向佢致敬。

Read more ›
【圖集】北海道超靚沙灘景 冰粒似寶石Twitter熱傳

【圖集】北海道超靚沙灘景 冰粒似寶石Twitter熱傳

呢位日本攝影師KAGAYA 好鍾意影靚景,之前有好多靚相都喺Twitter熱傳,最新有呢輯喺北海道拍攝嘅作品。相中見到海浪捲起好多岸上嘅冰粒,喺月亮同星星嘅照射之下,一粒粒冰就好似寶石咁浮喺沙地上面,超靚!不過睇吓相好嘞,現場應該好凍。

Read more ›

有片:汪星人美斯上身!沙灘足球頂頭槌下下中!

兩男一女控波,兩個猛男固然腳法出眾,靚女亦唔弱,頭頂腳踢有板有眼,不過講到最厲害一定係汪星人,每次個波傳俾佢,佢都識助跑起跳再衝頂交番個波畀人,簡直美斯上身。唔係符碌,係次次都得喎,呢下先最勁。

Read more ›

有片:比堅尼靚女下體激凸 嚇爆+掟太陽油+即閃

哈哈,呢個Prank好過癮呀,比堅尼靚女現身沙灘,一身古銅色皮膚,有身材仲要有樣,甜美笑容加電眼,出到聲要求幫手搽太陽油咯喎,梗係無一個男人抗拒。好喇,以為飛來艷福喇,邊搽背脊邊搭訕喇,點知靚女一個轉身,Oh,男士們此時此刻先發現靚女下身多咗團唔應該存在嘅嘢。孰男孰女?人妖?有男士嚇到呆,掉低支太陽油就即閃……正常,俾著我,都會走夾唔抖。呢個Prank,讓我聯想起《走投有路》張家輝同彭敬慈沙灘打排球一幕……

Read more ›

【有錢就是任性】沙灘堆沙都要請槍 專人代勞砌城堡

去沙灘堆沙係一件好浪漫嘅事,偏偏有公司諗到幫人堆沙呢項騎呢服務,由專為有錢人服務嘅Oliver’s Travels公司提供,簡單講即係派個堆沙專家幫手,由構思砌乜嘢,以至到現場幫手一齊砌(或者幫埋你砌)全程包辦,保證砌得靚,唔單止砌一般嘅沙城堡,連電影角色都搞得掂。比咗錢之後需要做嘅就只係拎部手機出嚟影相放上FB呃吓Like。阿爸阿媽仲可以乘機將對仔女交比呢個堆沙保姆,然後拎部手機出嚟專心睇住個市,嘩,好溫情呢。

Read more ›

有片:伏已中!三點式靚女多咗忽肉!

男人好女色,好正常,三點式靚女嗌幫手搽太陽油,俾著我都唔會拂袖而去。呢個Prank堪稱食滑天下所有男人,搵身材無可挑剔嘅金髮靚女做餌,豐胸、水蛇腰、八爪魚腳瓣瓣有,應大則大,應細則細,連唔應該大嘅地方都多咗忽長條狀肉,當靚女一翻身,三角褲即時隆起老大一團,嚇到一眾以為飛來艷福嘅好色男走夾唔抖,有無縮陽就唔知,但從「Not really my cup of tea。」、「This is the weirdest thing that’s ever happened ever。」等說話觀之,佢哋應該好後悔。

Read more ›