Post Tagged with: "沉迷"

【有片】日本喵星人沉迷上YouTube    後腳伸直好識嘆
by / on 14/11/2017 at 7:08 am

【有片】日本喵星人沉迷上YouTube 後腳伸直好識嘆

小朋友唔好沉迷上網,喵星人都係。呢隻日本喵星人俾主人發現佢喺屋企偷上YouTube,仲睇到好入神,兩隻後腳伸直晒好嘆。至於影片方面,佢就好識揀睇返自己嘅同類喵星人滑翔飛撲入紙箱嘅刺激場面,即係好似我哋睇功夫片啩。BTW,佢屋企仲有另一隻貓,仲有一個B,睇落好熱鬧,入嚟有多啲佢嘅得意相片回帶。

Read more ›

【連環圖】日本喵星人沉迷打機 喪玩《MOTHER 2》Twitter熱傳
by / on 24/10/2016 at 7:13 am

【連環圖】日本喵星人沉迷打機 喪玩《MOTHER 2》Twitter熱傳

《MOTHER 2》呢隻94年推出嘅超任RPG遊戲好經典,有無人玩過?最近有個日本貓奴就摷返部舊機連埋餅帶出嚟回味,為咗令出世無耐嘅喵星人接觸吓,佢誠邀咗隻喵一齊玩,喵星人坐喺主人大腿玩得好奔放好投入,仲攬實個手掣唔放。輯相喺Twitter好多人RT,睇返主人嘅Twitter,最近隻喵星人仲陪睇漫畫,睇嚟好有潛力成為一隻宅喵。入嚟有多啲喵星人嘅生活照睇,原來佢好鍾意坐大脾,好可愛。

Read more ›
【猩猩誤入歧途】新片速報  被人類引導成為iPhone信徒  沉迷睇猩猩
by / on 09/09/2015 at 7:14 am

【猩猩誤入歧途】新片速報 被人類引導成為iPhone信徒 沉迷睇猩猩

呢條片好多人睇,兩日已經過咗61萬點擊,片中嘅男仔去咗動物園,但就繼續手機不離身,瘋狂撳撳撳,仲成功導咗隻黑猩猩成為iPhone信徒。睇佢哋一齊排排坐睇靚相,似乎好Friend喎。原來手機上嘅相全部都係其他世界各地嘅猩猩靚圖,可能同我哋鐘意睇明星或者靚仔靚女一樣心態啦,隻黑猩猩都睇得好肉緊,眼都唔眨。不過坐咁埋真係小心啲,之前有短片影隻猩猩差啲撞爆玻璃,小心佢搶走部iPhone喎。

Read more ›
超級英雄沉迷社交網絡   蝙蝠俠唔捉壞人玩自拍
by / on 26/11/2013 at 7:25 am

超級英雄沉迷社交網絡 蝙蝠俠唔捉壞人玩自拍

今時今日人人手機不離身,食飯行路都要篤芒投入虛擬世界。有無諗過假如一班超級英雄出生於2013年,佢哋會點樣玩呢?設計師Ed Shems整咗一套超級英雄相集,睇見蝙蝠俠捉住個細路玩自拍、蜘蛛俠倒吊自己睇facebook,好彩超級英雄唔係生於呢個年代,否則掛住玩手機,壞人都捉少幾個。

Read more ›