fbpx

Tag: 汽車

【新片速報】日本離奇汽車事故 撞電纜支線車身後邊吊起

【新片速報】日本離奇汽車事故 撞電纜支線車身後邊吊起

呢件發生喺日本嘅汽車事故幾離奇,成架車後邊車身被吊起,段片喺Twitter熱傳,原來呢種意外喺日本間中都出現,因為撞到電纜嘅支線而剷起架車,唔少網民都放咗回帶相。有人話好彩無整爛呢條支線,否則成支電柱就會掉落地,然後一支接一支斷落,之後成個區都會斷電,各位揸揸車人士真係要小心。

Read more ›

【新片速報】日本汽車模型「加濕器」     打開頭冚冒煙

【新片速報】日本汽車模型「加濕器」 打開頭冚冒煙

呢個加濕器好特別,有日本網民喺Twitter分享咗段影片,加濕器上面有架模型車,打開車頭冚就會有冒煙效果,好正!入嚟有片睇。

Read more ›
北海道開始融雪 冰封汽車重見天日

北海道開始融雪 冰封汽車重見天日

東京有得睇櫻花嘞,咁北海道呢?有居民見到當地都開始融雪,仲有相為證。睇相見到冰封咗嘅車已經露出咗少少車窗嘞,好嘢,架車終於可以揸走嘞!

Read more ›
有片:狗仔都有汽車安全帶 坐後排好安全

有片:狗仔都有汽車安全帶 坐後排好安全

呢條汽車用安全帶叫Rocketeer Pack,係專For寵物狗仔用嘅,已經通過撞擊測試,最盡25磅重汪星人適用。使用方法好簡單,將安全帶緊緊綁喺後排座位之上,汪星人有背靠,就唔會左右吊吊揈。Touchwood真係炒車的話,狗仔唔會因為猛烈撞擊拋出車外,狗奴們可以諗諗。

Read more ›
【相集】神級汽車攝影師自製場景 大風雪靠灑糖霜

【相集】神級汽車攝影師自製場景 大風雪靠灑糖霜

呢位外國汽車攝影師Vatsal Kataria啲相好好睇,勁在全部迷你場景都係自己搭建,而且強調用低成本創作。由石路以至到一草一木都係由佢親自製作,最勁係啲天氣,落雨、大風雪,靠嘅係一個噴水壼同埋灑糖粉!再加埋後期PS加工,每張相都好正,入嚟有得慢慢睇!

Read more ›
【霸氣】有片  入銀仔出真車   全球首部真車自動販賣機

【霸氣】有片 入銀仔出真車 全球首部真車自動販賣機

其實概念上都係自動停車場嗰種,不過加咗自動販賣機嘅元素入去,件事又即刻型咗。呢個全球首部汽車自動販賣機叫Carvana,位於美國田納西州嘅Nashville,入個銀仔之後架車就會降落到門口比你直接揸走。不過主要都係gimmick嘢,因為要先上網買咗車先,之後就可以拎個銀仔入落部機度,勝在概念夠新,只係估唔到唔係首先出現喺日本呢個乜都有自動販賣機嘅地方唧。

Read more ›

【水撥嚇喵】新片速報 喵星人比水撥嚇親 大規模整蠱行動

【水撥嚇喵】新片速報 喵星人比水撥嚇親 大規模整蠱行動

喵星人警覺性好強又細膽,稍微有啲風吹草動都嚇到即刻彈起!呢條片就剪輯咗一班喵星人比車頭水撥嚇親嘅慘況。最常見係企喺車出面嘅喵星人,爬爬吓突然間水一噴、水撥左搖右搖!嘩,大部份都即刻比佢嚇到跌落地,慘豬。至於喺車入面果啲呢,就通常即刻跳走。留意1分10秒隻喵,佢一啲都唔驚,仲不停fing手同搖頭,好得意,必睇。話時話,就嚟天氣凍,好多流浪貓鍾意瞓喺停車場嘅車頭冚上面,貪佢夠晒暖笠笠,大家記住唔好嚇佢哋呀!

Read more ›
新片速報   坐車生B片過百萬點擊    仲去唔去醫院好?

新片速報 坐車生B片過百萬點擊 仲去唔去醫院好?

女人生BB係好神聖嘅事,而且好緊急,好似外國呢位媽媽Lesia Pettijohn準備去醫院嘅45分鐘車程途中,就忍唔住生咗個BB出嚟,只係用咗30秒左右,好彩母子平安,媽媽好淡定好勇敢。而爸爸就全程用GoPro紀錄呢件開心事,仲放埋上YouTube,唔夠2日已經超過140萬點擊,唔駛驚,條片無裸露只有少少血腥。最後佢哋成功生咗個10磅嘅BB,最搞笑係片尾阿爸好精明,問咗句:「咁我哋仲駛唔駛去醫院生同埋比錢?」梗係要啦,仲有好多善後工作架嘛。

Read more ›
新片速報    Benz廣告玩龜兔賽跑     2日點擊過百萬

新片速報 Benz廣告玩龜兔賽跑 2日點擊過百萬

龜兔賽跑嘅故事由細聽到大,一向羨慕隻龜,做人咁辛苦為乜喎。估唔倒汽車品牌Mercedes-Benz嘅新廣告都玩龜兔賽跑,2日已經過百萬點擊。故事方面當然唔少得hard sell吓佢哋架新車2016 Mercedes-AMG GT S,隻烏龜坐咗上去,即刻可以秒殺兔仔,係就係老土咗少少,但勝在動畫做得靚,隻兔仔又夠囂張,幾好睇。

Read more ›
25個慳錢汽車維修方法     百潔布/薯片筒乜都出齊

25個慳錢汽車維修方法 百潔布/薯片筒乜都出齊

作為一個汽車維修員,搵盡方法維修損毁咗嘅零件都好合理。如果唔執著於外觀,唔介意其他人點睇,維修呢樣嘢其實可以好平好好玩好自我。網上搜羅咗一大堆奇幻嘅汽車維修方法,百潔布當水撥、開瓶器當門把、膠椅改座做司機椅,平平哋自己維修,正!

Read more ›
【有片】超強新技術 開車冇盲點 車廂投射變透明

【有片】超強新技術 開車冇盲點 車廂投射變透明

就算睇勻3塊鏡,其實每一架車都會有盲點,不過喺不久嘅將來,可能就可以更加安全喇。車尾泊車鏡頭都係俾你睇後面啫,新極都係有埋俯瞰角度,不過呢個日本研發嘅新技術,就可以搞到你架車變成透明一樣。原理好簡單,裝咗鏡頭之後,將拍到嘅畫面投射番喺車廂入面,即係就算坐咗人喺後座都一樣睇到!當然,個鏡頭如果整靚啲,外面睇就同普通車原完一樣。  

Read more ›

MINI Cooper出LEGO   座椅可推前超細緻

MINI Cooper出LEGO 座椅可推前超細緻

記得幾年前好興MINI Cooper,周街都見倒呢架細細部嘅古董車。LEGO最近都宣佈8月會推出MINI Cooper嘅LEGO,名為LEGO 10242 CREATOR MINI Cooper嘅新模型,綠色配白色嘅車身,車頂可以拎走變開蓬,最正係前座位椅背可以向前推,超細緻像真。另外,隨車會送多一張枱布同埋食物籃、酒杯嘅野餐套裝,等你可以放喺車身旁邊扮野餐,玩完仲可以放返喺車尾箱儲存,古惑。

Read more ›
大陸養豬場驚現12米變形金剛     汽車舊零件大改造

大陸養豬場驚現12米變形金剛 汽車舊零件大改造

撇除版權問題,其實呢堆大陸製嘅變型金剛機械人整得唔錯,佢哋全部出自幾個大陸嘅修理技工師傅雙手,製作時無任何廠房,製作地點係養咗200隻豬嘅養殖場!12米高嘅變形金剛大黃蜂就係喺呢個咁有特色嘅章兵聖井鎮危山風景區製作出嚟。初時幾位技工見無乜嘢做,於是開始用汽車舊零件製作機械人,無幾耐越嚟越多人關注,甚至有人買走佢哋嘅作品,而家越做越高興,庭院已經整咗十幾隻機械人,除咗買仲可以租借,部份機械人通電後膊位仲識前後擺動,民間高手!

Read more ›
新片速報 《Matrix》演員重出江湖   推銷韓國車KIA

新片速報 《Matrix》演員重出江湖 推銷韓國車KIA

荷里活演員Laurence Fishburn最令人印象深刻都係喺電影《The Matrix》入面飾演嘅神秘人物Morpheus,所以15年後韓國汽車品牌KIA宣傳新車K900,都繼續搵佢戴黑超食老本拍廣告。今次要勸一對男女揀車匙做出人生決定,經典畫面紅藍藥丸變咗紅藍車匙,有爆破仲有Morpheus忽然唱男高音,不過珠玉在前,比起日本車廠Subaru掃巴佬嘅《進擊之巨人》廣告,創意同震憾度始終差幾皮。

Read more ›
有片   Honda唔玩車改出手機Airbag?

有片 Honda唔玩車改出手機Airbag?

手機跌落地爆芒呢啲咁慘痛嘅經歷有無試過?日本汽車公司Honda最近研發咗個專為手機而設嘅安全氣袋Airbag,仲放咗條片上YouTube叫Smartphone Case N,內置感應器,可以偵察倒手機下降速度,再令氣袋膨脹,係就係誇啲,不過都係為咗宣傳佢部新款迷你車N-WGN有幾安全,呢招係曲折咗啲,不過起碼引到你去關注吓。

Read more ›