Post Tagged with: "污糟"

超正史萊姆地毯 灰色襟污糟fans必買
by / on 22/10/2019 at 7:40 am

超正史萊姆地毯 灰色襟污糟fans必買

《勇者鬥惡龍》系列最搶眼嘅點少得史萊姆,最近Square Enix出咗呢款超可愛嘅史萊姆地毯,今次揀咗敵人金屬史萊姆,所以變咗灰色更加襟污糟。放喺屋企好似一灘水咁散喺地,坐上去應該好舒服,仲可以墊個頭去史萊姆頭頂!官網有得賣,售價17,380円,有興趣可以入去睇吓。

Read more ›

【新片速報】日本壽司店廚房短片出事 垃圾筒執魚生超污糟
by / on 07/02/2019 at 10:22 am

【新片速報】日本壽司店廚房短片出事 垃圾筒執魚生超污糟

人類總要重複同樣的錯誤,今次中招嘅係日本有好多分店嘅連鎖壽司店「くら寿司」,最近Twitter熱傳一段片,估計下載自IG Stories,片中見到該店職員切咗半條魚生,然後轉身掉入後面半滿嘅垃圾筒,之後同班friend爆笑,無幾耐又喺垃圾筒執返嚿魚生放上枱。段片已經有超過300萬人瀏覽,片中仲清楚睇到嗰位職員個名。官方好快都發咗聲明回應,致歉之餘,話嗰位員工係兼職同事,而調查後知道嚿魚生最後都係掉咗無送去俾客人嘅,不過你信唔信?出事嘅壽司店位於大阪守口市,相信呢段時間生意一定會受影響。入嚟有片睇回帶。

Read more ›
日本網民浴室被嘲似《生化危機》場景 網民:「會越沖越污糟!」
by / on 12/08/2016 at 7:16 am

日本網民浴室被嘲似《生化危機》場景 網民:「會越沖越污糟!」

日本網民浴室被嘲似《生化危機》場景 網民:「會越沖越污糟」 印象中日本人好整潔,浴室一塵不染,不過凡事都有例外。最近有位日本網民放咗自己浴室嘅相上網,話同學嚟佢屋企見到之後話好似遊戲《生化危機》嘅場景。由於張相的確太震憾,有其他網民質疑係網上流傳圖,最後要樓主親自影張有自己討論區編號嘅相作證,仲解釋自己住緊嘅係昭和40年建造嘅市營住宅。講返網民留言,有人話:「好似遊戲《Silent Hill》」、「喺度沖涼應該會越沖越污糟」、「太恐怖啦!」樓主自己都好傷心,話媽咪已經成日清潔,但都係咁污糟‥‥‥

Read more ›
熊貓變黃貓  南昌動物園熊貓慘變乞丐
by / on 28/02/2013 at 4:36 pm

熊貓變黃貓 南昌動物園熊貓慘變乞丐

實不相暪,我一向都唔係幾鍾意熊貓,因為佢哋同我細個喺教科書見倒嘅唔同,白色部份永遠都唔係白色,而係灰灰黃黃。不過,好似呢隻喺內地江西省南昌動物園嘅熊貓,毛色發黃到咁嚴重,真係令我大開眼界!事緣有人見倒佢污污糟糟,熊貓變黃貓,污糟到好似乞丐咁,於是放上網投訴園方冷待熊貓唔同佢沖涼。園方就話,呢隻熊貓毛色本身唔係白雪雪嘅(!),加上熊貓越嚟越大,具侵略性,沖涼有相當難度。不過最慘係網友見倒熊貓坐喺自己小便完嘅地方食!竹!葉!唉,睇開《功夫熊貓》嘅小朋友見倒,真係喊出嚟呀。

Read more ›