fbpx

Tag: 求婚

測試真愛 日本扭蛋「飯團求婚戒指」第三彈

測試真愛 日本扭蛋「飯團求婚戒指」第三彈

又係測試真愛嘅時候,日本奇譚又推出呢個食物戒指扭蛋系列,今次嚟到第三彈,一共有五款,全部都用圓形飯團戒指盒裝住,材料包括明太子王子、蔥吞拿魚茸、烤鯖魚同埋野菜。豚角煮個飯團盒仲係啡色O添,好有心思,下年3月推出,有無死士想試吓用嚟求婚?

Read more ›

日本「飯團求婚戒指」扭蛋      誠徵勇士死亡測試

日本「飯團求婚戒指」扭蛋 誠徵勇士死亡測試

又係奇譚嘅扭蛋,今次呢款好驚喜,表面睇係一個飯團,打開原來收埋一隻求婚戒指,係咪好驚喜?好感動先?戒指總共有5個款式,包括燒鮭魚、梅干、明太子、魚籽同埋昆布芝麻,其中又以魚籽睇落最矜貴,啱晒吃貨女友,有無死士夠膽挑戰吓用佢嚟求婚?預計9月發售,而家籌備定啱啱好。

Read more ›
【有片】求婚求到嘔 浪漫殺手暈機浪

【有片】求婚求到嘔 浪漫殺手暈機浪

求婚呢啲嘢,有咁大玩咁大係常識,呢位浪漫男Darrell Hamilton佢就選擇喺小型飛機上面,叫機師駛去佢予先砌好嘅「Marry Me?」字上空,俾女友Rheanna Faye一個驚喜,再拎出隻戒指,完美啦!不過佢計漏咗樣嘢,就係自己會暈機浪……去到中段都未見到目的地,阿Darrell已經唔多舒服,終於捱到去,佢拎個盒出嚟,可惜女友掛住影相冇理佢,佢唯有拍佢兩下,用盡最後一分力吐出幾個字,之後……嗚噁!同埋因為啱啱嘔完,所以佢哋冇嚟個Kiss,只係隔空飛Kiss,都幾難忘吖。

Read more ›
日本女士求婚專用套裝 自備戒指仲有「回郵信封」

日本女士求婚專用套裝 自備戒指仲有「回郵信封」

求婚通常都係男士做,不過日本有公司就好有創意,出咗個產品專俾心急女士求婚用嘅套裝。入面包括一隻戒指同一封求婚信,入面有埋官方建議嘅書信內容可以抄考。寫好晒就可以寫埋男方嘅地址然後寄出。如果男方接受嘅話,入面會建議佢拎住隻戒指直接去搵個女仔求婚。不過唔好彩男方唔想結嘅話,封信入面都有個「回郵信封」,將隻戒指放返入去就會寄返去嗰間公司,為免女方難受,公司會收返隻戒指,然後寄條鑽石項鍊俾女方,好窩心。咁最唔好彩應該係男方收咗隻戒指然後走佬嘞,不過唔駛驚,呢個套裝售價只係1萬円,即係港幣700蚊左右,少少錢就可以試到對方人格,其實好抵。

Read more ›
【新片速報】《Super Mario Maker》設計求婚關卡 女友感動過關

【新片速報】《Super Mario Maker》設計求婚關卡 女友感動過關

之前都有人試過設計遊戲關卡求婚,今次呢個機迷就用咗大家好熟悉嘅《Super Mario Maker》,女朋友打打吓去到最尾過關部份,突然見到自己個名,之後一直向前行就見到「Will you marry me」嘅字樣,搞到佢又驚喜又感動,喊住過關。最後?當然係應承啦!

Read more ›
【悲報】情侶求婚變悲劇 開心跳起跌落山崖慘死

【悲報】情侶求婚變悲劇 開心跳起跌落山崖慘死

喜劇變悲劇,睇見都心酸。日本啱啱報道外國有單新聞,有對戀人喺戶外嘅山邊求婚,女仔好驚喜,開心到跳起,點知就失足由15米嘅高處跌咗落山崖慘死,電視台做咗連環圖重演過程,網民都話件事太悲傷。大家選擇求婚地點嘅時候,真係要揀啲安全嘅地方。 【悲報】情侶求婚變悲劇 開心跳起跌落山崖慘死

Read more ›

【感人】準爸爸勇闖迪士尼 白兵黑武士突然出現狂賀

【感人】準爸爸勇闖迪士尼 白兵黑武士突然出現狂賀

  作為一個資深星戰fans,當然希望人生每個重要時刻都同星戰有關。最近呢位男fans Bryan Starr去咗迪士尼玩,佢嘅太太為咗比驚喜佢宣佈懷孕,於是同員工夾計,搵咗兩隻白兵同一位黑武士,專程出嚟同佢影合照,之後佢太太突然宣佈懷孕喜訊,最好睇係男主角嘅第一個反應,好真、好感人。好多網友都話勁期待黑武士會講:「You are the father.」可惜希望落空,但相信已經夠佢吔慢慢回味。

Read more ›
美國隊長Coser求婚 真‧美國隊長見證

美國隊長Coser求婚 真‧美國隊長見證

求婚呢啲嘢一定要講心思,對於Coser嚟講,有咩好得過喺自己Cos緊嘅角色面前求婚成功吖?Cosplayer「Kelsey Jenkins」同佢男朋友,喺噚日就分別Cos「Black Widow」同「Captain America」去咗「Salt Lake Comic Con」,而「真正」嘅美國隊長「Chris Evans」同演「Peggy Carter」嘅「Hayley Atwell」都有喺現場。就喺佢哋有機會同偶像合照嘅時候,美國隊長就突然跪低向女友求婚,你睇「Chris Evans」幾驚喜?好似自己俾人求婚咁呀!(雖然有啲似) 而之後「Peggy Carter」仲喺Twitter講番呢件事添。

Read more ›
【唔駛40萬】求婚自製相機鏡頭盒 內藏戒指入嚟有教學

【唔駛40萬】求婚自製相機鏡頭盒 內藏戒指入嚟有教學

港男駛40萬求婚做壞晒規矩,其實求婚呢啲嘢最緊要有心,豐儉由人。最近美國加州有個叫Matthew Chalker嘅男仔想同做攝影師嘅女朋友求婚,諗到做一個好似相機鏡頭嘅戒指盒用嚟做道具,佢用咗60個鐘完成,扭旁邊嘅圈位就可以慢慢打開光圈,然後見到收埋喺入面嘅求婚戒指。咁有心思,女朋友梗係好快應承咗,仲成功喺網上呃倒唔少like。可能結婚有好多錢要駛,佢仲諗咗條絕世好橋,話可以幫大家整呢個求婚戒指鏡頭,開價美金2千至3千蚊一個,有無巴打想贊助吓?不過無錢但有時間有心嘅,佢都有免費教學放上網,入嚟有得睇。

Read more ›
薩爾達求婚寶箱     寶石似懸浮有閃光

薩爾達求婚寶箱 寶石似懸浮有閃光

有玩開薩爾達嘅,見倒呢個箱應該會覺得好親切,Etsy網站有得買,由IndyFurniture製作,勁在粒寶石好似懸浮喺半空咁,打開個箱入面有閃光,仲會有熟悉嘅音樂聲效,中間粒寶石可以打開,可以放戒指之類嘅神秘禮物,擺明比人求婚用。不過成功求婚之後,要有心理準備以後無得再玩薩爾達囉。呎吋方面12″ x 9″ x 10″唔算大,賣緊港幣$1592,送香港嘅運費大約$320,都幾貴。

Read more ›
史上最hea二十個求婚方法     麥記 / facebook成求婚熱點

史上最hea二十個求婚方法 麥記 / facebook成求婚熱點

求婚呢啲嘢豐儉由人,睇得多超豪華嘅求婚過程,不如換個角度,睇吓史上最hea嘅20個求婚方法。由外國網喺網上搜羅返嚟,以為將隻戒指夾喺麥香雞包或者茄汁入面hea?原來天外有天,人外有人。當中喺facebook或者whatsapp求婚最求其,面都唔駛見,入嚟開吓眼界,下次做智囊團可以獻計比班豬朋狗友。

Read more ›

內地青年自製變形金剛求婚    高8米重1噸

內地青年自製變形金剛求婚 高8米重1噸

浪漫唔係外國人嘅專利,大陸都有自己一套!最近有位中國河北青年自製咗隻超巨型變形金剛求婚,呢隻高8米重1噸嘅變形金剛,根據12厘米嘅變形金剛模型以1:70嘅比例製成,用咗4萬幾支鉚釘,10個月時間,淨係買不锈鋼板同埋鐵板都用咗5萬幾蚊人仔,外國網站都大肆報導,好威。最爆笑係隻變形金剛兩隻手各拎一條揮春,寫住「聖誕節請帶上女友,跟我一起下跪求婚」,離遠睇十足賀年咁款,女友見倒覺唔覺得浪漫?

Read more ›
【有片】誓要去入刀山 自製勇者遊戲 打爆機變求婚

【有片】誓要去入刀山 自製勇者遊戲 打爆機變求婚

呢位Robert Fink,本身識得製作簡單遊戲,咁佢女友都係機迷嚟嘅,想求婚,好自然就諗到自製一隻遊戲去俾佢玩啦。於是佢同朋友Ryan Lepinski、Jack Watson就用咗5個月時間製作咗一隻《Knight Man: A Quest for Love》,佢女友一路玩一路玩,都係救公主啫,但到10分鐘爆機……到底佢揀Yes定No呢?

Read more ›
求婚新招    破解《魂斗羅》   爆機畫面冧女

求婚新招 破解《魂斗羅》 爆機畫面冧女

動漫婚禮介紹過唔少,不過今次再有心思啲,外國玩家Quinn為咗同女朋友求婚,破解咗紅白機嘅《魂斗羅》,之後氹女朋友一齊打,一開機揀角色時兩個角色變咗真名Amy同埋Quinn,之後過關一直同平時無分別,直至過關後畫面突然彈出求婚字句,咁冧結果當然係Happy ending。佢仲分享埋製作過程,但大前題係你要有部仲郁得嘅紅白機先‥‥‥

Read more ›