豐儉由人 求其平民版Coser大集合

真係唔知點樣形容呢班友仔好,翻版Cosplayer?玩得角色扮演咁稱呼佢哋又唔係好妥,A貨Cosplayer?角色扮演無所謂正貨,無正貨又何來A貨?都係稱呼佢哋做求其平民版Cosplayer啦,唔係咩?我第一眼望到呢批相,先係嚇一跳,然後得啖笑,係吖嘛,啲衫有無求其啲呀?Robocop錫紙當頭盔、雪糕筒扮手手腳腳、拖鞋扮眼罩、3D虎頭面具變2D、瓦通紙加紙皮扮護甲、星矢由頭到腳到翼連張弓都用紙皮做、畫紅半邊身扮刀疤、發泡膠扮石頭……只可以講一句,真係創意無極限,笑到人噴飯呀。

Read more ›