Post Tagged with: "水杯"

交換聖誕禮物收大泥水杯 有埋自己名唔會藐
by / on 12/12/2017 at 7:28 pm

交換聖誕禮物收大泥水杯 有埋自己名唔會藐

係,我知交換聖誕禮物收到水杯的話,大家應該會藐的;但,如果收到嘅係大泥推出嘅水杯,仲要獨一無二有埋自己大名,成件事係咪即刻唔同晒?水杯有兩個款式,分別係「和你在一起」同「滿載溫馨」,圖案方面,一個就大白熊,一個就滿天心心汽球,都屬窩心之選,入手諗得過架。

Read more ›

【有片】係杯呀哈利 水杯奏出《Harry Potter》音樂好好聽
by / on 01/10/2017 at 8:48 pm

【有片】係杯呀哈利 水杯奏出《Harry Potter》音樂好好聽

細細個就知,杯入面有唔同份量嘅水,可以發出唔同高低音,不過呢位網民用咗廿幾三十個杯,摸吓摸吓就摸出《Harry Potter》首音樂,好好聽喎,要嚟奏FF首水晶音樂都應該ok。

Read more ›
【有片】《亂馬½》水杯跟足情節 遇熱水變男仔
by / on 11/08/2017 at 7:55 am

【有片】《亂馬½》水杯跟足情節 遇熱水變男仔

早幾日介紹完《亂馬½》嘅30周年聯乘,勾起好多人嘅童年回憶,啱啱喺Twitter見到呢隻水杯,未落熱水前係女版亂馬,落咗熱水之後就變咗男仔嘞,同漫畫嘅情節一樣,fans見到應該會想要返隻!唔知遲啲會唔會出埋阿爸變熊貓版呢?

Read more ›
日本網民試用彩色水杯 飲杯水都夢幻啲
by / on 15/07/2017 at 12:17 pm

日本網民試用彩色水杯 飲杯水都夢幻啲

係幾靚嘅,不過會唔會唔敢放入口?日本有網民喺精品店買咗呢隻水杯,杯底裝咗七色玻璃紙,倒滿水嘅時候就會見到好靚,隻杯只係賣370円,好抵。

Read more ›
水杯後暗藏可愛狗狗臉 效果突出日本Twitter熱傳
by / on 13/06/2017 at 7:26 am

水杯後暗藏可愛狗狗臉 效果突出日本Twitter熱傳

有時少少嘅一個擺設,已經可以帶嚟好特別嘅效果。好似最近呢幾張喺Twitter熱傳嘅相,相中嘅男女合照旁邊仲有隻白色狗狗,咁啱狗狗前面放咗隻玻璃杯,杯投影下嘅狗狗個樣放大咗好得意,樓主仲專登zoom近啲比你哋睇,眼大大好可愛呀!

Read more ›
【不要玩水】外國藝術家自創水點畫 IG人氣作品超靚
by / on 06/01/2016 at 7:11 am

【不要玩水】外國藝術家自創水點畫 IG人氣作品超靚

第一眼見到左邊張相,不期然諗起周柏豪隻打碎咗嘅水杯,不過睇真啲,其實係藝術家Aravis Dollmenna嘅作品,佢好鍾意玩水,正確啲講係用水嚟畫圖畫,畫過嘅圖案包括腳印、聖誕樹、蜻蜓、雞蛋等等,全部都好靚好精緻。佢話自從3年前阿仔教佢用Instagram之後,佢就經常將自己嘅作品放上網,而家已經有唔少followers,入佢嘅IG可以睇到更多作品,唔止玩水,連文具、食物都玩埋一份。

Read more ›

新片速報   徒手畫3D水杯過百萬share    睇完明晒
by / on 09/05/2015 at 6:13 pm

新片速報 徒手畫3D水杯過百萬share 睇完明晒

成日都唔明點先可以畫倒3D畫,呢條2分鐘嘅片,即場示範徒手畫隻3D立體水杯出嚟,由乜都嘅一張白紙至到畫完,成個過程好神奇,睇完都唔係好明,好彩最尾反轉張紙,原來3D畫就係咁,終於明晒。條片由土耳其嘅電視頻道Mavi Kocaeli喺Facebook發佈,幾日已經超過4700萬人睇過,淨係分享都有過百萬人,好勁。

Read more ›
新片速報   48隻水杯演奏孖寶配樂
by / on 17/04/2014 at 7:11 am

新片速報 48隻水杯演奏孖寶配樂

西人真係寧舍得閒,好似呢位Dan Newbie就用咗48隻水杯、兩支鉛筆同埋一個煎pan,敲擊出孖寶兄弟嘅經典配樂,原來呢種方法演釋出嚟嘅孖寶配樂都幾好聽!作為由細打孖寶兄弟打到大嘅我哋,齋聽音樂都好有親切感。可惜入水管嗰吓聲,敲水杯都做唔返出嚟,唯有用返原聲囉。

Read more ›
冬日聰明設計   暖手杯近距離取暖
by / on 05/01/2014 at 4:01 pm

冬日聰明設計 暖手杯近距離取暖

呢兩日回暖,不過真正凍嘅日子仲有好多日,忽冷忽熱好易病,唔好輕敵。冬天好易手腳冰冷,呢個叫ToastyMUG嘅暖手水杯就相當好駛。杯身兩邊有個好似手袖嘅位置,比你將雙手攝入杯身近距離取暖,保證拎得實唔會跌,由於雙層設計,杯內嘅飲品保溫時間仲會加長。由意大利設計師Sabrina Fossi設計,有湖水綠同埋灰白色兩款任揀,賣港幣$450左右,都幾貴。

Read more ›
黑武士Dark Force水杯 無聊自轉沖華田
by / on 19/11/2013 at 2:29 pm

黑武士Dark Force水杯 無聊自轉沖華田

我想做絕對武士, 不過原力並無與我同在, 好彩! 我仲有機會感受到Dark Force! 成件事好簡單, 只要13.99英鎊, 我就可以令個杯裏面啲水自己轉, 沖好立克或華田時自己攪勻……設計師真係好聰明, 點解你會知我係手跛架!?

Read more ›
簡約溫度杯    邊飲邊量度水溫
by / on 20/10/2013 at 2:44 pm

簡約溫度杯 邊飲邊量度水溫

杯呢啲嘢,可以好講究,亦可以好求其。有人沖杯咖啡都要計幾多度嘅水最夾,如果你都係咁認真嘅人,呢隻Smart Mug啱晒你。杯面可以顯示杯入面液體嘅溫度,好似有人會認為白茶要幾多幾多度飲先唔會苦澀,如果你係品茶之人,不妨買隻玩吓,Kickstarter集資中。有網民話實用度高,不過個LED溫度計設計老土cheap cheap哋,我又唔覺喎,你點睇?

Read more ›

《半沢直樹》又嚟新產品    「十倍奉還」貼紙水杯開訂
by / on 14/09/2013 at 4:21 pm

《半沢直樹》又嚟新產品 「十倍奉還」貼紙水杯開訂

日劇《半沢直樹》喺日本真係勁hit,每個星期都有新產品公佈,「上司嘅失敗係下屬嘅責任,下屬嘅功勞係上司嘅功勞!」同埋「十倍奉還」令我哋呢啲打工仔睇到熱血沸騰!今次嘅新產品金屬貼紙同埋辦公室必備嘅水杯,都係用返上面嗰兩句經典對白,雖然出到有啲濫(因為係Bandai出品嘛),不過受壓啲打工字真係好需要發洩,而家有得訂,最快9月底有貨。

Read more ›
杯的藝術 LEGO杯任砌 熱飲攝大脾
by / on 04/03/2013 at 3:28 pm

杯的藝術 LEGO杯任砌 熱飲攝大脾

編輯苦茶成日都提住我哋,每日要飲8杯水……無論你飲水又好飲咖啡又好,有個靚嘅水杯放喺枱面,人都精神啲。不過,水杯唔一定放喺枱面,你可以夾喺脾罅,又可以放喺膝頭哥上面,外國就有設計師設計咗一系列獵奇水杯,仲有LEGO杯任你砌,砌四個轆俾佢都得。不過講到最正,係有個杯係有個塞跟埋嘅,隨身拎走個塞,咪可以杜絕其他人用你隻杯囉,高招。

Read more ›
黑武士簡約水杯  全球限量100隻
by / on 05/02/2013 at 11:01 am

黑武士簡約水杯 全球限量100隻

本來普通一隻杯無乜值得寫,不過我個人認為呢隻Star Wars黑武士杯真係幾靚,白底襯3D線條黑武士大頭,夠簡約、低調,似我性格。呢隻杯由倫敦藝術家Kane Call設計,全球限量100隻,每隻杯底有號碼,杯身仲有作者簽名,賣美金約$20,不過除非你住英國,否則要比多一倍價錢做運費。

Read more ›