Post Tagged with: "水"

【有片】泳池中二病發 發動水屬性防衛能力
by / on 27/07/2019 at 8:24 pm

【有片】泳池中二病發 發動水屬性防衛能力

雖然係好中二,但呢幅水牆可以防衛到吹氣系球狀攻擊,嗰吓係令人好想下次落水時試吓……

Read more ›

【斷正】日本喵星人偷飲「神枱水」     人贓並獲大量共犯
by / on 26/08/2018 at 3:48 pm

【斷正】日本喵星人偷飲「神枱水」 人贓並獲大量共犯

之前都有唔少貓奴分享過,啲喵星人特別鍾意瞓神枱,最近有日本網民分享,話屋企神枱位嘅水成日無晒,有次俾佢捉到嘞,原來屋企隻喵成日上去偷水飲!今次仲要斷正俾佢影埋相。張相放上Twitter後好多人RT,仲有網民分享佢屋企隻貓嘅相同罪行,好多罪證!入嚟有得睇。

Read more ›
有片:冰火可以共融!鑿結冰湖面生火煲咖啡!
by / on 06/01/2016 at 9:15 pm

有片:冰火可以共融!鑿結冰湖面生火煲咖啡!

睇咁耐公仔書,個人認為最唔合情理嘅武功係甚麼「冰火N重天」,冰溶為水,水滅火,火蒸發水,物理定律從來都係冰火不融,算你幾骨骼精奇,練火就練火,練冰就練冰,點可以兩樣都練成架?卻原來喺奇妙的大自然裡面,冰真係能夠生火,片中人喺結冰湖面鑿一個窿,之後劃火柴,蓬一聲,冰面真係生火喎,火力仲猛到可以煲咖啡,神奇!原理係乜?因為冰底儲存咗天然甲烷,甲烷溝埋氧氣會變得極度易燃,所以一劃火柴即著火,明未?

Read more ›
有片:畫面超靚!打後空翻噴火!慢鏡爆汽球!
by / on 28/12/2015 at 8:00 pm

有片:畫面超靚!打後空翻噴火!慢鏡爆汽球!

嘩,又係「Slow Mo Guys」呀,特技人上身呀,打後空翻呀,仲要凌空噴火呀,噴火想燒爛裝滿水嘅大汽球呀。為乜要咁做?唔知呀,不過喺慢鏡頭下,畫面真係好靚,不論係火燄形態,連水跌落地面嘅去勢都咁好睇,仲要自己件衫都辣著埋添,咁落力,抵畀十個叻。

Read more ›
有片:2公升水加4公升滾油 烈燄沖天
by / on 26/11/2015 at 9:00 pm

有片:2公升水加4公升滾油 烈燄沖天

冷水倒入滾油會點?火勢會更加猛烈囉。為乜要咁做?我都唔知架,淨係知將兩升冷水倒入四升滾到瀉咁滯嘅熟油,會即時標出一團蘑菇狀火燄,非常非常危險囉。火勢好猛烈,畫面好震撼,做實驗位人兄都醒,預先full gear防火衣,如果唔係?肯定頭髮都燒光呀。

Read more ›
有片:鉛筆對穿密實袋!居然唔漏水!
by / on 02/09/2015 at 9:45 pm

有片:鉛筆對穿密實袋!居然唔漏水!

水遇冷變冰,遇熱變番水,再熱啲就變水蒸氣,大眾對水嘅認識,我諗大致都係咁上下。睇完呢條片,你會發覺原來水都可以咁好玩,密度、表面張力、顏色、水壓、溫度唔同,會做成千變萬化嘅物理反應同視覺效果。成條片最令我O嘴一幕係,裝滿水嘅密實袋畀幾支鉛筆對頭穿過,居然唔會漏水,呢鋪真係學吳若希話齋:「點解嘅?點解嘅?」唔係吹水,我有諗過自己試一次……

Read more ›

可樂還原變成水   特製蒸餾系統
by / on 05/11/2014 at 7:15 am

可樂還原變成水 特製蒸餾系統

好哋哋一支可樂,點解要咁嘥料將佢還原成一支水?呢位超現實科學家Helmut Smits最近趁荷蘭設計週,研發咗個專門將可樂還原成水嘅儀器。呢個蒸餾系統叫「The Real Thing」,做法係將可樂隔水煲滾,然後將佢嘅水蒸氣經透明管道滴漏去另一個杯度。Smits就話咁做希望令消費者反思佢哋平時飲用同消費係幾咁無謂。唔,我就覺得佢呢個設計其實都有少少無謂。

Read more ›
網圖分享:神之筆觸水中人
by / on 15/09/2014 at 5:09 pm

網圖分享:神之筆觸水中人

我鍾意水,不過係水為財嗰種水,委內瑞拉藝術家Gustavo Silva Nunez亦鍾鍾意水,不過係鍾意畫水,不但擅畫紋絲不動嘅水面,彈到周圍都係嘅水滴、大蓬大蓬嘅水花,甚至由水底衝上水面嘅氣泡,佢一樣畫到真嘅一樣。佢仲好搞笑地替作品影相,單影作品,因為太似,你會以為係一張相而唔係一幅畫;如果加埋佢自己本尊入圖,你會錯覺以為佢同「水中人」有溝通,拉緊「水中人」上水,厲害厲害。

Read more ›
有片:天、水、冰山、白雲 真嘅一樣
by / on 19/05/2014 at 11:30 am

有片:天、水、冰山、白雲 真嘅一樣

無固定形態嘅東西難畫,例如水,得一隻顏色嘅東西都難畫,例如冰山,而Zaria Forman呢個靚女藝術家,就勁到可以一筆筆畫出嚟,仲要似到唔話你知,你會以為係相,而唔係畫。

Read more ›
新片速報 獵奇實驗 聲波玩水柱 泡泡爆乾冰
by / on 17/03/2013 at 2:10 pm

新片速報 獵奇實驗 聲波玩水柱 泡泡爆乾冰

其實呢個水柱加聲頻造出嘅旋轉、倒流水柱效果,好多人都應該睇過,效果真係好奇幻,而呢個YouTube頻道就發佈咗第二段「Amazing Water & Sound Experiment」,唔同頻率嘅聲波製造出唔同嘅視覺效果,更加好睇。睇番佢啲舊片,原來好有實驗精神,再之前一條玩乾冰,加水之後喺面搽浸泡泡,之後谷到爆開,好壯觀!

Read more ›