Post Tagged with: "毛毛蟲"

【新片速報】日本超hea黑貓無視毛毛蟲玩具 搞笑影片Twitter熱傳
by / on 09/07/2019 at 7:51 am

【新片速報】日本超hea黑貓無視毛毛蟲玩具 搞笑影片Twitter熱傳

呢隻日本嘅黑喵「もも」超搞笑,主人拍咗段片,面對新玩具嘅佢表現超懶散,無論條毛毛蟲點樣搞佢,佢都係保持hea嘅姿勢,超可愛,入嚟有片睇。

Read more ›

有片:昆蟲唔識條鐵識藝術 藝術家用毛毛蟲作畫
by / on 11/04/2017 at 4:15 pm

有片:昆蟲唔識條鐵識藝術 藝術家用毛毛蟲作畫

藝術嘅嘢,我哋識條鐵咩?我哋唔識,但藝術家Steven Kutcher識,唔只Steven Kutcher識,連昆蟲都識。藝術家將唔同顏色嘅無毒顏料搽喺毛毛蟲呀、金龜子呀等等昆蟲身上,之後任由佢哋打橫打直打斜打圈不規則亂咁喺畫紙上面爬,用昆蟲走過嘅足跡完成一幅幅畫作。完成畫作後,Steven Kutcher都好細心,會同佢啲寶貝昆蟲沖番涼……講真,呢啲畫,照計你我他都識得畫,係敢唔敢畫啫。

Read more ›
【P圖大戰】毛毛蟲揸竹葉變激光劍 網民狂改突入《龍貓》場景
by / on 24/09/2016 at 11:37 am

【P圖大戰】毛毛蟲揸竹葉變激光劍 網民狂改突入《龍貓》場景

首先呢條毛毛蟲都幾得意嘅,但無端端成為咗網民嘅P圖對象就有啲無辜。最近外國Reddit嘅網民又嚟P圖大戰,今次嘅對像係呢條拎住支竹嘅毛蟲,網民發揮創意,將佢P入龍貓動畫入面,仲有星戰、戰場、垂釣、比卡超,連食煙嘅GIF都出動埋,好正。BTW,唔好放大隻蟲嚟睇,其實睇真啲個嘴都幾恐怖。

Read more ›
有片:宇宙Gem毛毛蟲裙 梅麗史翠寶/老佛爺齊嗌頂唔順
by / on 12/04/2016 at 9:30 pm

有片:宇宙Gem毛毛蟲裙 梅麗史翠寶/老佛爺齊嗌頂唔順

YouTube頻道「CapTV」,即係Cap來Cap去喇,今次呢條《潮流教主の繼承者》笑到我Gap Gap聲。抽邊個水?之唔係衣著品味異常出人意表嘅宇宙Gem囉,一襲中空白色長裙,卻不見應見之事業線,反見肉色疑似腰封物體,俾網民揶揄為毛毛蟲爬上身,叫佢不如著番皮褲咁話。呢條片先由TVB《潮流教主》主角陳豪出場,之後將《穿Prada的惡魔》裡面嘅梅麗史翠寶、老佛爺Karl Lagerfeld等戲裡戲外真正潮流教主Cap埋一齊,配埋「嘩,佢做乜X嘢呀?」、「啲蟲好真呀,好有生命力。」、「呀,究竟啲蟲喺邊度爆出嚟嘅呢?」等等抵死對白,睇完你唔笑,我寫個服字畀你。

Read more ›
日本twitter熱傳回帶 搣橙的藝術教學 蜜柑變毛毛蟲
by / on 10/01/2015 at 1:48 pm

日本twitter熱傳回帶 搣橙的藝術教學 蜜柑變毛毛蟲

日本人好鍾意食蜜柑,每年冬天喺Twitter都會瘋傳一啲奇妙食法,好似將佢搣開變成一條毛毛蟲,睇落好似好複雜,其實唔難。有人就喺網上示範,首先將個蜜柑嘅頭同尾切走,然後中間劃一刀,再將個蜜柑拉開就搞掂,入嚟有圖解跟住做。最後梗係要喺橙皮上面畫返對眼,咁先似毛毛蟲o架嘛!啱啱喺雪櫃拎咗個橙嚟試,堅容易,啲橙仲可以一片片搣出嚟食,不過記住要小心唔好切咁入,否則啲橙汁就會咇晒出嚟。

Read more ›
你睇o下o的蟑螂幾乞人憎‧仲唔人手捽死佢?
by / on 18/12/2012 at 12:00 pm

免費手機新Game:聖誕殺牠死

臨近聖誕節,梗要搵番啲聖誕主題Game畀大家,推介「聖誕節吸血鬼目標」,顏色鮮艷,畫面紅紅綠綠,用埋聖誕歌做背景音樂,好鬼萬世歡騰Feel,應節啱玩。

Read more ›