Post Tagged with: "歐洲"

【圖集】《權力遊戲》fan遊遍歐洲 經典場景神還原
by / on 05/12/2017 at 7:37 am

【圖集】《權力遊戲》fan遊遍歐洲 經典場景神還原

好多電影迷都鍾意去返拍攝場景遊覽,不過好似呢位旅遊blogger Andrea David咁專就比較少見。佢係美劇《權力遊戲》嘅fans,呢套劇拍攝咗足足7季,地點無數咁多,佢去咗大量景點仲拎埋電影劇照比對,好勁。踏足嘅地方包括冰島、北愛爾蘭、西班牙、馬爾他、克羅埃西亞等等,最佩服係連雪地、森地佢都可以準確搵到拍攝位置,入嚟有得慢慢欣賞。除咗《權力遊戲》,其他電影例如蜘蛛俠、賤熊等等都有得睇,想睇記住follow埋佢IG嘞。

Read more ›

有片:隊長唔係美國獨有!有請Captain Europe出場!
by / on 08/06/2016 at 9:15 pm

有片:隊長唔係美國獨有!有請Captain Europe出場!

係囉,點解只可以美國先有隊長,歐洲N咁多個國家,Captain Europe一樣得啫。呢條片我笑得出呀,依國旗顏色、地理位置、藝術喜好、飲食習慣、民族性、歷史、方語等等列舉歐洲各國隊長特徵,包括唔怕面懵問人借錢嘅希臘隊長、因雞同鴨講未能交代身後事嘅瀕死蘇格蘭隊長、冰天雪地打大赤肋隊酒嘅芬蘭隊長、喺舊區揈手揈腳自High嘅俄羅斯隊長、自私自利見死不救嘅挪威隊長、炸彈就快爆仍堅持保持中立嘅瑞士隊長、出發前不忘隊番支啤酒嘅德國隊長、企圖透過砌Lego挽救世界嘅丹麥隊長、食餐飯都要拗到面紅耳綠嘅意大利隊長、疑似吸血彊屍化身嘅羅馬尼亞隊長、一味No來No去嘅瑞典隊長、飲醉酒嘅西班牙隊長、矢志拯救世界嘅英國隊長、頹廢法國隊長等等等等……識睇一定睇對白,例如希臘家陣窮到就嚟破產,所以希臘隊長一出場就問人借錢,成條片係幾有心思嘅。

Read more ›
【留低貓毛】肥喵Daisy遊世界 高品味喵生活
by / on 09/08/2015 at 3:27 pm

【留低貓毛】肥喵Daisy遊世界 高品味喵生活

做有貓奴錫嘅喵星人真好,唔駛工作每日都可以食玩瞓,如果主人有錢有車又鍾意旅遊就仲爽,好似呢隻叫Daisy嘅肥貓,跟主人世界各地周圍去,睇佢嘅Instagram,去嘅地方勁多,維也納、羅馬、威尼斯、德累斯頓、亞爾卑斯山、布拉格,世界各地都留低佢嘅貓毛,好威威。不過見佢個表情好淡淡然,可能佢諗:「不如比我返屋企瞓晏覺仲好啦。喵。」

Read more ›
新片速報    Wii U新手掣流出?    歐洲版廣告有可疑
by / on 15/12/2014 at 7:20 am

新片速報 Wii U新手掣流出? 歐洲版廣告有可疑

好耐無聽過任天堂嘅消息,早兩日佢哋有段歐洲版嘅WiiU電視廣告放咗上YouTube,好快就吸引到外國傳媒嘅留意,因為大家隱約見倒個Wii U手掣似乎唔同咗,最主要係個芒大咗,雖然全程部機out focus,都逃唔過大家嘅法眼,大家就估究竟呢個係咪即將會公佈嘅新手掣?不過睇返個手掣嘅背面,似乎又無乜分別,究竟係咪唔覺意洩漏咗定一場誤會?大家自己判斷吓。

Read more ›
歐洲最高景點    1036米高玻璃屋腳都震
by / on 28/12/2013 at 3:31 pm

歐洲最高景點 1036米高玻璃屋腳都震

每次行經玻璃地面我個心都會震一震,唔知算唔算係畏高嘅一種?不過法國阿爾卑斯山呢間玻璃屋新景點「Step Into the Void」先算係真正嘅恐怖!呢個歐洲最高嘅景點,咗入去就可以感受到喺1036米高嘅震憾(腳震)感,雖然個雪山景好靚,不過我自問唔夠膽試。比個概念大家,香港最高嘅環球貿易廣場(ICC)高484米,姚明高2米26,對比呢間玻璃屋,即係大約等於兩座ICC或者458個姚明咁高!

Read more ›
人有相似   《Demon’s Souls》侍奉如廁
by / on 16/03/2013 at 1:31 pm

人有相似 《Demon’s Souls》侍奉如廁

其實個廁紙架唔係好關game事,不過裝呢隻嘢喺廁所真係好有霸氣。類似中古時代歐洲騎士,睇真啲仲有啲似之前出過嘅PS3遊戲《Demon’s Souls》封面主角。有佢侍奉如廁,實可以排除萬難。amazon開價美金64蚊,見佢手功咁精細又硬淨,我覺得比得過,不過包唔包埋卷廁紙先?

Read more ›