Post Tagged with: "權力遊戲"

Xbox神秘預告 《權力遊戲》新作即將推出?
by / on 07/05/2019 at 8:50 pm

Xbox神秘預告 《權力遊戲》新作即將推出?

播緊最後一季,仲有兩集,大家都好緊啦?呢個時候,Xbox就出咗段影片,見到有光有鱗片,而且仲有人發現個章就係《Game of Thrones》入面Targaryen家族嘅徽號,咁即係……應該要等E3?

Read more ›

《Game of Thrones》鐵王座咭片座 邊個坐上皇座?
by / on 03/04/2019 at 7:48 am

《Game of Thrones》鐵王座咭片座 邊個坐上皇座?

美劇《Game of Thrones》最後一季今個月14日開播,作為fans期待得嚟又好唔捨得,究竟最後邊個會坐上Iron Throne鐵王座?Dark Horse亦都推出呢個鐵王座咭片座,手功睇落幾精緻,用咗佢,你就係坐鐵王座嗰位嘞,每個賣美金19.99,6月19日發售。BTW,外國已經開咗賭盤,你估邊個會坐上皇座?

Read more ›
【圖集】《權力遊戲》fan遊遍歐洲 經典場景神還原
by / on 05/12/2017 at 7:37 am

【圖集】《權力遊戲》fan遊遍歐洲 經典場景神還原

好多電影迷都鍾意去返拍攝場景遊覽,不過好似呢位旅遊blogger Andrea David咁專就比較少見。佢係美劇《權力遊戲》嘅fans,呢套劇拍攝咗足足7季,地點無數咁多,佢去咗大量景點仲拎埋電影劇照比對,好勁。踏足嘅地方包括冰島、北愛爾蘭、西班牙、馬爾他、克羅埃西亞等等,最佩服係連雪地、森地佢都可以準確搵到拍攝位置,入嚟有得慢慢欣賞。除咗《權力遊戲》,其他電影例如蜘蛛俠、賤熊等等都有得睇,想睇記住follow埋佢IG嘞。

Read more ›
【新片速報】Jon Snow分享私密片 愚人節嚇爆未婚妻
by / on 11/10/2017 at 7:53 am

【新片速報】Jon Snow分享私密片 愚人節嚇爆未婚妻

Kit Harington,即係美劇《權力遊戲》嘅Jon Snow啦,佢喺劇集入面chok爆,不過現實生活中其實佢好玩得。最近佢上電視節目做訪問,期間分享咗一段佢整蠱未婚妻Rose Leslie嘅短片。當日係愚人節,Rose一向無玩開,而Jon Snow就將自己個頭嘅蛋糕放咗入雪櫃嚇佢。而被偷拍嘅Rose嘅反應超正,當然事後佢都嬲爆,話以後唔准Jon Snow咁做。不過Jon Snow喺訪問就話呢啲係結婚包埋嘅,即係似乎陸續有嚟。其實佢唔好太天真,話唔定Rose已經密謀緊報復行動。

Read more ›
有片:型爆《權力遊戲》「鐵王座」!外國網民用劍仔DIY電話插座!
by / on 21/09/2017 at 4:00 pm

有片:型爆《權力遊戲》「鐵王座」!外國網民用劍仔DIY電話插座!

呢個型到一個點嘅《Game of Thrones》「鐵王座」電話叉]充電座,我都想要呀,不過無得買,因為係DIY嘅,材料有木、角鐵、海棉同最重要嘅劍仔。無錯,就係細細個我哋喺士多買嘅膠劍仔,有刀有劍有戟有盾有纓槍有斧頭五顏六色嗰種呢,斷估大家都玩過。製作方法條片有教,不外乎用木頭砌凳、轉窿藏叉電線、用熱溶槍黐劍仔,望落唔難最緊要係心機,埋尾噴黑佢,Wow,型到呢……不過話時話,依家呢啲膠劍仔都賣得好貴吓,上次我買咗一包,$70得二三十支,懷舊嘢喎,所以咪賣得貴囉,拎到返屋企,我覺得自己好笨吓。

Read more ›
【回帶圖】《權力遊戲》角色對比圖 皇后/兵長好後生
by / on 29/08/2017 at 7:08 am

【回帶圖】《權力遊戲》角色對比圖 皇后/兵長好後生

《權力遊戲》第七季播完嘞,未睇嘅要小心喺網上睇到劇透。唔駛驚,今次呢篇報導係回顧返各位角色年輕時候嘅樣,由奸到出汁嘅皇后,越嚟越霸氣嘅龍母,以至勁chok嘅Jon Snow都有。不過最驚喜可能係龍媽身邊隻兵長,後生時皮膚白滑仲好多頭髮,如果呢個時候喺劇入面出現,可能唔駛做兵。

Read more ›

【相集】《權力遊戲》松鼠版 射巨龍坐皇座
by / on 27/08/2017 at 1:26 pm

【相集】《權力遊戲》松鼠版 射巨龍坐皇座

《權力遊戲》第七季播埋聽日最後一集就完,即刻話距離第八季最後一季又近咗一步,好唔捨得。外國攝影師Geert Weggen就搵咗班紅松鼠模仿返劇集入面嘅場景,例如松鼠用箭射巨龍、騎馬對付白鬼,之後仲學人坐上皇座,一啲都唔驚險,但又好搞笑,同埋應該好難拍,難怪見到有粒果實塞咗落骷髏頭隻眼度。

Read more ›
【新片速報】《權力遊戲》Jon Snow扮火龍    龍媽開心拍片放IG
by / on 20/08/2017 at 7:26 am

【新片速報】《權力遊戲》Jon Snow扮火龍 龍媽開心拍片放IG

《權力遊戲》第七季去到尾聲,fans實好唔捨得睇完佢啦,最重要梗係連behind the scenes都要睇埋。龍媽Emilia Clarke啱啱就放咗段片上IG,睇到佢同Jon Snow玩得好開心,Jon Snow仲扮飛龍拍翼,同平時cool爆嘅形象好唔同,睇返之前仲有兩個人嘅合照,Jon Snow戴咗眼鏡之後斯文晒,入嚟有得回帶,不過小心留言有劇透!

Read more ›
《權力遊戲》Jon Snow毛毛披肩來自IKEA 官方教學DIY
by / on 16/08/2017 at 7:44 am

《權力遊戲》Jon Snow毛毛披肩來自IKEA 官方教學DIY

美劇《Game of Throne》入面Jon Snow成日披住件毛毛披肩好有型,原來呢件披肩來自IKEA。之前劇入面嘅服裝師Michele Clapton喺訪問度透露咗,而IKEA最近就教埋大家點樣自製。本身係一塊毛毯,名稱係SKOLD,香港賣緊$359,要變做披肩就要先剪個圈,基本上唔駛點教都識,Winter is coming!大家買定塊返屋企準備吓嘞。 資料來源:http://www.ikea.com/hk/zh/catalog/products/80318938/?query=SKOLD

Read more ›
《Game of Thrones》龍蛋調味料 仲有龍媽背囊(!)
by / on 20/07/2017 at 7:00 am

《Game of Thrones》龍蛋調味料 仲有龍媽背囊(!)

等咗咁耐,第七季嘅《Game of Thrones》終於開播嘞,未睇嘅唔駛驚我哋唔會劇透,今次想介紹嘅係ThinkGeek推出嘅龍蛋調味罐,有齊3粒龍蛋,兩粒蛋放調味料,一粒用嚟放牙籤,賣美金$24.99,放喺屋企好霸氣。除咗調味料,ThinkGeek仲出咗個龍媽背囊(!)同埋龍蛋餅乾罐(!),入嚟有得開吓眼界。

Read more ›
《Game of Thrones》主角變造型     幫《TIME》影超華麗封面
by / on 14/07/2017 at 7:22 am

《Game of Thrones》主角變造型 幫《TIME》影超華麗封面

下星期一就有得睇最新一季嘅《Game of Thrones》,上一季仲係爛身爛勢嘅佢哋,最近幫《TIME》影咗輯封面相,個個換晒華麗靚衫,女嘅靚男嘅姣,全部都係由攝影師Miles Aldridge操刀,睇完好想快啲到下星期一呀!

Read more ›

【有片】權力遊戲定RPG?韓國總統選舉玩好大
by / on 10/05/2017 at 7:02 pm

【有片】權力遊戲定RPG?韓國總統選舉玩好大

噚日(9日)韓國總統選舉,咁韓國電視台梗係要直播啦,但佢哋唔只就咁播吓選情睇吓實況,而係製作咗一段史詩式權力遊戲級數嘅影片,又騎火龍又變騎士又盛,唉最衰香港選完吖,如果唔係可以學吓吖,咁林太同薯片叔會係咩角色呢?

Read more ›
【有片】《權力遊戲》私生子之戰 幾多CG幾多真?
by / on 03/07/2016 at 12:44 pm

【有片】《權力遊戲》私生子之戰 幾多CG幾多真?

《Game of Thrones》第6季終於完咗,睇晒嘅終於唔駛怕劇透啦?尾二嗰集真係好精彩,尤其係嗰場「Battle of the Bastards」,拳拳到肉嗰吓真係睇到咬牙切齒。咁多人多馬又野人又巨人,到底有幾多係CG?由Australian VFX studio Iloura製作嘅片段就睇到佢哋點樣加工。電視劇都有呢個製作費,果然係出名製作費高昂。

Read more ›
【有片】Winter is Coming有咩Game?《權力遊戲》特別版Xbox One主機
by / on 30/06/2016 at 12:03 am

【有片】Winter is Coming有咩Game?《權力遊戲》特別版Xbox One主機

Winter嚟咗6季都仲未嚟,要買機真係要睇嚟緊今年秋冬季仲有咩Game出。睇呢段《Game Of Thones》特別版主機影片,就好似睇緊劇集個片頭咁,個手掣好靚,唔知有冇包埋龍媽主題……咁到底點解會出《Game Of Thones》主機呢?因為出碟,而且呢部機只係喺法國有,抽獎獎品嚟。

Read more ›
【又嚟P圖大戰】《權力遊戲》Peter Dinklage踩滑板車 殺入戰場鑿地
by / on 25/06/2016 at 1:36 pm

【又嚟P圖大戰】《權力遊戲》Peter Dinklage踩滑板車 殺入戰場鑿地

美劇《權力遊戲》劇情越嚟越緊湊,劇外大家都可以輕鬆吓嘅。劇中多計嘅矮仔Peter Dinklage最近俾人影喺紐約街頭踩scooter滑板車,網民又乘機展開PS大戰。又Walking Dead又海綿寶寶,連Mad Max同戰狼300都出埋,整整吓仲變埋鑿地,超正。

Read more ›