fbpx

Tag: 橫濱

橫濱Gundam開幕 現場發現可疑人物 疑為自護公國間碟

橫濱Gundam開幕 現場發現可疑人物 疑為自護公國間碟

噚日12月19日,日本東京横浜・山下ふ頭嘅GUNDAM FACTORY YOKOHAMA先正式開幕,估唔到咁快就發現到有可疑人物進入呢個地球連邦軍軍事重地,有連邦軍人喺Gundam旁高空發現佢哋,之後仲發現原來佢哋揸埋架豐田馬沙專用車泊咗喺停車場,係咪拉得?

Read more ›

【有片】日本橫濱Gundam搞成點?夜晚著燈咁嘅樣

【有片】日本橫濱Gundam搞成點?夜晚著燈咁嘅樣

日本橫濱「GUNDAM FACTORY YOKOHAMA」1比1可動高達開幕時,睇嚟我哋都未必可以親身去睇,咁都要隔住個mon跟進吓嘅。呢位日本專家又影咗夜晚試燈同埋日頭整緊膞頭嘅情況。

Read more ›
【有片】橫濱高達「進捗報告会」 睇建造過程睇埋模型

【有片】橫濱高達「進捗報告会」 睇建造過程睇埋模型

我諗開幕嗰陣,我哋都未可以去到旅行,希望下年去到睇啦?講緊係橫濱「GUNDAM FACTORY YOKOHAMA」隻1比1可動高達。啱啱網上有「進捗報告会」片睇,23分鐘,睇佢製作過程,之後再睇埋9月發售嘅模型。

Read more ›
日本橫濱「大便展」吉祥物有手尾     拎住廁所四圍走

日本橫濱「大便展」吉祥物有手尾 拎住廁所四圍走

好玩唔玩,玩屎?日本人一向百無禁忌,嚟緊東京橫濱市就有個大便展「Unko Musemu」舉行 (喺日本,大便嘅發音係Unko(うんこ)),到時會有不同裝置嘅大便小遊戲、影相區,仲有當然唔少得有吉祥物!個人認為隻吉祥物好高質,仲好衞生。外型有啲似米芝蓮人,特徵係長期會帶住個廁所四圍走,咁就唔會周街屙喺地嘞。展覽由3月15日至7月15日期間限定舉行,去開日本又想開吓眼界可以去行吓。

Read more ›
日本「蛋黃哥」5周年慶祝活動    橫濱食買玩冬甩超可愛

日本「蛋黃哥」5周年慶祝活動 橫濱食買玩冬甩超可愛

唔講唔覺,蛋黃哥原來已經5周年嘞。除咗今年喺大阪有主題餐廳慶祝之外,嚟緊3月31日一連兩日會喺橫濱嘅紅磚倉庫舉行活動。今次蛋黃哥變咗水手,有大量精品推出,仲有好多主題食物,其中個冬甩同埋白飯都好搞笑,fans而家開始計劃都未遲,不過留意返記住網上預訂入場券。

Read more ›
【有片】橫濱摩天輪變精靈球 巨型比卡超現身

【有片】橫濱摩天輪變精靈球 巨型比卡超現身

今年夏天,又有大量《Pokémon》比卡超出動啦,咁喺「横浜観覧車」呢個摩天輪,去到8月15日晚都會有呢個燈飾表演,個摩天輪高108米喎!超巨型比卡超加超巨型精靈球!

Read more ›

【有片】超正!橫濱酒店外牆投影 《Final Fantasy》30周年龍神來襲!

【有片】超正!橫濱酒店外牆投影 《Final Fantasy》30周年龍神來襲!

之前都報過,嚟緊聽日(10日)同後日,都會有呢個《Final Fantasy》官方同「横浜市」嘅合作活動,繼電車有FF勝利音樂外,喺InterContinental Yokohama Grand酒店附近仲可以睇呢個「海洋都市ヨコハマ『龍神バハムート、襲来』」投射mapping表演。啱啱見到有預演嘅影片,好正!襯埋水晶音樂,喺現場應該超感動!時段會係19時20分、19時50分、20時20分、20時50分、21時20分幾個時段,可以坐船坐摩天輪或者喺橋上面睇!

Read more ›
【新片速報】橫濱車站播Final Fantasy音樂    6月FF迷必到

【新片速報】橫濱車站播Final Fantasy音樂 6月FF迷必到

今年係Final Fantasy系列嘅30週年紀念,作為FF迷,今個6月應該要去日本橫濱走返轉。呢兩日Twitter好多人放片,因為佢哋喺車站聽到Final Fantasy嘅主題音樂呀!由噚日開始至7月7日,橫濱港未來站嘅列車會響起FF音樂,另外會有1000張FF紀念單日車票發售。仲有嚟緊喺140米高嘅「橫濱洲際酒店」外牆投射有巴哈姆特來襲嘅影片,FF迷快啲請假喇。

Read more ›
日本橫濱街頭驚現聖誕老人      Twitter熱傳事發圖

日本橫濱街頭驚現聖誕老人 Twitter熱傳事發圖

如果係慶典活動見到無咁震憾,但係喺日本街頭夜媽媽見到聖誕老人騎鹿車,呢件事真係幾似發緊夢,難怪張相放上Twitter後勁多人RT。事發地點喺日本橫濱,不過睇真啲係馬車而唔係鹿車嚟嘅。之後有網民留言,原來呢度係橫濱嘅馬車道,慶祝活動時間中都會有馬車喺路上行走。仲有好多網民分享聖誕老人花絮相,以及喺唔同地方見到嘅聖誕車,入嚟有得感受吓節日氣氛。

Read more ›
日本網民出圖 橫濱起霧仙境一樣

日本網民出圖 橫濱起霧仙境一樣

有時大霧嘅景色都可以好靚,好似呢位網民就喺近海嘅橫濱影到呢一幕……佢出咗幾張圖之後,當然有其他人回應,出圖之餘有人話諗起《The Mist》呢套戲,又有人諗起天空之城。話時話,《The Mist》真係幾好睇。

Read more ›
新片速報 日本車站換晒比卡超 橫濱1000隻比卡超即將出動

新片速報 日本車站換晒比卡超 橫濱1000隻比卡超即將出動

上年日本橫濱都搞過比卡超大型活動,今年繼續有1000隻比卡超會出動喺街頭巡遊!而噚日喺Twitter就有網友率先分享咗櫻木町駅嘅車站牌已經換咗比卡超款,仲有4款咁多,比卡超迷親身去唔到,睇吓相都開心吖。今年活動由8月8日至16日舉行,官方仲公開咗條宣傳片,有男有女有比卡超,一齊喺草地上奔跑,好不可思議呀!

Read more ›

獵奇影片 橫濱水著居酒屋 少女搾汁任你飲

獵奇影片 橫濱水著居酒屋 少女搾汁任你飲

  日本有Maid cafe就出晒名,好多香港動漫迷都去過啦?咁水著居酒屋呢?如果你唔想淨係食奄列飯再俾女僕們用茄汁吱個心,想飲番兩杯再唱吓歌,呢間橫濱嘅「居酒屋なつこ」就啱玩喇!佢有一群18歲至20歲左右嘅女侍應,全部著晒水著,你叫嘢飲佢會同你搾汁碰杯,仲會有埋樂器同你唱歌,見到個搖鼓搖搖吓,個沙搥又擺吓擺吓,真係令人血脈沸騰呀!日本有記者親身去咗,入嚟仲有片睇!唔好以為得好短呀,睇完一條會自動播第2條,有成12條片,慢用!

Read more ›