Post Tagged with: "機迷"

機迷樂土 Work from home必入電競床
by / on 01/03/2020 at 9:23 pm

機迷樂土 Work from home必入電競床

如果你有幸可以Work from home,當然要更俾心機工作啦,絕對唔可以喺工作時間打機嘅,最緊要自律性強老細先對你有信心嘛,所以,為表你可以抗拒誘惑,我覺得你好需要有呢個設置,咁先可以證明到你喺屋企工作係為咗可以抗疫同專心啲又慳番搭車時間,而唔係為咗偷懶做陣嘢又打兩舖再攤一陣……如果唔係捐你一個月糧俾GameoverHK買裝甲車o架。

Read more ›

日本「機迷專用」寒冬連身服 著名coser親身示範
by / on 26/11/2019 at 7:26 am

日本「機迷專用」寒冬連身服 著名coser親身示範

冬天又到,又係要收埋啲手腳打機嘅時候。日本嘅Damegi 4G推出咗呢套專為機迷打機而設嘅連身服,仲搵咗好萌嘅coser「伊織もえ」Iori Moe 做model示範,特製嘅質料可以鎖住身體嘅熱力,仲可以收埋隻手,連個頭都可以冚埋,賣17160円。另外有其他款有不同顏色,同場加映埋工人褲款,不過就無乜保暖效果嘞。

Read more ›
益阿婆 日本機迷發現壞掉電競椅的用途
by / on 11/11/2019 at 5:33 pm

益阿婆 日本機迷發現壞掉電競椅的用途

電競椅椅腳部份壞咗有咩用?呢位機迷就發現到仲有咩用途,就係放喺田度俾婆婆休息用,似乎幾爽。

Read more ›
啱晒香港機迷 隨時開壇打機空間
by / on 25/09/2019 at 9:23 pm

啱晒香港機迷 隨時開壇打機空間

香港啲屋咁細,要有自己空間打機或者打乜都好,唔容易嘅。日本就有呢個「ZESTRANSIR(ゼストランサー)」開賣,6480円就可以有私人空間,而且開收都好方便,130cm x 130cm x 150cm都唔算太阻地方,如果太焗可以開個頂,話可以遮光同隔到少少音,冬天保暖效果更佳。

Read more ›
咁啱唔啱先?日本成田機場變「孤島」 Pro Gamer開機訓練被鬧爆
by / on 11/09/2019 at 3:02 pm

咁啱唔啱先?日本成田機場變「孤島」 Pro Gamer開機訓練被鬧爆

事源因為台風15號,所以噚晚(10日)深夜成田空港就變成「陸の孤島」,有約1萬人被困,當中就有Pro Gamer想把握時間訓練自己。但係有人就鬧爆話因為噪音問題騷擾到人,又指出呢個時候唔應該用人啲電……

Read more ›
【新片速報】日本機迷打太鼓 少年突出現跳舞助慶
by / on 07/07/2019 at 12:32 pm

【新片速報】日本機迷打太鼓 少年突出現跳舞助慶

日本呢部太鼓之達人嘅打鼓機,喺機舖經常都好受歡迎,打嘅開心,估唔到睇嘅都興奮!有本網民同朋友去打機,諗位拍睇朋友嘅英姿,不過突然就有個男仔出現,仲企咗喺佢朋友後面跳舞助慶,表現投入!入嚟有片睇。

Read more ›

日本機迷超創意 《Apex Legend》畫面配《龍珠》音樂零違和
by / on 13/03/2019 at 7:57 am

日本機迷超創意 《Apex Legend》畫面配《龍珠》音樂零違和

有無玩《Apex Legend》?日本好多人玩緊,除咗大逃殺之外,有機迷仲諗到將遊戲同《龍珠》結合。呢段喺Twitter上熱傳嘅片由用戶@neko_kk2 製作,用咗《龍珠》嘅經典配樂「M8-11」,即係悟空變超級撒亞人打菲利嗰場用嘅音樂,用嚟配落Apex Legend嘅畫面度,佢仲專登做咗啲戲劇性嘅zoom in zoom out加強動畫效果,好正!臨尾仲有JoJo!網民都好欣賞佢嘅創意,段片已經超過100萬瀏覽,大家仲建議佢嚟緊整個Gundam版本,用嚟有片睇。

Read more ›
日本《薩爾達傳說》機迷結婚 蛋糕要拔劍Twitter熱傳
by / on 13/03/2019 at 7:10 am

日本《薩爾達傳說》機迷結婚 蛋糕要拔劍Twitter熱傳

日本真係有好多動漫遊戲迷,而佢哋都係時候成家立室嘞,所以成日見到有遊戲主題嘅婚禮,今次呢對新人係薩爾達迷,所以佢哋嘅結婚蛋糕都用呢隻遊戲做主題,切蛋糕變成拔劍,好型!不過把劍唔食得,但可以用嚟切蛋糕,蛋糕睇落似石頭但係食落又好柔軟喎,另外切餅期間仲播放遊戲主題曲,好有氣氛,留意返除咗把劍之外佢哋仲有埋盾牌,好齊心,入嚟有多啲相睇。

Read more ›
日本「真機迷」喵星人 超鍾意玩大亂鬥/Mega Man
by / on 10/02/2019 at 9:46 am

日本「真機迷」喵星人 超鍾意玩大亂鬥/Mega Man

作為喵星人,呢隻都算係真機迷。日本有網民喺Twitter分享咗段片,當時佢玩緊Switch嘅《任天堂明星大亂鬥》,不過電視機前嘅喵星人似乎玩得仲開心過佢,不斷追撲射出嚟嘅彈。之後樓主再分享多幾段片,原來隻喵仲好鍾意玩《Mega Man》,連打機揀角色嘅畫面佢都一樣好鍾意。而唔打機嘅時候佢就會玩另一隻貓條尾,超搞笑!入嚟有片睇。

Read more ›
機迷出圖 音樂人升Level的裝備及武器
by / on 23/09/2018 at 9:38 am

機迷出圖 音樂人升Level的裝備及武器

相信一定係遊戲迷先諗到咁玩。最近喺Twitter有幾張圖,分別被po主形容為Level 1、Level 16同Level 32,最後那一張的防禦力應該超高,可以屌打Boss啦?

Read more ›
日本機迷很忙錄 Online同時玩《FF11》6個角色 + 《DQ 10》2個角色
by / on 01/06/2017 at 2:26 pm

日本機迷很忙錄 Online同時玩《FF11》6個角色 + 《DQ 10》2個角色

呢位39歲已婚嘅Kagura,可能你都有印象之前睇過佢個打機房,除咗有超多珍藏外,佢仲要唔只儲,真係狂玩嘅,喺噚日(31日)嘅日本電視節目《マツコ&有吉 かりそめ天国》中佢上咗電視,喺呢個佢6年前整嘅「ゲーム御殿」入面,見到佢同時操控幾個角色……

Read more ›

【寂寞】日本爸爸沉迷打機致離婚 升呢為網上重遇女兒
by / on 22/04/2017 at 10:47 pm

【寂寞】日本爸爸沉迷打機致離婚 升呢為網上重遇女兒

呢個係一個悲慘嘅故事,話說喺早前《家、ついて行ってイイですか?》呢個電視節目入面,有一位43歲男人,佢好鍾意玩《勇者鬥惡龍》,當攝影師跟佢入屋企時,發現有兩把鎖,佢話原來之前俾人爆過入屋企,仲偷咗佢部PS4、《勇者鬥惡龍》版3DS,同埋兩張演唱會票尾。之後慘慘情節出嚟喇,佢喺《DQ X》入面有兩個角色,原來其中一個係以前佢個14歲女兒嘅,不過佢就係因為太沉迷打呢隻遊戲而導致4年前離婚……佢話嗰陣佢好鍾意坐喺佢女兒隔籬睇佢玩,可惜o依家佢連絡佢太太同女兒嘅機會都冇,講到呢度,佢話佢o依家好寂寞,佢好懷念以前嘅生活。提到佢女兒可能仲有玩《DQ X》,所以佢依然玩緊呢隻遊戲,繼續幫佢女兒嘅角色升level,希望有日會喺網上相遇……

Read more ›
有片:真心嬲爆!外國機迷發老脾!掟主機落街!
by / on 27/01/2016 at 2:15 pm

有片:真心嬲爆!外國機迷發老脾!掟主機落街!

好明顯,我係俾呢個YouTube頻道個名吸引嘅,同本網站一樣又係叫「GAME OVER」喎,乜咁橋嘅?講番條片,輯錄咗幾個幾好火氣嘅外國機迷,有男有女,打機過唔到關之嘛,居然嬲到喪爆粗、打爆Mon、亨爆Keyboard、掃檯掃凳、蹬手蹬腳、將部主機掟落街,甚至誇張到開拖摑朋友一大巴。查實打鋪機啫,Gameover咪再嚟過囉,唔使殺人咁款呀?打機本為娛樂,激親自己又何苦呢?

Read more ›
【有片】超強!全靠立體聲 失明機迷5年打爆《薩爾達傳說 時之笛》
by / on 05/01/2016 at 7:34 pm

【有片】超強!全靠立體聲 失明機迷5年打爆《薩爾達傳說 時之笛》

真心佩服。當我打機睇住打都成日冇耐性打唔爆嘅時候,失明嘅機迷Terry Garrett用咗差唔多5年嘅時間去打爆《薩爾達傳說 時之笛(Legend of Zelda Ocarina of Time)》,咁可能你會好奇,睇唔到點打呢?佢喺自己前面左右各放一個喇叭,咁就分到左邊同右邊嘅聲音,而且佢會用劈劍去探路,劈中牆就記住,喺腦入面刻劃屬於佢自己嘅地圖!由2011年5月8日拍片開始,到啱啱1月2日,佢終於爆機,佢仲留言話多謝fans支持佢先爆到機:「It has been long in the making, but I have finally accomplished my goal.」睇番佢YouTube頻道「MegaTgarrett」,佢仲有玩過《Guitar Hero III: Legends of Rock》、《Bit.Trip Runner》、《Oddworld: New ‘n’ Tasty》等遊戲。好喇,我都係時候搵番打咗一半嘅《Bloodborne》、《MGS V》、《人中之龍》等等等等遊戲出嚟……

Read more ›
新片速報 機迷火爆時刻     掟電視掟遊戲機瘋狂大嗌
by / on 19/08/2015 at 7:12 am

新片速報 機迷火爆時刻 掟電視掟遊戲機瘋狂大嗌

有乜係打機最嬲嘅事?比網友屈機迫死?死咗發現無Save?比屋企人經過擋住部電視?呢條片好勁,集合咗世界各地機迷打打吓機發脾氣嘅火爆時刻,有人扑爛部電視再掟落地,有人搵嘢狂掟部遊戲機將佢粉身碎受骨,仲有人瘋狂大嗌FXCK掟keyboard,扯火度勁過謝賢,攻擊力勁過甄子丹,雖然唔知佢哋嬲啲乜,但係睇見都覺得痛‥‥‥BTW,0:40嗰個男人嘅表現好正!

Read more ›