fbpx

Tag: 機械人

有片  初音女僕機械人  大跳AKB48「I want you~ ♬♪ ~」

有片 初音女僕機械人 大跳AKB48「I want you~ ♬♪ ~」

「I want you~ ♬♪ ~ I Need You~ ♬♪ ~」 一聽倒AKB48好紅嗰首〈ヘビーローテーション〉,亦即係國產SNH48嗰首《無盡旋轉》,我就忍唔住想喺巴士上面企起身跟住跳!可能呢個外國嘅YouTuber Dr. GIY都有同感,拍咗段跳舞片,主角就係同初音一樣紥孖辮,著重型女僕裝嘅機械人。機械人跳舞唔係第一次見,但係識跳咁複雜嘅舞步真係幾厲害。主人上年仲幫佢拍過另一條跳舞片,我見到背面有隻初音公仔,有理由相信佢呢個機械人係向初音致敬嘅。

Read more ›

我的機械人男友   自畫機械像   網上有得賣

我的機械人男友 自畫機械像 網上有得賣

情人節仲未諗到送咩比另一半?如果佢好鐘意機械人,搵人畫幅機械人畫像送比佢,我覺得都幾驚喜!外國藝術家Ben Rollman,可以幫你將相中人變成機械人,幾日時間就可以將作品寄去你屋企,有5”x7”同埋8”x10”兩款呎吋任揀,價錢港幣$200(細)/$320(大),豐儉由人,老實,我覺得畫得相當唔錯,你仲可以寄張狗仔相過去,佢畫機械狗都好迫真。

Read more ›
有片  CES大頭怪嬰機械人超像真

有片 CES大頭怪嬰機械人超像真

真係好驚嚇!呢款BB機械人Diego-san開發咗幾年,今年喺CES再度展出,仲有新片睇。影片所見,BB識做喜怒哀樂表情,重點係超像真,如果戴埋個假髮著返套衫,真係會誤以為佢係真人小朋友。由加州大學聖地牙哥分部 (UCSD)研發,身體有44個活動組件,淨係個頭都有27個獨立移動部份,眼入面仲裝有攝錄機,可以觀察人嘅動作表情然後加以學習嘅A.I功能,就好似真嘅BB一樣。噢,真係好恐佈,唔知點解我諗起大頭怪嬰。

Read more ›
有片 機械band團  4手甩頭樂與怒

有片 機械band團 4手甩頭樂與怒

~~如果命運能選擇~~ 呢幾晚天與地重播,樂與怒精神又重新燃起!網上睇倒段片,號稱史上最Heavy Metal嘅樂隊Compressorhead,全隊band清一色機械人,有打鼓、彈結他同低音結他手,個頭仲識跟節奏搖擺,最搞笑係鼓手Stickboy,個頭可以甩頸升高,仲有四隻手,點夠你玩?下面有佢哋最新夾band片,起身入嚟獵奇吓!

Read more ›
有片   喪屍機械人超像真  日本東京大學新出品

有片 喪屍機械人超像真 日本東京大學新出品

嘩!喪屍呀!之前介紹過好多款唔同嘅機械人,不過今次介紹呢款,有埋仿人類嘅骨架肌肉,講真,睇落幾嚇人。試幻想你夜媽媽見到佢郁身郁勢做體操唔大叫就奇。呢隻機械人叫Kenshiro,東京大學研究生作品,模仿12歲小童嘅骨架身形製造,佢哋話想透過製作呢個機械人,令大家更加瞭解人體架構。唔,咁下次可唔可以整個女版?我想要Scarlett Johansson,24歲骨架ok嘞。

Read more ›
迪士尼拋波機械人 阿爸阿媽有難了

迪士尼拋波機械人 阿爸阿媽有難了

呢個發明好無聊,但又好好笑。迪士尼最近設計咗一個機械人,主要功能係同人玩拋波。除咗你拋我接之外,仲可以好似小丑咁,兩隻手拋三個波。睇落好似好易,其實要個機械人睇準幾時、喺邊個位置出手,一啲都唔易。靠嘅就係Xbox都有嘅Kinetc體感技術,追踪拋波者嘅位置同埋動作。呢個機械人如果接唔倒波,仲識搖頭、縮膊、扮晒嘢向後望,好精叻。好嘞,問題嚟嘞,點解要發明拋波機械人呢?之唔係迪士尼係小朋友嘅夢工場,阿爸阿媽唔得閒同你玩,仲有機械人叔叔嘛‥‥‥

Read more ›

1p你睇隻機械人幾樣衰?

手機新Game 彈到頭暈彈珠機

如果訓唔著,強烈推介你玩「A Doodle Pinball Adventure」呢個彈珠機遊戲,望住啲彈珠喺畫面周圍飛,閃都閃到你頭暈,玩玩吓自自然想搵周公

Read more ›