Post Tagged with: "橋本環奈"

【新片速報】日本2015最正電視廣告     橋本環奈/菲利 10分鐘任睇
by / on 30/12/2015 at 7:15 am

【新片速報】日本2015最正電視廣告 橋本環奈/菲利 10分鐘任睇

嚟到年尾,又係大事回顧嘅時候,呢段日本電視廣告片好正,可以一次過回顧2015日本最正嘅電視廣告,足足有10分鐘,有橋本環奈嘅合味道杯麵,菲利賣Kirin飲品、Softbank星球大戰、高達杯麵、貓貓按摩師等等,題材多元化,夠創意、概念正、拍法好,仲兼顧埋美感,梗有幾個你未睇過嘅,話我崇日都係咁話,日本廣告真係全球最正。

Read more ›

【有片】橋本環奈「水手服」版影片 睇戲記得咪嘈
by / on 20/12/2015 at 3:14 pm

【有片】橋本環奈「水手服」版影片 睇戲記得咪嘈

我唔明點解呢個年代,入場睇戲都仲有人傾計,仲要真係有人講電話先威……日本都有呢啲叫人睇戲唔好講電話、食煙嘅影片,啱啱就有橋本環奈版本。佢係為咗宣傳3月5日日本上映嘅《セーラー服と機関銃 -卒業-》,仲剪埋戲入面嘅片段入去……

Read more ›
日本網民讚超可愛 《ヤングアニマル》橋本環奈聖誕裝
by / on 10/12/2015 at 9:03 pm

日本網民讚超可愛 《ヤングアニマル》橋本環奈聖誕裝

講吓講吓,仲有兩個星期倒就到聖誕,而今期No.24嘅《ヤングアニマル》就搵咗橋本環奈做封面,而且仲著露肩聖誕裝。有網民分享咗啲圖,有人就話佢哋執相都……執到腋下咩都冇。咁應該有啲咩呢?

Read more ›
【有片】橋本環奈有演技 《水手服與機關槍-卒業-》最新預告好激動
by / on 08/12/2015 at 11:09 pm

【有片】橋本環奈有演技 《水手服與機關槍-卒業-》最新預告好激動

16歲嘅橋本環奈第一次拍電影,就係3月5日喺日本上嘅《水手服與機關槍(セーラー服と機関銃 -卒業-)》!如果對佢嘅演技有懷疑,我諗睇完呢條最新預告片會有信心啲,你睇呢幾張連環圖佢幾惡死?惡得嚟幾可愛?赤川次郎原作小說《水手服與機關槍》,1978年首次出版,之後有續集《卒業-セーラー服と機関銃・その後》。喺1982年,首次改編為電影,由「薬師丸ひろ子」主演,之後都有「長澤正美」嘅日劇版。今次新版本,監督係「前田弘二」,除咗「橋本環奈」外,男主角「月永」就係「長谷川博己」,「安井」就係「安藤政信」演,其他演員包括「武田鉄矢」、「大野拓朗」、「宇野祥平ら」、「古舘寛治」、「鶴見辰吾」、「榎木孝明」、「伊武雅刀」等等。呢條預告都見到好多角色喇。

Read more ›
【有啲咁嘅事】日網民發現 橋本環奈成長的見證
by / on 08/12/2015 at 3:32 pm

【有啲咁嘅事】日網民發現 橋本環奈成長的見證

你見到我用「成長的見證」呢啲咁嚴肅嘅標題,就知大家都好重視呢件事情。有日本網民出咗兩張新圖,就係千年女神橋本環奈嘅背心短褲造型,見到佢都的確係成長好多……其實網民見到有啲咁開心嘅事,一呼百應放咗大量圖片同gif,仲有人搵埋中學2年生時嘅橋本環奈影片,請大家幫吓眼。

Read more ›
萬聖節真好 「橋本環奈」惡魔造型出活動
by / on 26/10/2015 at 11:11 am

萬聖節真好 「橋本環奈」惡魔造型出活動

近排開始有網民話千年女神「橋本環奈」開始劣化,其實我覺得係大家見得佢多啫,係就係好似肥咗少少,但依然好可愛呀!你睇最新呢個惡魔造型,真係令人好想萬聖節瘋狂咁俾糖佢食,日本2ch網民都係咁話,冇劣化,仲係好可愛。不過話時話,之前佢都以惡魔造型拍過唇膏廣告,今次呢個就冇咁成熟,好得多。

Read more ›

比橋本環奈「可愛1000倍」? 日本11歲妹妹變潛力股
by / on 07/10/2015 at 7:12 am

比橋本環奈「可愛1000倍」? 日本11歲妹妹變潛力股

「千年一遇」嘅橋本環奈經常比人挑機,之前有「二千年一見」嘅滝口光同「萬年一見」嘅太田夢莉,最近仲有呢個聲稱比佢「可愛1000倍」嘅小妹妹吉田爽葉香,單睇個名已經覺得好趣緻,只得11歲嘅佢已係偶像組合「さくら学院」嘅成員,戴副超萌嘅眼鏡,配埋雙馬尾,已經儲落唔少Fans。日本網友cap咗佢大量GIF圖,又fing手又玩手指又O嘴,表情多多動作又大,表演慾超強。入嚟仲有佢其他生活照,唔戴眼鏡嘅佢都可愛好靚女,會唔會成為下一個橋本環奈?

Read more ›
橋本環奈「奇跡の一枚」拍攝者曝光!擁有原圖好優越
by / on 01/10/2015 at 7:21 am

橋本環奈「奇跡の一枚」拍攝者曝光!擁有原圖好優越

日本千年一遇嘅橋本環奈點解會爆紅?話說2013年佢喺福岡現場表演嘅相唔覺意流出,當時喺日本嘅2ch同Twitter被網友瘋傳,大家驚為天人,仲形容呢個女仔靚到好似天使,千年一遇!呢輯被稱為「奇跡の一枚」嘅相,最近就有人搵到佢嘅拍攝者「タケさん」出嚟,全身粉紅色造型嘅佢,配埋副粉紅眼鏡,睇落好趣緻。2ch網民對呢位男人都高度表揚,讚佢可愛兼睇落幾溫柔,仲影得橋本環奈好靚。佢哋話橋本環奈好應該要錫返佢一啖獎勵吓!不過佢已經擁有「奇跡の一枚」嘅Raw原圖,應該優越感爆滿,可以威一世。

Read more ›
【有片】「橋本環奈」版《水手服與機關槍》預告登場 下年3月上映
by / on 14/09/2015 at 10:51 am

【有片】「橋本環奈」版《水手服與機關槍》預告登場 下年3月上映

到底16歲嘅「橋本環奈」做戲掂唔掂,下年3月有得睇喇。之前報過佢會演新版本嘅《水手服與機關槍(セーラー服と機関銃)》,啱啱有海報加預告片睇,見到佢揸住把槍,個口擘到咁大,演出都應該幾奔放。赤川次郎原作嘅小說《水手服與機關槍》,1978年首次出版,之後有續集《卒業-セーラー服と機関銃・その後》。喺1982年,首次改編為電影,由「薬師丸ひろ子」主演,票房勁收47億円!之後都有「長澤正美」嘅日劇版。今次新版本,監督係「前田弘二」,除咗「橋本環奈」外,男主角「月永」就係「長谷川博己」,「安井」就係「安藤政信」演,其他演員包括「武田鉄矢」、「大野拓朗」、「宇野祥平ら」、「古舘寛治」、「鶴見辰吾」、「榎木孝明」、「伊武雅刀」等等。2016年3月5日上映。

Read more ›
日本網民玩合成 橋本環奈 + 柴犬「兩個都想養」
by / on 28/08/2015 at 2:59 pm

日本網民玩合成 橋本環奈 + 柴犬「兩個都想養」

有啲無聊,但啲留言又幾好笑。話說有人用橋本環奈加隻柴犬做咗張合成圖放咗上2ch,有人話好可怕,有人話好可愛,仲有網民突破盲腸:「其實唔係橋本環奈都得嘛?有咩咁出奇?」之後見到兩原圖,呢位網民就好中肯地道出大家心聲:「兩個都想養。」再之後,仲有人幫橋本環奈同EXILE嘅ATSUSHI合成……

Read more ›
【有片】橋本環奈後台搽腳 感覺變大人了
by / on 24/08/2015 at 12:15 pm

【有片】橋本環奈後台搽腳 感覺變大人了

我見到「橋本環奈さんがエロエロにwwwwwww」呢個標題,即時飛身click入去,見到係YouTube片,即係大人細路都啱睇……不過,都冇令人失望。片段中,千年一見嘅「橋本環奈」,一邊同人傾計一邊喺度搽腳,隻腳又伸高又盛,唧啲嘢落大脾度又捽又摸……日本網民睇完之後,話變到有啲成熟,個樣有啲似「板野友美」,之後再狂放gif圖,睇完令到我心情好興奮,明白護膚嘅重要性,loop咗兩次之後大嗌一聲,用愛護堅啦!

Read more ›

【可遠觀】日本網民出「偽橋本環奈」 真身原來13歲
by / on 14/08/2015 at 11:44 am

【可遠觀】日本網民出「偽橋本環奈」 真身原來13歲

近兩年最多人加入奉為女神嘅,應該係千年一見嘅「橋本環奈」?之後,有百年一見萬年一見好耐冇見,再嚟新版AV版中國版……今次就輪到日本2ch有人放咗幾張圖,話呢位妹妹同「橋本環奈」好似。網民回應都係話橋本可愛啲,呢個只係劣化版等等,仲有人話佢個鼻似薯蛋頭……原來佢真身係13歳嘅「小栗有以」,AKB48 Team 8成員。咁,遮咁啲個樣,遠睇係有少少似嘅。

Read more ›
橋本環奈變身路飛 今期《週刊少年ジャンプ》One Piece連載18周年
by / on 10/08/2015 at 3:19 pm

橋本環奈變身路飛 今期《週刊少年ジャンプ》One Piece連載18周年

今日(10日)發售嘅《週刊少年ジャンプ》「37・38合併号」,入面有《One Piece》嘅連載18周年記念特別企画介紹,不過重點就係有千年一見嘅「橋本環奈」變身主角路飛!戴住草帽嘅橋本,仲食惡魔果實,今期想買喎!

Read more ›
【好想搽呀】新片速報 魔鬼「橋本環奈」嘟嘴賣唇膏
by / on 06/08/2015 at 7:13 am

【好想搽呀】新片速報 魔鬼「橋本環奈」嘟嘴賣唇膏

千年一遇嘅橋本環奈真係越睇越靚,而且越嚟越紅,最近就有呢個幫曼秀倫敦賣嘅唇膏TVC,一次過有齊惡魔同清純天使兩個形象,好難揀,個人比較鍾意魔鬼篇,有新鮮感,我仲唔覺意翻睇咗兩次,廣告入面嘅橋本環奈頭戴兩隻魔鬼角,加條黑色背心短裙仔,再轉身嘟埋嘴,嗚呀!我想搽潤唇膏呀!

Read more ›
新片速報 橋本環奈「合味道」新廣告 啜麵變身美少女戰士
by / on 27/07/2015 at 12:38 am

新片速報 橋本環奈「合味道」新廣告 啜麵變身美少女戰士

夜媽媽睇呢啲廣告,見到佢又啜麵又飛吻,真係搞到我好想……好想淥個杯麵宵夜呀!又係千年一見嘅橋本環奈,繼上次拍咗600 take嘅合味道廣告之後,啱啱又有新嘅「STAYHOT かわいい 篇」,今次玩《美少女戰士》式變身,佢啜咗啖麵之後……不過記得睇埋後半段,因為橋段場面一樣,但主角就換咗人……係梅宮辰夫!

Read more ›