Post Tagged with: "橋本環奈"

【多圖】13歳「小栗有以」凌駕橋本環奈? 大量新圖幾可愛
by / on 04/03/2016 at 10:13 am

【多圖】13歳「小栗有以」凌駕橋本環奈? 大量新圖幾可愛

13歳嘅「小栗有以」係AKB48 Team 8成員,之前日本2ch網民話佢似千年一遇嘅橋本環奈,仲有人話佢係二萬年一遇,好誇張。不過可能係指遮咁啲個樣同企遠少少睇,最近又有網民放佢嘅新圖,無見一排嘅小栗有以靚咗,個鼻仲好似無咁似薯蛋頭,睇落其實都幾可愛,不過有網民話同橋本環奈比,始終都係差少少。

Read more ›

【深入研究】橋本環奈胸部大躍進?網民改圖又回帶
by / on 04/03/2016 at 7:19 am

【深入研究】橋本環奈胸部大躍進?網民改圖又回帶

間唔中就有橋本環奈嘅成長回帶post,不過今次過份啲,集中喺佢嘅發育程度。最近日本網民出咗個post話橋本環奈胸部有大幅增長,張圖一睇就知係改圖,但網民就FF得好開心,之後有人出返橋本環奈中學一年級同而家高校一年級嘅對比圖,話佢身裁有明顯增長,亦有人話佢有劣化跡象,好明顯大家以為自己玩緊育成遊戲,好投入。

Read more ›
【放開那女神】橋本環奈金髮碧眼會係點?日本網民狂改圖
by / on 21/02/2016 at 5:52 pm

【放開那女神】橋本環奈金髮碧眼會係點?日本網民狂改圖

橋本環奈今個月過咗生日(2月3日),17歲喇,咁耐以嚟佢嘅黑髮pure型像都深得fans喜愛,不過日本網民就可能開始覺得有啲悶,於是幫佢改改新圖,如果全黑瞳孔會係點?如果金色頭髮藍眼睛又係點?如果再金啲呢……仲有一張,改大咗女神個鼻。點解冇寫輪眼?

Read more ›
【有片】橋本環奈17歲 網民贈慶進化圖
by / on 04/02/2016 at 3:34 pm

【有片】橋本環奈17歲 網民贈慶進化圖

噚日2月3日就係橋本環奈17歲嘅生日,佢出席咗3月5日上映嘅初主演電影《セーラー服と機関銃-卒業-》宣傳,咁就有新片新圖睇啦。不過網民除咗出新圖外,仲趁佢又大一歲出咗張對比圖,即係右上角呢張,分別係中學一年級時同高中一年級時嘅分別,嘩,完全記載咗美少女成長嘅過程,真係好奇妙……

Read more ›
【有片】橋本環奈喊樣好可愛 松本人志廣告11分鐘短片
by / on 09/01/2016 at 11:40 am

【有片】橋本環奈喊樣好可愛 松本人志廣告11分鐘短片

本來編輯都睇唔到有呢條片,不過有讀者就埋怨有冇搞錯,條片出咗成兩個星期都唔見報道!睇完之後,又真係覺得橋本fans會想睇喎,因為除咗佢個可愛樣之外,呢條11分鐘幕後製作片仲見到佢要喊到滴晒眼淚……其實,見到松本人志不斷叫個樣,好難忍得到笑。BTW,個廣告係賣請人情報嘅媒體。

Read more ›
【今日GIF】扣分!Softbank白戶柴犬索吻 「橋本環奈」肩膞攻擊冇愛心?
by / on 01/01/2016 at 3:26 pm

【今日GIF】扣分!Softbank白戶柴犬索吻 「橋本環奈」肩膞攻擊冇愛心?

哦!如果千年女神唔鍾意小動物,咁會唔會扣分?啱啱喺2ch就有網民放咗呢張gif,見到曾經合作過拍廣告嘅Softbank白戶柴犬同「橋本環奈」,當柴犬想錫錫時,橋本縮開都算,佢竟然使出肩膞攻擊,唔通當柴犬係痴漢?之後網民就出番好多佢同狗狗合照嘅相,再嚟橋本嘅經典gif,話佢係自然反應啫……我睇完之後,我唔鍾意佢喇。

Read more ›

【新片速報】日本2015最正電視廣告     橋本環奈/菲利 10分鐘任睇
by / on 30/12/2015 at 7:15 am

【新片速報】日本2015最正電視廣告 橋本環奈/菲利 10分鐘任睇

嚟到年尾,又係大事回顧嘅時候,呢段日本電視廣告片好正,可以一次過回顧2015日本最正嘅電視廣告,足足有10分鐘,有橋本環奈嘅合味道杯麵,菲利賣Kirin飲品、Softbank星球大戰、高達杯麵、貓貓按摩師等等,題材多元化,夠創意、概念正、拍法好,仲兼顧埋美感,梗有幾個你未睇過嘅,話我崇日都係咁話,日本廣告真係全球最正。

Read more ›
【有片】橋本環奈「水手服」版影片 睇戲記得咪嘈
by / on 20/12/2015 at 3:14 pm

【有片】橋本環奈「水手服」版影片 睇戲記得咪嘈

我唔明點解呢個年代,入場睇戲都仲有人傾計,仲要真係有人講電話先威……日本都有呢啲叫人睇戲唔好講電話、食煙嘅影片,啱啱就有橋本環奈版本。佢係為咗宣傳3月5日日本上映嘅《セーラー服と機関銃 -卒業-》,仲剪埋戲入面嘅片段入去……

Read more ›
日本網民讚超可愛 《ヤングアニマル》橋本環奈聖誕裝
by / on 10/12/2015 at 9:03 pm

日本網民讚超可愛 《ヤングアニマル》橋本環奈聖誕裝

講吓講吓,仲有兩個星期倒就到聖誕,而今期No.24嘅《ヤングアニマル》就搵咗橋本環奈做封面,而且仲著露肩聖誕裝。有網民分享咗啲圖,有人就話佢哋執相都……執到腋下咩都冇。咁應該有啲咩呢?

Read more ›
【有片】橋本環奈有演技 《水手服與機關槍-卒業-》最新預告好激動
by / on 08/12/2015 at 11:09 pm

【有片】橋本環奈有演技 《水手服與機關槍-卒業-》最新預告好激動

16歲嘅橋本環奈第一次拍電影,就係3月5日喺日本上嘅《水手服與機關槍(セーラー服と機関銃 -卒業-)》!如果對佢嘅演技有懷疑,我諗睇完呢條最新預告片會有信心啲,你睇呢幾張連環圖佢幾惡死?惡得嚟幾可愛?赤川次郎原作小說《水手服與機關槍》,1978年首次出版,之後有續集《卒業-セーラー服と機関銃・その後》。喺1982年,首次改編為電影,由「薬師丸ひろ子」主演,之後都有「長澤正美」嘅日劇版。今次新版本,監督係「前田弘二」,除咗「橋本環奈」外,男主角「月永」就係「長谷川博己」,「安井」就係「安藤政信」演,其他演員包括「武田鉄矢」、「大野拓朗」、「宇野祥平ら」、「古舘寛治」、「鶴見辰吾」、「榎木孝明」、「伊武雅刀」等等。呢條預告都見到好多角色喇。

Read more ›
【有啲咁嘅事】日網民發現 橋本環奈成長的見證
by / on 08/12/2015 at 3:32 pm

【有啲咁嘅事】日網民發現 橋本環奈成長的見證

你見到我用「成長的見證」呢啲咁嚴肅嘅標題,就知大家都好重視呢件事情。有日本網民出咗兩張新圖,就係千年女神橋本環奈嘅背心短褲造型,見到佢都的確係成長好多……其實網民見到有啲咁開心嘅事,一呼百應放咗大量圖片同gif,仲有人搵埋中學2年生時嘅橋本環奈影片,請大家幫吓眼。

Read more ›

萬聖節真好 「橋本環奈」惡魔造型出活動
by / on 26/10/2015 at 11:11 am

萬聖節真好 「橋本環奈」惡魔造型出活動

近排開始有網民話千年女神「橋本環奈」開始劣化,其實我覺得係大家見得佢多啫,係就係好似肥咗少少,但依然好可愛呀!你睇最新呢個惡魔造型,真係令人好想萬聖節瘋狂咁俾糖佢食,日本2ch網民都係咁話,冇劣化,仲係好可愛。不過話時話,之前佢都以惡魔造型拍過唇膏廣告,今次呢個就冇咁成熟,好得多。

Read more ›
比橋本環奈「可愛1000倍」? 日本11歲妹妹變潛力股
by / on 07/10/2015 at 7:12 am

比橋本環奈「可愛1000倍」? 日本11歲妹妹變潛力股

「千年一遇」嘅橋本環奈經常比人挑機,之前有「二千年一見」嘅滝口光同「萬年一見」嘅太田夢莉,最近仲有呢個聲稱比佢「可愛1000倍」嘅小妹妹吉田爽葉香,單睇個名已經覺得好趣緻,只得11歲嘅佢已係偶像組合「さくら学院」嘅成員,戴副超萌嘅眼鏡,配埋雙馬尾,已經儲落唔少Fans。日本網友cap咗佢大量GIF圖,又fing手又玩手指又O嘴,表情多多動作又大,表演慾超強。入嚟仲有佢其他生活照,唔戴眼鏡嘅佢都可愛好靚女,會唔會成為下一個橋本環奈?

Read more ›
橋本環奈「奇跡の一枚」拍攝者曝光!擁有原圖好優越
by / on 01/10/2015 at 7:21 am

橋本環奈「奇跡の一枚」拍攝者曝光!擁有原圖好優越

日本千年一遇嘅橋本環奈點解會爆紅?話說2013年佢喺福岡現場表演嘅相唔覺意流出,當時喺日本嘅2ch同Twitter被網友瘋傳,大家驚為天人,仲形容呢個女仔靚到好似天使,千年一遇!呢輯被稱為「奇跡の一枚」嘅相,最近就有人搵到佢嘅拍攝者「タケさん」出嚟,全身粉紅色造型嘅佢,配埋副粉紅眼鏡,睇落好趣緻。2ch網民對呢位男人都高度表揚,讚佢可愛兼睇落幾溫柔,仲影得橋本環奈好靚。佢哋話橋本環奈好應該要錫返佢一啖獎勵吓!不過佢已經擁有「奇跡の一枚」嘅Raw原圖,應該優越感爆滿,可以威一世。

Read more ›
【有片】「橋本環奈」版《水手服與機關槍》預告登場 下年3月上映
by / on 14/09/2015 at 10:51 am

【有片】「橋本環奈」版《水手服與機關槍》預告登場 下年3月上映

到底16歲嘅「橋本環奈」做戲掂唔掂,下年3月有得睇喇。之前報過佢會演新版本嘅《水手服與機關槍(セーラー服と機関銃)》,啱啱有海報加預告片睇,見到佢揸住把槍,個口擘到咁大,演出都應該幾奔放。赤川次郎原作嘅小說《水手服與機關槍》,1978年首次出版,之後有續集《卒業-セーラー服と機関銃・その後》。喺1982年,首次改編為電影,由「薬師丸ひろ子」主演,票房勁收47億円!之後都有「長澤正美」嘅日劇版。今次新版本,監督係「前田弘二」,除咗「橋本環奈」外,男主角「月永」就係「長谷川博己」,「安井」就係「安藤政信」演,其他演員包括「武田鉄矢」、「大野拓朗」、「宇野祥平ら」、「古舘寛治」、「鶴見辰吾」、「榎木孝明」、「伊武雅刀」等等。2016年3月5日上映。

Read more ›