fbpx

Tag: 棺材

高達版抬棺材 入面到底係啲乜?

高達版抬棺材 入面到底係啲乜?

前排好多人玩嘅抬棺舞,啱啱就有日本玩家製作咗高達模型版,之後就有人問咁到底入面係咩嚟呢?樓主都有解答到……

Read more ›

【重色輕友】拍拖後人間蒸發18個月 老友搞葬禮整棺材悼念

【重色輕友】拍拖後人間蒸發18個月 老友搞葬禮整棺材悼念

身邊總有啲朋友有異性無人性,識咗男/女朋友後就徹底失踪,就好似死咗一樣。不過估唔到外國有班玩到好癲嘅朋友,竟然幫個重色輕友嘅男仔搞葬禮!「死者」係20歲嘅Keiran Cable,自從識咗19歲好索嘅女朋友Jess Ferguson (有圖有真相) 之後,就人間蒸發咗。朋友話佢已經18個月無回電話或者電郵,於是50個朋友夾手夾腳搞咗個喪禮,首先呃Keiran Cable出嚟話睇球賽,之後將佢困喺棺材,同時仲租埋靈車搵人扮埋牧師,玩得好認真。至於瞓棺材嘅當事人Keiran Cable事後就話:「我好震驚!完全唔知講乜好同做乜好。」快啲講聲Sorry再去蒲返晚然後直落打舖機先啦,班朋友玩到咁盡,其實都係因為重視你啫。

Read more ›
facebook like符號棺材   反對無建設性亂比like

facebook like符號棺材 反對無建設性亂比like

對於FB嘅呃Like行為你有無睇唔過眼?會唔會激到整個like符號嘅棺材發洩不滿?荷蘭阿姆斯特丹最古老嘅教堂Oude Kerk整咗副好特別嘅棺材,大大個like符號喺棺材頂,好搶眼。棺材由幾個壯丁運送去教堂,再進行莊嚴嘅儀式,目的係叫大家關注現實,話網上嘅like其實並無實際意義,亦無建設性‥‥‥好喇,睇完你會唔會like我哋呢個post?

Read more ›
日本喪禮實習計劃    瞓棺材著喪服百無禁忌

日本喪禮實習計劃 瞓棺材著喪服百無禁忌

日本人一向大膽創新,仲幾百無禁忌。好似近年流行嘅「喪禮展覽」就越嚟越受歡迎,今年喺東京舉行嘅活動就吸引咗超過5千名人士入場,超過50家公司參與。參加者不限男女,可以親身實習吓喪禮當日嘅細節,例如瞓喺棺材入面感受吓死亡氣氛、試喪服等等,講究啲嘅仲可以試埋化妝,最後影返張相賽後討吓,務求嚟真時可以盡善盡美,貫徹日本人嘅細心精神。

Read more ›
千值練《JoJo奇妙冒險》DIO棺材      8月推出

千值練《JoJo奇妙冒險》DIO棺材 8月推出

千值練《Metal Gear Solid V: GZ》iDROID電話殼毒唔毒倒你?嚟緊佢哋又有新嘢出,今次係《JoJo奇妙冒險》入面DIO嘅棺材!最近啱啱推出嘅《JoJo奇妙冒險》第3部,第一集就講返DIO喺海底嘅棺材被撈起,空条承太郎兩爺孫要合力對抗,而家出棺材食正動畫熱潮,講返個棺材,入面其實係首飾盒,8月發售,開價4,104円。個盒仲有兩隻色,識揀嘅一定係揀「海底カラーver.」深海藍。

Read more ›
正宗火柴人    燒燶火柴上的頭雕

正宗火柴人 燒燶火柴上的頭雕

中國近年有出產咗好多一流嘅藝術家,亦吸引好多外國藝術家長居中國發展。好似呢位德國藝術家Wolfg ang Stiller,之前喺北京幫電影製作假人,對頭雕尤其有研究,最近決定將佢嘅獨門技術製作成巨型火柴頭,名為Matchstickman嘅作品,每支巨型火柴都係一個雕刻咗嘅人面,樣貌清一色都係黑媽媽木無表情,火柴盒就好似一副副棺材,效果好震憾。

Read more ›

上海鯊魚棺材   5萬人承諾戒食魚翅

上海鯊魚棺材 5萬人承諾戒食魚翅

大陸人有時都走得幾前,魚翅,你同我細過去飲一定會食,但係當知道每年有大量鯊魚被殺瀕臨絕種,我就決定戒食魚翅。講返正題,上海最近擺放咗一具1比1嘅鯊魚棺材,可以做魚翅嘅部份就突晒出嚟,目的係提醒大家少食魚翅。大陸喎,保育喎,睇完我覺得好安慰。最驚喜係活動期間有5萬人簽署承諾以後唔再食魚翅。希望未來搞埋龍虎鳯棺材展,然後可憐嘅貓呀狗呀都享有同等待遇。

Read more ›
案發現場棺材   你敢唔敢瞓?

案發現場棺材 你敢唔敢瞓?

前兩晚明珠台翻播《神探福爾摩斯》,有《Ironman》嘅Robert Downey Jr.同埋靚仔Jude Law,有一幕講邪教教主死而復生,棺材入面變咗另一個人,嚇到我夜晚發惡夢。不過都唔夠呢副棺材夠創意,美國設計師Faustine Gau模仿謀殺案死者嘅經典姿勢造咗副特別版棺材,啱啱好肥啲都瞓唔倒,不過長期保持別個姿勢都幾攰,吖,唔記得咗,住喺入面嘅人唔會攰嘅。

Read more ›