Post Tagged with: "梳毛"

【新片速報】可愛喵仔片IG熱傳    牙刷梳毛姿勢超爽
by / on 14/12/2018 at 7:09 am

【新片速報】可愛喵仔片IG熱傳 牙刷梳毛姿勢超爽

真係可愛到癲呀!之前都有人講過,用牙刷幫隻喵刷毛佢哋會好舒服,因為質感好似媽媽條脷咁。最近有貓奴拍咗呢段片,片中見隻貓瞓咗喺主人大脾,用牙刷刷佢時佢舒服到四腳朝天喵喵叫,之後仲好似瞓著咗,超可愛!入嚟有片睇,仲有多啲呢隻喵嘅片回帶,好得意!

Read more ›

日本喵星人梳毛重手咗 被變形網民出圖回應
by / on 28/08/2018 at 7:09 am

日本喵星人梳毛重手咗 被變形網民出圖回應

唔係見到對耳,都唔敢肯定呢隻係貓。日本有網民分享咗佢隻喵嘅新相,樓主阿爸啱啱幫隻貓梳完毛,可能重手咗,令到隻貓變埋形。網民睇到好開心,仲有好多聯想,不斷出圖回應,連芒亨都有,仲改埋圖,超好笑,入嚟有回帶。

Read more ›
日本網民幫兔仔梳毛 甩到全身都係超壯觀
by / on 30/03/2018 at 12:12 pm

日本網民幫兔仔梳毛 甩到全身都係超壯觀

連放幾日假,係時候幫屋企嘅主子梳吓毛嘞。最近轉天氣,甩毛情況升級,有日本網民幫隻兔仔梳毛,不過自己條裙同絲襪就全部都係毛‥‥‥好誇張!不過隻兔仔依然梳極都有。之後有網民分享佢哋嘅相,全部都好壯觀。好嘞,睇完到你梳毛喇!

Read more ›
【相集】日本熱傳超樣衰喵星人 梳毛反白眼露雙下巴
by / on 11/11/2017 at 10:54 am

【相集】日本熱傳超樣衰喵星人 梳毛反白眼露雙下巴

有無發現好多時幫隻貓梳毛時,佢個樣都會變得好衰?日本有網民就好無賴咁將自己隻喵嘅樣衰相放上網,睇佢反晒白眼露晒雙下巴,仲打埋喊露,樣衰程度達到十級。輯相喺Twitter好多人分享,好彩樓主良心發現,放返幾張呢隻喵平時嘅「正常相」出嚟,無反白眼嘅佢個樣好乖好可愛,仲好嗲,入嚟有得睇。

Read more ›
【連環圖】日本喵星人被整蠱 梳甩毛變新髮型
by / on 06/06/2017 at 7:44 am

【連環圖】日本喵星人被整蠱 梳甩毛變新髮型

夏天又到咗喵星人甩毛嘅高峰期嘞,作為貓奴唯有勤力啲幫佢哋梳毛啦。最近日本呢位貓奴梳完毛之後就索性幫隻喵轉個新髮型,佢將執毛變成尖頂再放上貓頭,效果好punk好搞笑,不過喵星人個樣就好無奈嘞。除咗用嚟轉髮型,佢仲將執毛變成貓枕頭,又瘋狂整蠱佢。玩到咁盡,下次隻喵見到把梳應該會即刻逃跑。

Read more ›
【梳毛時間】日本兔仔梳毛後自己頂返    天然呆超可愛
by / on 03/04/2017 at 7:00 am

【梳毛時間】日本兔仔梳毛後自己頂返 天然呆超可愛

呢排轉天氣又多假期,最適合同屋企嘅小動物梳吓毛。有日本網民就影咗呢張趣怪相放上Twitter成功呃like。相中嘅兔仔啱啱梳完毛,但梳出嚟嘅毛球就俾主人放返上個頭度。不過好多貓奴都應該試過,當你想咁做時,隻貓應該一早厭惡咁望望你然後走開,又或者瘋狂抓自己嘅毛球。想好似呢隻兔仔咁坐定定俾你影相,機會應該近乎零。BTW,入嚟有多啲呢隻兔仔嘅生活照睇, 又肥又呆好得意!

Read more ›

【新片速報】《刀劍亂舞》後台溫馨一幕 工作人員幫狐之助梳毛
by / on 27/03/2017 at 7:11 am

【新片速報】《刀劍亂舞》後台溫馨一幕 工作人員幫狐之助梳毛

幾時都話舞台後面嘅嘢最好睇!最近有日本網民參加咗《刀劍亂舞》嘅舞台活動,不過就俾佢喺後台睇到呢一幕,工作人員好細心咁幫「狐之助」梳毛!狐之助仲一邊轉一邊俾佢梳,臨尾仲同工作人員擊拳打氣,超可愛!入嚟有片睇。

Read more ›
【連環圖】日本汪星人梳毛相Twitter熱傳 扮發惡其實好可愛
by / on 17/11/2016 at 7:12 am

【連環圖】日本汪星人梳毛相Twitter熱傳 扮發惡其實好可愛

其實幫動物梳毛係主人嘅基本工作,偏偏總係有啲汪星人或者喵星人表現得好抗拒,其中呢隻日本狗狗嘅反應就好激動嘞。佢嘅主人放咗幾張連環圖上Twitter,吸引好多人RT,睇相見佢發現要梳毛就露出兇狠表情,嬲到想鬧人咁,不過惡還惡,都係好得意。

Read more ›