Post Tagged with: "梳化"

【新片速報】超貪玩日本貓仔出醜 反身攝入梳化隙四腳朝天
by / on 24/06/2020 at 7:11 am

【新片速報】超貪玩日本貓仔出醜 反身攝入梳化隙四腳朝天

貓仔好貪玩,仲經常因為咁而出醜,好似日本網民呢段片,見到有隻黑貓仔貪玩跳上梳化,點知咁啱有條隙縫,佢嘅身形啱啱好可以攝咗入去,一個反身就攝住咗,四腳朝天超搞笑,入嚟有片回帶。

Read more ›

日本黑喵變正方體 梳化角落神秘黑洞
by / on 22/09/2019 at 1:45 pm

日本黑喵變正方體 梳化角落神秘黑洞

圓形嘅喵見得多,正方形都係第一次見。有日本網民偷影咗佢隻黑喵嘅瞓覺相,塞喺梳化角嘅佢瞓到變成一塊正方形黑色物體,好搞笑,睇得出佢腿部嘅屈曲性好強。

Read more ›
日本「卡比獸」單人梳化 好想坐肚腩Twitter熱傳
by / on 17/06/2019 at 7:10 am

日本「卡比獸」單人梳化 好想坐肚腩Twitter熱傳

如果要買張單人梳化俾自己,呢張會唔會係你嘅選擇?睇見都好想坐落去,旁邊仲可以放個精靈球當茶几用,售價24800円,接近2千蚊港幣。

Read more ›
【圖集】日本超可愛倉鼠仔   自創多款梳化坐姿
by / on 16/12/2017 at 9:40 am

【圖集】日本超可愛倉鼠仔 自創多款梳化坐姿

呢隻日本嘅倉鼠仔超可愛,喺Twitter仲有好高人氣,最近主人影咗佢嘅背面圖放上Twitter,原來佢要坐得穩有秘訣,就係攝喺梳化嘅隙縫中間。其實佢一向鐘意「玩梳化」,基本上乜嘢坐姿都試過晒,入嚟有回帶,超可愛!

Read more ›
日本超巨型太陽蛋毯 仲有蛋多士梳化
by / on 27/10/2017 at 7:06 am

日本超巨型太陽蛋毯 仲有蛋多士梳化

有無鍾意食蛋嘅朋友?呢款日本品牌waraku推出嘅太陽蛋毯好正,呎吋有大有細,舖喺張床度超霸氣。嫌太大可以買張細嘅冬天冚吓腳,另外仲有一款蛋多士咕臣,好搞笑。唔鐘意仲有生命麵包梳化,可以組合變伸腳梳化,咁大塊睇見都飽,入嚟有得慢慢睇慢慢揀。

Read more ›
【相集】日本超可愛倉鼠仔   拉長身體瞓梳化Twitter熱傳
by / on 21/10/2017 at 10:07 am

【相集】日本超可愛倉鼠仔 拉長身體瞓梳化Twitter熱傳

呢隻日本嘅倉鼠仔實在太可愛嘞!難怪張相放上網唔夠1日已經有超過7萬個RT。睇返Twitter嘅舊相,原來佢一向鍾意喺梳化玩,最鍾意左轉右轉,而且佢個樣仲好蠢好可愛!入嚟有得慢慢睇。

Read more ›

黑熊坐姿勁嘆網上熱傳   日本網民:「真實版『鬆弛熊』!」
by / on 07/10/2017 at 12:49 pm

黑熊坐姿勁嘆網上熱傳 日本網民:「真實版『鬆弛熊』!」

呢隻黑熊好識嘆,坐喺梳化上面仲要蹻晒腳,然後隻手輕輕搭住梳化‥‥‥幾張上最近喺網上熱傳,仲紅到去日本,日本人話佢係真實版嘅「鬆弛熊」,外國人就覺得佢似賤熊。隻熊係喺加拿大Northern Manitoba嘅垃圾場被發現,當時護士Mandy Stantic經過,見到有隻熊好嘆咁坐咗喺梳化,所以影咗呢輯相,睇返其他相,黑熊似乎係呢個垃圾場嘅大佬,難怪坐得咁有氣勢,係欠杯啤酒唧。

Read more ›
日本柴犬貪玩中伏 攝入梳化中間露出屁屁
by / on 12/06/2017 at 7:13 am

日本柴犬貪玩中伏 攝入梳化中間露出屁屁

屋企充滿住無窮無盡嘅陷阱,如果屋企隻汪星人咁啱又曳又鍾意捐窿捐罅,就好容易出現呢個情況嘞!日本有網民放咗佢隻柴犬嘅中伏相,個頭唔知點解攝咗入梳化中間,突出咗個屁屁出嚟,進退兩難,不過主人無救佢之餘仲影佢相放上網,為咗呃Like連親情都唔顧,好殘忍!

Read more ›
【有片】超嘆日本喵星人      坐巨型梳化睇電視瞓咗
by / on 28/05/2017 at 1:11 pm

【有片】超嘆日本喵星人 坐巨型梳化睇電視瞓咗

有咩幸福得過放假同屋企隻喵星人一齊睇電視?不過日本呢位貓奴就發現自己隻貓睇睇吓電視瞓著咗,仲坐喺度恰著咗好似人仔一樣。張相放上網一日已經有近9萬個RT,好誇張。BTW,貓仔細細坐咁大張梳化,佢都幾識嘆。另外網民仲發現喵星人隻腳仔都好有戲,輕輕楝高咗。入嚟仲有呢隻喵仔嘅片睇,另外主人同佢一樣,都好可愛!

Read more ›
日本網民發現梳化凹陷    兩隻喵星人瞓凹梳化好識嘆
by / on 09/01/2017 at 7:32 am

日本網民發現梳化凹陷 兩隻喵星人瞓凹梳化好識嘆

呢張連環圖喺日本Twitter好多人RT,屋主話發現梳化頂有兩個凹陷位,原來‥‥‥之前兩隻喵星人喺呢個位置瞓覺!兩隻喵,一黑一白,仲要睡姿都一樣,好可愛。唔知係兩隻喵重定係張梳化軟,凹陷程度都幾誇張,亦可能因為咁,個位先咁受喵星人歡迎,包住全身應該好舒服。

Read more ›
日本超正電影院新落成    正方格梳化床有咕臣攬
by / on 14/12/2016 at 7:25 am

日本超正電影院新落成 正方格梳化床有咕臣攬

之前《你的名字。》香港未上,唔少動漫迷專程飛去日本睇,其實日本有好多又靚又舒適嘅戲院,最近喺Twitter好多人談論嘅有呢間「新所沢レッツシネパーク」,位於日本埼玉縣所澤市,影院最前舒適有幾個設計成正方形嘅坐位Box Premium,可以兩至三個人排排坐,好似喺屋企客廳梳化睇戲一樣,仲有埋咕臣同食物盤,堅正!價錢方面係4000円3個成人,識日文又去開關東嘅可以諗諗!

Read more ›

【有片】超懶散反肚喵星人 梳化底跣出地面網上熱傳
by / on 07/01/2016 at 7:14 am

【有片】超懶散反肚喵星人 梳化底跣出地面網上熱傳

喵星人嘅行徑非常率性,想點就點,所以經常都有好好笑嘅影片流出。好似最近呢段片就喺網上熱傳,片中嘅貓奴想搵屋企隻喵星人,當佢嗌名時,梳化底突然有隻反住咗嘅貓大哥火速9秒9瀡出嚟,超搞笑!估計當時佢應該反住肚喺梳化底un un腳,聽見奴才嗌佢個名,就腳仔一伸,原地跣出地面。影片喺YouTube已經接近70萬點擊,仲未計世界各地貓奴瘋狂share,包括日本人喺Twitter貼片分享,可惜上載嘅頻道暫時只得一條片,所以我訂閱咗先,希望遲啲有新片睇。

Read more ›
【進化版】日本暖爐桌變梳化床   香港蝸居放唔落
by / on 29/10/2015 at 7:15 am

【進化版】日本暖爐桌變梳化床 香港蝸居放唔落

日本家家戶戶都有張暖爐桌,可以將對腳收埋入枱底暖笠笠,最近呢款進化版更加過份,將暖爐桌四面延伸變成梳化,坐坐吓想瞓覺就可以直接攤底瞓,唔駛離開暖笠笠嘅暖爐桌再走去張凍冰冰嘅床度瞓,堅想買返張,只可惜我屋企個蝸居放唔落張梳化‥‥‥

Read more ›
【好飽】中國製內臟藝術品 梳化咇腸睇完飽晒
by / on 12/08/2015 at 7:06 am

【好飽】中國製內臟藝術品 梳化咇腸睇完飽晒

一見到呢套內臟,再睇埋中國製,腦入面就浮起羅湖城廁所偷內臟嘅都市傳說?呢堆藝術品其實出自中國藝術家曹暉(Cao Hui)手筆,唔係新作,不過最近有好多外國網翻炒介紹,可能知道夏天好多人想減肥食少啲嘢,所以share吓幫吓手。睇見張梳化界開咇晒啲腸出嚟,仲有人皮外套、內臟行李喼、人皮手套,睇完真係飽晒,飯都唔駛食。曹暉而家喺中央美術學院雕塑系執教,唔知教唔教整人皮燈籠呢?

Read more ›
【點坐?】鬆弛熊超靚木凳      今日有得訂
by / on 06/06/2015 at 1:35 pm

【點坐?】鬆弛熊超靚木凳 今日有得訂

幸福就係咁簡單,一張凳兩個人,兩家人一條命。網上見到呢張鬆弛熊嘅木凳,睇落好靚,不過睇真啲唔係比人坐而係比公仔坐嘅,咁都好嘅,我屋企邊有位放咁大張木凳?9月推出,而家開始網上有得訂,售價19440円,而家円平,都係千零蚊左右,用嚟放公仔都抵吖。起碼唔會好似之前張鬆弛熊梳化咁,萬萬聲(港幣呀),得個睇字。

Read more ›