Post Tagged with: "梁瑋豪"

梁瑋豪絲襪佬+佛系痴漢搪膠 聯合怪獸展出場
by / on 09/01/2020 at 7:30 pm

梁瑋豪絲襪佬+佛系痴漢搪膠 聯合怪獸展出場

呢個禮拜日,喺灣仔茂羅街7號即舊動漫基地,將舉行FUCKAIJU第四屆聯合創作玩具祭,屆時梁瑋豪都有產品推出──絲襪佬同佛系痴漢是也。凡購買《絲襪佬秘史》同《佛系痴漢囝囝》,即送該作品搪膠公仔一隻,收到未?絲襪佬造型Un頂able,表情猥瑣到一個點,但我Like,如無意外會入手。

Read more ›

Kaiju One x 梁瑋豪 華英雄Figure今年春推出
by / on 07/01/2020 at 10:30 am

Kaiju One x 梁瑋豪 華英雄Figure今年春推出

Kaiju One聯乘梁瑋豪續有新作出,今次係……燈燈燈凳,受盡港漫迷愛戴嘅天煞孤星華英雄呀喂。有關方面剛釋出Figure最後造型監修圖,暫時所見有兩個版本,一,摺起衫袖挺起胸膛Look;二,著短袖衫出無量神掌Look。唔知你鍾意邊個?我鍾意出無量神掌嗰個,有動感啲嘛。補番句,不日推出,一定會推出,預計2020年春推出,大家再畀少少耐性喇。

Read more ›
Kaiju One x 梁瑋豪 加推石黑龍金鐘罩版Figure
by / on 23/10/2019 at 4:45 pm

Kaiju One x 梁瑋豪 加推石黑龍金鐘罩版Figure

有無買Kaiju One聯乘梁瑋豪推出嘅石黑龍Figure?我有,現放喺屋企飾櫃中,觀之甚好。又話說,Kaiju One剛剛出Post,話此石黑龍Figure會有金鐘罩版本特急現身,仲叫大家留意公布云云。仲買唔買?儲開儲全套,唔太貴的話,我應該會入手。

Read more ›
Kaiju One x 梁瑋豪華英雄Figure 不日推出
by / on 09/10/2019 at 8:30 pm

Kaiju One x 梁瑋豪華英雄Figure 不日推出

「你命犯天煞孤星,無伴終老,孤獨一生……」無錯,終於輪到《中華英雄》主角華英雄出場喇,Kaiju One繼續同梁瑋豪合作,不日推出華英雄Figure,大家係咪好期待?我係,我很想要。

Read more ›
福龍撐場 Kaiju One x 梁瑋豪石黑龍Figure有辦睇
by / on 13/04/2019 at 3:56 pm

福龍撐場 Kaiju One x 梁瑋豪石黑龍Figure有辦睇

Kaiju One聯乘梁瑋豪推出嘅龍虎門系列002石黑龍Figure,家陣喺「Toys Collector Market玩具收藏家販售展」有辦睇,柔道小魔童Fans萬勿錯過。同場加映,邱福龍百忙抽空撐場,對火雲邪神Figure愛不釋手。睇相同睇實物始終係兩碼子事,有興趣入手的話,不妨去MK走番轉,望望真身。

Read more ›
老祖宗+邪神+石黑龍 梁瑋豪出《龍虎門》角色Figure
by / on 26/01/2019 at 3:45 pm

老祖宗+邪神+石黑龍 梁瑋豪出《龍虎門》角色Figure

好消息,梁瑋豪聯乘文化傳信、Kaiju,推出三個《龍虎門》角色Figure。邊三個角色?分別係「天下無敵九死邪功震乾坤」嘅老祖宗、「黑級浮屠無相神功火雲掌」嘅火雲邪神同埋「金鐘罩十字追魂棍刀疤仔」嘅石黑龍。至今尚在Coming soon階段,價錢如何未知,不過就透露咗會玩70年代港漫風格造型,真心Mode好期待。

Read more ›

「瑋豪群俠傳」WhatsApp Sticker 歡迎下載
by / on 21/11/2018 at 9:15 pm

「瑋豪群俠傳」WhatsApp Sticker 歡迎下載

繼《壽星仔》之後,梁瑋豪又整多個名為「瑋豪群俠傳」嘅WhatsApp Sticker系列,歡迎Fans下載。我希望,各香港大中小漫畫家都可以整番輯私伙WhatsApp sticker,等廣大港漫迷可以互傳儲吓玩吓熱鬧吓,希望唔係奢望喇。

Read more ›
梁瑋豪製《壽星仔》WhatsApp sticker 歡迎下載
by / on 20/11/2018 at 8:45 pm

梁瑋豪製《壽星仔》WhatsApp sticker 歡迎下載

近排人人都玩WhatsApp sticker,相信你都儲落唔少喇,而作為上官小強Fans嘅你我他,又點可以少咗呢套《壽星仔》sticker呀。呢套sticker由梁瑋豪問准陳太主理,有阿壽、強記同火麻仁選擇,鍾意嘅,自己Download喇喂。

Read more ›
梁瑋豪 x Kaiju One推出阿花公仔 「人間廢業」夠核突我鍾意
by / on 08/10/2018 at 10:15 pm

梁瑋豪 x Kaiju One推出阿花公仔 「人間廢業」夠核突我鍾意

呢鋪真係要撐一撐梁瑋豪,君不見坊間出親Figure,九成九都係Sell靚Sell萌,梁瑋豪卻反其道而行之,聯乘Kaiju One推Kaiju One「人間廢業」阿花公仔,夠創意!邊個係阿花?梗係如花喇,孖辮、鬚根、厚唇加五短身材著學校,真係核突到一個點……But,我鍾意!隨公仔附送書包同一隻撩鼻屎手,神髓出晒嚟喇喂。每個$500,有買趁手。留意番,第一彈係呢個阿花,第二彈仲有痴漢,一樣咁猥瑣,正呀喂。

Read more ›
梁瑋豪《人間廢業》系列公仔 不日推出
by / on 03/09/2018 at 8:45 pm

梁瑋豪《人間廢業》系列公仔 不日推出

今日9月3日,有理由相信係專登夾番開學日出Post嘅,梁瑋豪喺面書登咗張相,並留言曰:「開學!看到自己在電腦所雕的公仔竟然變成量産商品在我眼前,感覺很奇妙……」呢隻公仔屬《人間廢業》系列,五吋半高,一身校服裙造型,價錢未知,不日推出,拭目以待咯喂。

Read more ›
梁瑋豪自製模型情景 藍老虎頭+高達身+太空坦克臂
by / on 24/05/2018 at 6:42 pm

梁瑋豪自製模型情景 藍老虎頭+高達身+太空坦克臂

無聊瀏覽梁瑋豪面書,從留言間得悉佢整咗隻獨一無二嘅高達模型……不過,其實仲算唔算係高達呢?皆因模型藍老虎頭,半雷射大砲半高達身,有一條臂胳屬於太空坦克,兼抵死在手執嘅唔係激光劍,而係小雲成日篤住周圍行嘅米田共,加埋後面充滿科幻感嘅地台情景,成品真係好正。有Fans問佢整咗幾耐,佢答:「半生。」並透露已將之還原,厲害。

Read more ›

書展必搶《七十二行》實體書
by / on 09/07/2017 at 1:00 pm

書展必搶《七十二行》實體書

今年書展,有一本書我係必買嘅,就係Eric Ng、Pen So同曹志豪擔頭嘅《七十二行》,唔使多介紹,淨係掟一咋參與畫手個大名出嚟,我諗都好難唔買。負責插圖嘅畫手有009、Alan Wan、Cha Cha Chan、Cody Chow、Cuson、Man Tsang、Noel Mok、Pariz Wong、Pen So、Peter Ng、Tony Yim、Yeung Siu、甘小文、白水、米奇、亞傑多、夏偉義、袁家寶、張君豪、曹志豪、梁光明、梁偉安、梁偉家、梁瑋豪、畢亦樂、陳科琳、葉明發、塵阿力、鄧達軒、蕭世順、戇男,主題當然係香港老行業,仲有文字介紹作補完,估計應該好襟睇吓。家陣封面曝光,型到一個點,唔買係你損失,我話嘅。

Read more ›
《P72七十二行》展覽上網有得睇 18張畫作晒冷
by / on 19/01/2017 at 12:00 pm

《P72七十二行》展覽上網有得睇 18張畫作晒冷

時間不等人,錯過咗就係錯過咗,抽唔到時間睇之前嘅《P72七十二行》畫展,我至今都心有戚戚然。好彩,有關方面喺面書一次過登番晒18幅畫出嚟,兼有埋作者簡介,等大家可以加深認識18位作者同展覽主題,隔住個Mon睇畫當然無咁震撼,但總好過無。加油呀,期待Project 72第二次Event快快出現。

Read more ›
話買又唔買激嬲梁瑋豪 請珍惜港漫人心血
by / on 18/01/2017 at 10:15 pm

話買又唔買激嬲梁瑋豪 請珍惜港漫人心血

瀏覽面書,得悉梁瑋豪俾人玩,我都頂住條氣。事緣有人向梁瑋豪留言話買《一個人在圖上》,卻遲遲唔科水,最後居然出爾反爾話唔要,求其講一聲Sorry當無事發生。梁瑋豪厚道,無開名,只係登Cap圖兼留言話:「本來打算一口氣吞下去便算,但不貼出來實在氣難下。我不公開你的名字已經相當厚度了!這陣子我的生活已經夠痛苦了,是嫌我不夠煩惱嗎?書其實已有其他朋友說會接收,但希望這些人不要隨便作出一些極不負責任的行為。」做人唔好下爬輕輕,話買就唔該買,買就唔該過戶入數,港漫人已經夠苦,請唔好再為佢哋添煩惱,一擔心機出本畫集,換嚟嘅唔係合理金錢回報而係谷氣,你話情何以堪?誇啲講句,港漫已經去到接近要保育嘅階段,唔撐無緊要,唔該唔好踩多一腳,萬謝。

Read more ›
網圖分享:《老夫子》王家禧離世 港漫人出圖悼念
by / on 04/01/2017 at 6:30 pm

網圖分享:《老夫子》王家禧離世 港漫人出圖悼念

呢兩日全香港都論談《老夫子》,王家禧離世,睇怕好多香港人都好Sad,今日《想入非非──老夫子漫畫作品展》Last day,我估動漫基地肯定逼爆人,都不失為送別老王澤嘅最後心意。港漫人出圖悼念,新畫舊畫贈畫有齊,大家慢慢緬懷吓呢個畫壇巨匠喇。

Read more ›