Post Tagged with: "梁偉家"

網圖分享:港漫人出圖望颱風快快走
by / on 28/08/2017 at 8:38 pm

網圖分享:港漫人出圖望颱風快快走

呢排打風打到人都悶,都九月喇,仲邊得嚟咁多颱風架?對上一次香港一年內掛四次八號風球,原來已經係2008年嘅事。今年2017年,已經先後有「苗柏」、「洛克」、「天鴿」同「帕卡」四個八號或以上颱風襲港,「天鴿」仲打到上十號波添。天災帶畀香港同澳門嘅經濟同人命損失,係無人想見到嘅,為此,一班港漫人都作畫寄予同情,睇完畫,希望大家都平平安安,健健康康喇。

Read more ›

梁偉家自製《滅絕遊戲》時鐘 獨一無二無得賣
by / on 22/08/2017 at 8:30 pm

梁偉家自製《滅絕遊戲》時鐘 獨一無二無得賣

打風,無街去,留喺屋企瀏覽面書,唔覺意Click入梁偉家面書睇睇,竟見一掛牆鐘,鐘面係《滅絕遊戲》天師張道陵,淡淡哋色,好精緻吓。想要,不過無得賣,因為係佢自製嘅,獨一無二,睇咗當擁有過喇。

Read more ›
跟進番:梁偉家《滅絕遊戲》紀念明信片 得個睇字無得賣
by / on 26/07/2017 at 7:32 pm

跟進番:梁偉家《滅絕遊戲》紀念明信片 得個睇字無得賣

噢!擒晚本網站報料話梁偉家打算出《滅絕遊戲》紀念明信片,梁偉家見News澄清話:「其實只係印嚟自己留念架咋。」噢噢噢!噢夠三次!原來真係實屬「今年送比自己嘅生日禮物」,無得賣,即係得個睇字,搞到我空歡喜一場,失望。唔係喎,此Post一出留言者眾,無不舉腳贊成,家家,真係考慮吓推出好喎,有得諗喎。

Read more ›
梁偉家《滅絕遊戲》紀念明信片 一套十二張
by / on 25/07/2017 at 8:36 pm

梁偉家《滅絕遊戲》紀念明信片 一套十二張

久未有搞作嘅梁偉家有作品推出喇,開心!為紀念四年前同戴慶賢合作出版《滅絕遊戲》,家陣佢決定出番套《滅絕遊戲》紀念明信片。望過相,明信片一套十二張,用紅黑二色做主調,希望Size可以大番少少喇,太細張驚欣賞唔到家家功架,價錢暫時未知,不過如無意外都會入手。另,強烈要求出完明信片之後,家家可以推出新作品,加油呀。

Read more ›
書展必搶《七十二行》實體書
by / on 09/07/2017 at 1:00 pm

書展必搶《七十二行》實體書

今年書展,有一本書我係必買嘅,就係Eric Ng、Pen So同曹志豪擔頭嘅《七十二行》,唔使多介紹,淨係掟一咋參與畫手個大名出嚟,我諗都好難唔買。負責插圖嘅畫手有009、Alan Wan、Cha Cha Chan、Cody Chow、Cuson、Man Tsang、Noel Mok、Pariz Wong、Pen So、Peter Ng、Tony Yim、Yeung Siu、甘小文、白水、米奇、亞傑多、夏偉義、袁家寶、張君豪、曹志豪、梁光明、梁偉安、梁偉家、梁瑋豪、畢亦樂、陳科琳、葉明發、塵阿力、鄧達軒、蕭世順、戇男,主題當然係香港老行業,仲有文字介紹作補完,估計應該好襟睇吓。家陣封面曝光,型到一個點,唔買係你損失,我話嘅。

Read more ›
網圖分享:Eric Ng的面書版「七十二大圖集」
by / on 29/06/2017 at 12:00 pm

網圖分享:Eric Ng的面書版「七十二大圖集」

好早知道大好人Eric Ng會聯同曹志豪推出《七十二行》實體畫集,畫集會喺書展出版,有三十幾個畫手參與,另有四十幾幅插圖,會集畫、相同文字於一身,我係好拭目以待嘅。書展未到,畫集未有得睇,但可以睇住面書版迷你「七十二大圖集」先,Eric Ng力邀眾畫手用Q版畫香港老行業,每星期Share十張畀大家欣賞。靚畫固然好睇,睇完,你又估唔估到畫緊乜老行業?

Read more ›

《詭探》x港漫 原來出自梁偉家之手
by / on 28/06/2017 at 6:00 pm

《詭探》x港漫 原來出自梁偉家之手

唔知大家有無睇ViuTV《詭探》,我有,仲搵番久違了嘅追劇興致,晚晚收工都第一時間哺喺電腦前面煲劇。前晚第21集〈邪教圖騰〉,故事講到Joe同神婆向方怡解釋「第七動行動組」花朵由來──話說N年前學過茅山術嘅女幹探阿花,率領捉過過百隻鬼嘅師父同師叔、單挑撒旦嘅神父、300歲黑魔法女巫、光頭大叔入義莊捉殭屍,最後殭屍盡殲,可惜七人去一人還,只死剩阿花,「第七行動組」自此代代承傳,傳到忠Sir呢代剛好係第四代。編劇交代呢段故事,唔用真人拍攝,改用漫畫加Joe對白交代,好突破。前晚睇嗰陣,我已經Feel到漫畫滿滿港漫風,筆風仲好熟口熟面。正估緊出自邊個手筆之際,梁偉家喺面書出Post話:「自己嘅漫畫在另一領域出現,實在是一件非常高興嘅事。」真相大白了!網劇聯乘港漫,原來有得諗喎,邊個咁好橋?真真抵讚。

Read more ›
網圖分享:港漫人贈畫 鼓勵雷特氏症小朋友(三)
by / on 24/04/2017 at 10:50 pm

網圖分享:港漫人贈畫 鼓勵雷特氏症小朋友(三)

嚟到四月尾,贈畫鼓勵雷特氏症小朋友嘅港漫人未停過,梁偉家有份畫,剛奪第三十六屆香港金像獎專業精神獎嘅阮大勇都有份畫,連一向忙到甩轆嘅邱福龍都不吝時間,賜畫一幅,齊齊支持「愛不罕見」呢個咁有意義嘅活動。Fine,睇靚畫之餘,本網站亦祝患病小朋友早日康復喇。

Read more ›
唔只畫畫叻 梁偉家DIY《滅絕遊戲》立體天師
by / on 07/03/2017 at 9:00 pm

唔只畫畫叻 梁偉家DIY《滅絕遊戲》立體天師

喂,真係估唔到梁偉家唔單只畫畫叻,連搓公仔都有番咁上下。家家喺面書Post咗幅《滅絕遊戲》張道陵圖,今次唔係平面畫作,而係搓出嚟嘅「DIY立體天師」。佢話求人不如求己,所以自己研究點樣搓喎,似唔似?家家話完成度暫時只有一半,細緻位未做到足,但一睇就睇到雛型,完成品係點,拭目以待呀。

Read more ›
網圖分享:大年初三 梁偉家入賀年漫畫
by / on 30/01/2017 at 11:19 am

網圖分享:大年初三 梁偉家入賀年漫畫

開心時間過得特別快,話咁快又大年初三喇,逗咗幾多利是呀朋友?新一年,試新嘢,梁偉家都試吓用純電腦寫稿,係咁意作畫兩幅賀新春,佢話純屬「隨意畫喎」,我就覺得質素奇高嘞。BTW,祝大家繼續逗多啲利是,新年進步。順祝梁偉家雞年搵大錢,最好就出番本漫畫,幫手搞番旺個市喇,恭喜恭喜。

Read more ›
《P72七十二行》展覽上網有得睇 18張畫作晒冷
by / on 19/01/2017 at 12:00 pm

《P72七十二行》展覽上網有得睇 18張畫作晒冷

時間不等人,錯過咗就係錯過咗,抽唔到時間睇之前嘅《P72七十二行》畫展,我至今都心有戚戚然。好彩,有關方面喺面書一次過登番晒18幅畫出嚟,兼有埋作者簡介,等大家可以加深認識18位作者同展覽主題,隔住個Mon睇畫當然無咁震撼,但總好過無。加油呀,期待Project 72第二次Event快快出現。

Read more ›

網圖分享:《老夫子》王家禧離世 港漫人出圖悼念
by / on 04/01/2017 at 6:30 pm

網圖分享:《老夫子》王家禧離世 港漫人出圖悼念

呢兩日全香港都論談《老夫子》,王家禧離世,睇怕好多香港人都好Sad,今日《想入非非──老夫子漫畫作品展》Last day,我估動漫基地肯定逼爆人,都不失為送別老王澤嘅最後心意。港漫人出圖悼念,新畫舊畫贈畫有齊,大家慢慢緬懷吓呢個畫壇巨匠喇。

Read more ›
好有愛!梁偉家三哥病重!馬榮成贈親筆畫!
by / on 30/11/2016 at 11:45 am

好有愛!梁偉家三哥病重!馬榮成贈親筆畫!

讀者央求作者賜畫就見得多,同為漫畫家身份嘅梁偉家要求馬榮成贈畫,又真係有啲估佢唔到。有古講,事緣梁偉家三哥長期病重,作為細佬嘅佢知道三哥最愛《中華英雄》,最欣賞馬榮成,所以膽粗粗請馬榮成贈畫。人間有情,馬榮成亦不負所托,即送上步驚雲畫板一幅。成件事好有愛,本網站亦祝福家家三哥早日康復,公仔書長睇長有!

Read more ›
《漫畫賓治2》12月3日出版 課金支持唔好得個講字
by / on 30/11/2016 at 10:30 am

《漫畫賓治2》12月3日出版 課金支持唔好得個講字

都係嗰句,支持港漫唔係得個講字,要用實際行動,即係課金,難得有班有心人搞興個市,我哋係咪好應該擺低$88以示鼓勵呢。且看12月3日出版嘅《漫畫賓治2》陣容──陸志明、鄭少現、陳明、Yas、上官小威、上官小洪、張萬有、甘小文、謝志榮、少傑、鄧本邦、黃書慶、梁偉家、金城、郭小峰、Ah Wah、Cody、Joe Wong、李紅劍、周蔭龍、小魚毛等等,唔敢話個個都識,唔敢話個個手畫都啱你睇,但拎上手嗰種沉甸甸手感,正正係實體書先畀到你嘅睇公仔書味道。唔使諗,撐喇,好睇嘅,追買番第一期都唔過份。

Read more ›
撐《Project 72》畫展 港漫人的老香港情懷
by / on 30/11/2016 at 9:30 am

撐《Project 72》畫展 港漫人的老香港情懷

Good到無得再Good呀,可以聚集到咁多位港漫人,係絕對值得支持嘅香港畫壇盛事,講緊嘅係《Project 72》畫展,排名不分先後,有包括Cody Chow、Noel Mok、Pen So、Tony Yim、WaiMan Tsang、Wai On、白水、米奇、阿傑多、袁家寶、梁光明、梁偉家、梁瑋豪、畢亦樂、曹志豪、戇男、張君豪等人參與。畫作以七十二行為主題,盡顯老香港一面,好多位港漫人都率先各自喺面書登出畫作,好讓心急嘅你同我先睹為快。齋睇相都覺得靚到啪啪聲,唔到饒宗頤文化館睇真跡,絕對係你損失,我話嘅。

Read more ›