Post Tagged with: "梁偉家"

梁偉家《滅絕遊戲》紀念明信片 每套$100抵撐
by / on 26/03/2018 at 8:38 pm

梁偉家《滅絕遊戲》紀念明信片 每套$100抵撐

介紹番,梁偉家套《滅絕遊戲》紀念明信片仲賣緊架,而梁偉家本尊亦好努力地畫緊親筆畫,當然有埋親筆簽名喇。每套$100,有興趣可以PM佢或打畀先達漫畫店阿Paul哥,報告完畢。

Read more ›

梁偉家《滅絕遊戲》改編電影 徐錦江做男一
by / on 18/03/2018 at 3:08 pm

梁偉家《滅絕遊戲》改編電影 徐錦江做男一

真心恭喜梁偉家,其筆下嘅《滅絕遊戲》將會改編成電影,英文戲名叫《Demon Hunter》,暫時詳細資料未有,但主角天師將會由Elvis Tsui飾演。Elvis Tsui是誰?咪眾望所歸嘅徐錦江囉,唔知點解,依家我腦海已經有徐錦江扮天師嘅造型,好入型入格……

Read more ›
梁偉家的《快樂秘笈》 限量1000本
by / on 19/12/2017 at 6:07 pm

梁偉家的《快樂秘笈》 限量1000本

係,初頭聽到書名叫《快樂秘笈》,實在太心靈雞湯Feel,個心真係窒一窒,但當知道原來內裡畫插圖同漫畫係出自梁偉家之手,我又有興趣望望喎。梁偉家形容呢本書係一本「發放正能量的刊物」,製作精美,限量1000本;佢仲話:「如果有團體想申請這本書發放,可以辦公時間內聯絡伍小姐」,團體先可以申請?唔知可唔可以私人擁有呢?

Read more ›
梁偉家x胡家寶Jam畫 天師x老祖宗同一時空
by / on 31/10/2017 at 9:00 am

梁偉家x胡家寶Jam畫 天師x老祖宗同一時空

又係高質素Jam畫呀喂!早前梁偉家作天師畫一幅,左上角刻意留白,並喺面書拋低一句:「工作之餘不忘娛樂,寶兄(胡家寶)期待你的大作!」而喺擒日,作品終於出籠,畫嘅係天下無敵老祖宗,兩個角色同處一個時空,難得地好Match,港漫味道出晒嚟,又係時候Save as wallpaper。

Read more ›
梁偉家《滅絕遊戲張道陵畫集》開賣 每本$170
by / on 18/10/2017 at 7:24 pm

梁偉家《滅絕遊戲張道陵畫集》開賣 每本$170

千呼萬喚始出來,梁偉家《滅絕遊戲張道陵畫集》依家正式開賣嘞,硬皮封面,30頁厚卡紙印製,每本$170,有心捧場可以向「先達漫畫店」預留。記住,係預留,家家話朋友講個信字,唔使落訂喎。另,有樣嘢都係不得不讚家家,佢公開講到明「畫集書脊位有因運輸會有小小摺痕,絕對不影響內文,希望大家不要介意,我已盡了最大努力……」夠坦白,我Like。

Read more ›
好想要!梁偉家《滅絕遊戲張道陵畫集》送十大精品!
by / on 17/10/2017 at 8:30 pm

好想要!梁偉家《滅絕遊戲張道陵畫集》送十大精品!

嘩,厚禮呀!《滅絕遊戲張道陵畫集》未正式推出,但梁偉家已經講到明會送出十大精品,係真係好有誠意嘅精品中的精品,總共有十大份,包開張道陵畫像卷軸、天師滅妖水墨畫、滅絕遊戲手繪環保袋、祖兒相連親筆書籖、天師、祖兒苦戰千年蛇妖掛畫、齊天大聖上身砌圖、天師滑鼠塾、祖兒滑鼠塾、滅絕遊戲攬枕同祖兒療傷A4掛畫原稿幅。點送法?買一本畫集即得一次抽籤機會,買兩本有兩個機會,餘此類推,大家識做喇。而我呢,就最Like幅砌圖,如果可以擁有就好咯。

Read more ›

講個信字 買梁偉家《滅絕遊戲》Postcard唔使落訂
by / on 08/10/2017 at 6:38 pm

講個信字 買梁偉家《滅絕遊戲》Postcard唔使落訂

梁偉家面書報料,因為《滅絕遊戲張道陵畫集》製作需時暫延推出,所以出住《滅絕遊戲》Postcard先,一套10張,內附一幅獨一無二親筆畫,每套$100。好得很!最正係梁偉家話朋友講個信字,私訊佢講聲「要」就得,唔使落訂,咁大家識做啦。佢仲登埋相,Postcard質素著實係高,絕對值得收藏,我話嘅。

Read more ›
梁偉家以畫會友 要求同胡家寶Jam畫
by / on 05/10/2017 at 11:00 am

梁偉家以畫會友 要求同胡家寶Jam畫

繼續以畫會友,正呀喂,繼同張萬Jam有畫之後,梁偉家又作畫一幅,兼喺面書留言曰:「工作之餘不娛樂,寳兄(胡家寳)期待你的大作!」畫作右下角畫咗張道陵,左上角留白,等緊胡家寶出手。雖則我唔知胡家寶是誰,但梁偉家透請得出手,阿寶兄應該一定有番咁上下斤兩,阿寶兄快啲動筆啦唔該,我好心急呀。

Read more ›
跟進番:張萬有x梁偉家Jam畫 蚩尤x天師完成
by / on 29/09/2017 at 8:43 pm

跟進番:張萬有x梁偉家Jam畫 蚩尤x天師完成

早幾日報導過張萬有畫咗幅蚩尤,特登留白上半部份畀梁偉家,家陣Jam畫大功告成,家家都係畫天師,兩個角色出現喺同一張畫紙,完全零違和。唔使上色,一樣咁有霸氣,係好值得畀掌聲兩位大師嘅,啪啪啪啪啪……

Read more ›
梁偉家出《滅絕遊戲張道陵畫集》 超高質有埋原稿抽獎
by / on 27/09/2017 at 7:32 pm

梁偉家出《滅絕遊戲張道陵畫集》 超高質有埋原稿抽獎

一向Like梁偉家,所以得唔到之前不作公開發售嘅《詭探》,我係有少少耿耿於懷嘅。好彩,佢終於有新作面世,名為《滅絕遊戲張道陵畫集》,硬皮製作,500g厚咭印製,內容係以插畫加文字形式講關於張道陵嘅故事。家家整咗個Dummy版,喺面書掟埋相出嚟,水準非常高。賣幾錢、幾時出版等詳細資料暫時未知,淨係知會公開接受預訂,仲有水墨原稿抽獎添,真係未出版先興奮呀喂。

Read more ›
網圖分享:張萬有x梁偉家Jam畫
by / on 26/09/2017 at 8:30 pm

網圖分享:張萬有x梁偉家Jam畫

張萬有同梁偉家都係我好Like嘅漫畫家,所以見到佢哋Jam畫,我係真心Mode打從心底裡嘩咗一聲出嚟,好開心。靚唔靚?自己睇,嗰種八九十年代港漫Feel出晒嚟,我等港漫死忠好難唔受落。有一必有二,第一幅家家畫咗個天師,第二幅萬有就畫咗個蚩尤,等緊家家畫埋嗰一半,齋黑白稿都咁正,落埋色仲得了?大膽跪求兩位,不如落埋色喇。

Read more ›

網圖分享:港漫人出圖望颱風快快走
by / on 28/08/2017 at 8:38 pm

網圖分享:港漫人出圖望颱風快快走

呢排打風打到人都悶,都九月喇,仲邊得嚟咁多颱風架?對上一次香港一年內掛四次八號風球,原來已經係2008年嘅事。今年2017年,已經先後有「苗柏」、「洛克」、「天鴿」同「帕卡」四個八號或以上颱風襲港,「天鴿」仲打到上十號波添。天災帶畀香港同澳門嘅經濟同人命損失,係無人想見到嘅,為此,一班港漫人都作畫寄予同情,睇完畫,希望大家都平平安安,健健康康喇。

Read more ›
梁偉家自製《滅絕遊戲》時鐘 獨一無二無得賣
by / on 22/08/2017 at 8:30 pm

梁偉家自製《滅絕遊戲》時鐘 獨一無二無得賣

打風,無街去,留喺屋企瀏覽面書,唔覺意Click入梁偉家面書睇睇,竟見一掛牆鐘,鐘面係《滅絕遊戲》天師張道陵,淡淡哋色,好精緻吓。想要,不過無得賣,因為係佢自製嘅,獨一無二,睇咗當擁有過喇。

Read more ›
跟進番:梁偉家《滅絕遊戲》紀念明信片 得個睇字無得賣
by / on 26/07/2017 at 7:32 pm

跟進番:梁偉家《滅絕遊戲》紀念明信片 得個睇字無得賣

噢!擒晚本網站報料話梁偉家打算出《滅絕遊戲》紀念明信片,梁偉家見News澄清話:「其實只係印嚟自己留念架咋。」噢噢噢!噢夠三次!原來真係實屬「今年送比自己嘅生日禮物」,無得賣,即係得個睇字,搞到我空歡喜一場,失望。唔係喎,此Post一出留言者眾,無不舉腳贊成,家家,真係考慮吓推出好喎,有得諗喎。

Read more ›
梁偉家《滅絕遊戲》紀念明信片 一套十二張
by / on 25/07/2017 at 8:36 pm

梁偉家《滅絕遊戲》紀念明信片 一套十二張

久未有搞作嘅梁偉家有作品推出喇,開心!為紀念四年前同戴慶賢合作出版《滅絕遊戲》,家陣佢決定出番套《滅絕遊戲》紀念明信片。望過相,明信片一套十二張,用紅黑二色做主調,希望Size可以大番少少喇,太細張驚欣賞唔到家家功架,價錢暫時未知,不過如無意外都會入手。另,強烈要求出完明信片之後,家家可以推出新作品,加油呀。

Read more ›